This topic contains 8 replies, has 1 voice, and was last updated by 
-
Topic
-
Sælir félagar.
Ég var að setja hásingu undir minn Hilux Extracab ’91. Notaði LC 70 framhásingu með gormafjöðrun, og í leiðinni setti ég stýristjakk. Boraði þar afleiðandi stýrismaskínuna(LC 70 maskína) fyrir tjakk og keypti í hana upptektarsett. Nú er þetta klárt í bílnum og allt virkar, en það er óeðlilega stíft að stýra bílnum. En samt hægt að beygja 38″ þegar bíllinn er kjurr án átaka, þannig að tjakkurinn er að vinna sitt verk. Stífleikinn virðist vera í stýrismaskínunni sjálfri. Datt í hug að einhver hér gæti gefið mér gott ráð í þessu máli.
Það er búið að reyna að stilla maskínuna herða/losa, en það breytir engu. Góð ráð vel þegin.
Kv. Bragi
-
Replies
-
Aftengdu tjakkinn (settu tappa í götin, þarft hvort eð er að eiga svoleiðs ef þú gatar slöngu) og útilokaðu að tjakkurinn sé vandamálið.
Ef tjakkurinn er málið, þá myndi ég giska á að dælan sé orðin þreytt og nái ekki að fæða bæði tjakkinn sem og stýrismaskínuna.Runar.
Anonymous- Umræður: 0
- Svör: 16404
Hljómar eins og svelti.
Fínt að prófa að blinda tjakkinn, kerfið getur látið svona ef það:
1: Er alltof sver tjakkur
2: Tjakkurinn er utarlega á armi eða þannig uppsettur að hann hreyfist mjög langt…hafi mikla færslu
3: Það lekur á milli í tjakknum sjálfum yfir stimpilinn…ath. að ef loft er inná tjakknum þegar allt er tengt, þá getur loftið snarphitnað við þrýstingsaukninguna og grillað þéttingarnar í stimplinum. Sjaldgæft, en til í dæminu.
4: Tjakkurinn öfugt tengdur…gæti komið fyrir á bestu bæjum að víxla slöngum
og svo auðvitað slöpp/of lítil dæla. Það kemur til greina ef ekkert breytist við að aftengja tjakkinn.
Athuga ber að það hefur ekkert að segja að auka þrýstinginn á dælunni. Ef hún á að afkasta meira þarf að snúa henni hraðar eða setja nýja.
kkv
Grímur
Er ekki svona júnit á maskínunni til að stilla dauða slagið eins og í amerískum ?
Semsagt teinn eða pinni uppúr með stoppró.Eitthvað verið fiktað í því ef það er til staðar ?
Það er hægt að gera of mikið þannig að maður hreyfir varla og jafnvel bara alls ekki stýriðKv. Kalli
——————————-
Ah .. sá núna neðst í póstinum hjá þér að það er búið að skoða það.
Takk fyrir góð svör.
Ætla að prufa að "afnema" tjakkinn til að sjá hvort þetta sé eitthvað tengt honum.
Er það tilfellið að stýrisdælur missi þrýsting með aldrinum ? Þessi er jú keyrð 255 þús km.
kv. Bragi
kanski heimskuleg spurning … En þetta er ekkert tengt öfugt hjá þér ?
Þannig að tjakkurinn sé að vinna á móti hinu ?Kv. Kalli
Góðann daginn. Ég hef lent í að loft var mjög lengi að fara af maskínu og tjakk.
lausnin var að setja bílinn á búkka og keira stírið borð í borð í talsverðann tíma
alt í einu losnaði lofttappinn úr og talsverður vökvi komst í viðbót.
Það freiddi samt og það varð að gera þetta í áföngum
Kveðja Þórir.
[quote="torirg":5c9vzq0q]Góðann daginn. Ég hef lent í að loft var mjög lengi að fara af maskínu og tjakk.
lausnin var að setja bílinn á búkka og keira stírið borð í borð í talsverðann tíma
alt í einu losnaði lofttappinn úr og talsverður vökvi komst í viðbót.
Það freiddi samt og það varð að gera þetta í áföngum
Kveðja Þórir.[/quote:5c9vzq0q]Það var reyndar lengi loft á kerfinu, og hávært loftsuð í dælunni. Það er hinsvegar hætt núna og ég hef fylgst vel með vökvahæðinni. Hef þetta í huga.
[quote="KarlHK":5c9vzq0q]kanski heimskuleg spurning … En þetta er ekkert tengt öfugt hjá þér ?
Þannig að tjakkurinn sé að vinna á móti hinu ?[/quote:5c9vzq0q]Segjum sem svo að þetta væri tengt öfugt (sem ég er 99% viss um að er ekki) Væri þá hægt að stýra bílnum eitthvað á annað borð ? Er búinn að keyra bílinn nokkuð hundruð km með þetta svona, þetta er ekki svo stíft, en samt óvenjulega stíft miðað við jeppa með stýristjakk.
Anonymous- Umræður: 0
- Svör: 16404
Endilega rífðu tjakkinn í sundur ef "blindun" breytir einhverju til hins betra. Ef það lekur yfir stimpilinn virkar vökvastýrið eiginlega ekki neitt vegna þess að það nær ekki þrýstingi í stýrismaskínunni heldur.
***Leiðrétting: það er betra að prófa tjakkinn undir álagi í aðra áttina, undir bílnum, taka bara aðra lögnina frá og beygja í botn þannig að tjakkurinn sé alveg saman þeim megin. Þá á ekki að buna út um tjakknippilinn endalaust. Ef svo er, þá lekur á milli.Jafnvel þó að tjakkurinn sé nýr er ekki alveg að treysta því að hann sé í lagi. Það getur líka lekið milli stangar og stimpils, t.d. ef gleymst hefur að þétta með samskeytum eða herða saman.
kkv
Grímur
You must be logged in to reply to this topic.