Stærri legur í Hilux/4Runner

uhhh, til hvers?

[b:ka0a6mg9]"Ég er rennismiðurinn, þannig að það er auðvelt að hafa samband við hann."[/b:ka0a6mg9]

Það er gott að vita það, þá þarf ég ekki að fara í grafgötur með tæknilega bakgrunninn, ég sé það líka á teikningunum og útreikningunum.

En, svo við snúum okkur að viðfangsefninu; við að minnka bilið á milli leganna, þó svo að maður breikki aðra þeirra, þá minnkar maður vogaraflið á ytri leguna nánast ekki neitt. Til að minnka álagið þarf maður að auka bilið á milli leganna. Maður getur reiknað sig fram til að maður græði á inn-færslunni og breiðari legu, en mér finnst það ansi mikil vinna fyrir nánast ekki neitt. En svo þar fyrir utan er alltaf gaman að gera prufanir í raunveruleikanum, ekki bara í Excel-skjali.
Er einhver leið til auka bilið ? Er hægt að læsa legurónni á einhvern annann hátt en með annarri ró ? Kannski væri nóg ef væri hægt að færa original leguna utar, en hvernig ?
Ef það væri möguleiki að fara í legu 25580, en hún er með minna innanmál; 44,450 og utanmál; 82,931, breiddin er svo aftur á móti 23,812 og C-load er 80,9 kN, sem er umtalsvert meira en á LM 102949; 53,9 kN. Þá lendir maður í að ytra þvermál er farið að fara í boltagötin fyrir flansinn. Kannski væri hægt að festa flansinn/lokuna öðruvísi ? Á sínum tíma þegar ég sleit þessa pinbolta (í sérsmíðaðri afturhásingu) eins og lakkrís var ég búinn að hugsa margar lausnir en það náði aldrei svo langt að ég gerði neitt í því.

Þetta er svona það sem ég kem auga á í augnablikinu, en hvort það er nothæft veit ég ekki.

Kv. Steinmar

Það munar vissulega miklu á 56kN og 80kN. Mér vitanlega hefur aldrei verið vandamál með innri leguna, hvorki á Toyota eða öðrum gerðum.
Ef við förum að reikna álag á öðrum ásum (x,y,z) en lóðréttum erum við komnir ansi langt útí (inn í) verkfræðilegan útreikning á burðarþoli. Þó svo að ég sé vel kunnugur burðarþolsútreikningum, væri það ofar minni getu að reikna á því plani, þó svo að ég skilji fræðin.

Ef við skoðum aðeins álagið við beina keyrslu, þá er það að mestu bara að bera þungan sem hvílir lóðrétt ofan á hjólinu. Reyndar er málið aðeins flóknara, en við miðum bara við einfaldan útreikning.
Um leið og stefna hjólsins breytist erum við farnir að bæta við hluta af heildarþunga bílsins, skriðþunga bílsins og einfalt er að bæta fleiri þáttum við eins og til dæmis hröðun, en þetta er fljótt að verða flókið. Um leið og aðrir kraftar fara að virka á leguna breytast einnig stefur kraftanna og þar af leiðandi getur stærð kraftanna sveiflast ansi mikið við Kamba-beygjurnar.
Við framleiðslu/sölu á legum fáum við uppgefin ákveðin hámörk á burðargetu, en við vitum hinsvegar að efri mörkin liggja ofar vegna þess að framleiðandinn notast við einhver öryggismörk, en við verðum að miða okkar útreikninga við að vera neðan við þau mörk og helst ekki yfir C og Co mörkunum.

Ef vel ætti að vera þyrfti að vera hægt að mæla þá krafta sem virka á nafið/legurnar við hinar ýmsu aðstæður. Með þær niðurstöður í farteskinu er maður með þann grunn sem þarf til að geta sagt til um hvaða styrk legurnar þurfa að hafa svo þær haldi. Mér segir svo hugur að þær tölur fengju mann til að hugsa sig tvisvar um áður en maður færi að troða breiðari felgum undir bílinn. Ástæðan fyrir því að þessi búnaður "þolir" stór dekk og breiðar felgur, er sá að öryggismörkin liggja hærra en álagið sem legurnar verða fyrir, svona næstum því alltaf.

Kv. Steinmar

Hvað kallar þú viðhaldsfrítt Atli eiginlega?
Held að ég sé á öðru eða þriðja legusettinu að framan, eftir ca 300.000 km á 12"-17" breiðum felgum. Það kalla ég ekki neitt til að nenna að spá í
Er á þriðja settinu að aftan, sem mér finnst eiginlega mun furðulegra…

BTW, Freysi og co reiknuðu einhverntíman út líftíman á framhjólalegubúnaði í þessum bílum, miðað við 14" breiðar felgur, og uppgefna endingu frá einhverjum framleiðandanum. Minnir að hann hafi sagt að niðurstaðan hafi verið einhversstaðar í kringum 500.000 km !

kv
Rúnar.

[b:30k42c0g]"BTW, Freysi og co reiknuðu einhverntíman út líftíman á framhjólalegubúnaði í þessum bílum, miðað við 14" breiðar felgur, og uppgefna endingu frá einhverjum framleiðandanum. Minnir að hann hafi sagt að niðurstaðan hafi verið einhversstaðar í kringum 500.000 km !"[/b:30k42c0g]

Það er hægt að reikna sig fram til alls, líka þess sem maður trúir. Það er mín reynsla að framhjólalegur á til dæmis Trooper og Patrol á 14" felgum og 38" dekkjum geti enst allt að 170.000 kílómetra og er þá miðað við reglubundið viðhald; uppherslu, hreinsun og skipta um feiti. Þetta er sú ending sem ég hef verið að fá á framhjólalegum, en stundum hefur hún verið minni og þá er ekki hægt að kenna legunum um, heldur skorti á viðhaldi. Þess ber að geta að þetta eru reynslutölur af bílum notuðum í ferðaþjónustu allt árið um kring og eknir kílómetrar að jafnaði 55- 60 þúsund kílómetrar á ári.

Þegar maður reiknar út líftíma á legum eru margar breytur sem eru teknar inn í dæmið, en útkoman getur einungis orðið "leiðbeinandi", þeas. maður verður að gera ráð fyrir óvissu í útreikningunum sem stytta líftímann. Það er samt hægt að segja að eftir því sem notkun legunnar er meira "konstant" verður líftíminn lengri.

Kv. Steinmar

Þetta lítur út fyrir að geta virkað. Það eina sem ég hefði áhyggjur af eru boltagötin, en það er svosem ekkert nema að prófa og annahvort virkar þetta eða ekki.

Atli, værir þú til í að senda mér nafið komplett sem step-file ? Mig langar til að skoða þetta betur í nærmynd. Netfangið er: steinmarg@hotmail.com

Kv. Steinmar