This topic contains 13 replies, has 1 voice, and was last updated by 
-
Topic
-
Við í fjarskiptanefnd viljum gera tilraun til að safna saman á einn stað upplýsingum um staði þar sem er:
1. Ekkert GSM/Tetra samband.
2. Gott GSM/Tetra samband.Staðarlýsing getur verið staður. t.d skáli, leið eða leiðarhluti, hóll/fjall eða dalur.
Svona upplýsingar geta hjálpað okkur að láta vita af ferðum okkar þegar við erum stödd á stöðum með gott GSM áður en við förum inn á skuggasvæði. Á sama hátt getum við farið á staði sem skráðir hafa verið með gott samband ef þörf er á að hringja. Upplýsingar um GSM samband í skálum eða í nágrenni við skála eru sérstaklega forvitnilegar.
Hafið staðarlýsingar skilmerkilegar til að forðast rugling, örnefni og landshluti ásamt hnitum ef við á. Vegnúmer getur líka verið gott. Einnig taka fram hvort um er að ræða Vodafone, Símann eða Tetra.
Að öllu jöfnu skulum við gera ráð fyrir venjulegum handsíma, ef samband næst með aukaloftneti eða bíltæki en ekki handtæki, þarf það að koma fram.Á þessum þræði skulum við ekki koma með fyrirspurnir, yfirlýsingar eða pælingar, eingöngu upptalningar.
Upplýsingum má líka koma til okkar á netfangið fjarskiptanefnd@f4x4.is
Snorri
-
Replies
-
Sæll Snorri
Flateyjardalurinn F899 var ekki í sambandi fyrr en komið var í fjöruna (Vodafone)
Sprengisandur að Nýjadal og norður gömlu Bárðardalsleiðina frá F910 og Norður að Réttartorfu var oftast inni. Búið var að setja skilti á hól við réttartorfu þar sem samband átti að nást, en ég náði hvorki með símanum né vodafone þar. Þar fyrir norðan var samband þegar ég þurfti að hringja.
Arnarvatnsheiðin var góð með Vodafone en fleiri göt með Símanum.
Svæðið við Svínavatn og Húnavelli (724) er inni ef farið er upp á hól.
kveðjaÞorsteinn
Gott Vodafone samband er í dalnum. Bæði inni í skálum og á tjaldsvæðinu.
Síminn næst ef gengið er um 50 metra upp í brekkuna fyrir ofan gamla Skíðaskólann.
Bæði Vodafone og Síminn nást vel ef farið er ca 100 m af stað upp veginn upp á hverasvæðið, t.d. við skálann LaPlata.
Ekkert Tetra samband var á svæðinu í sumar.
[url=http://kerlingarfjoll.is:1w4ot5mi][b:1w4ot5mi]Kerlingarfjöll[/b:1w4ot5mi][/url:1w4ot5mi]
Snorri
Hæ ég er kannski að misskilja Snorra. En hér eru allavega smá upplýsingar um gsm samband í byggð og á fjöllum. Frá Bröttubrekku og alla leið að Þorbergsstöðum í Dölum er nánast ekkert gsm samband Sama á við um Miðdalina og ofan Sauðafells. Í Sælingsdal er hvorki gsm eða Tetrasamband. Í Hörðudal er hvorki gsm né Tetrasamband. Á Fellströnd er mjög takmarkað gsm samband. Á Skógarströnd er takmarkað gsm samband. Á Heydal er einnig stopult gsm samband.
Þessi gsm könnun var gerð bæði með Vodafone og gsm frá Símanum.
Á Þveröldu á Sprengisandi er gott Vodafone samband en fer að verða slitróttar þegar farið er til suður og niður í Illugaver. Þó má ná gsm sambandi á blettum í Illugaveri.
Barðaströnd var meira og minna sambandslaus á gsm
Steingrímsfjarðarheiði gsm sambandslaus þegar fer að halla niður í átt að Ísafirði.
En komið gsm samband niður við afleggjarann út á Snæfjallaströnd.
Flestir firðir í Djúpi án gsm
Úr ferð 2-5 ágúst 2008.
Við Reyki í Fnjóskadal (nærri laug) var NMT samband en ekki GSM. Við skála í Bleiksmýrardal, Bleik og Bleiksbúð var hvorki NMT né GSM samband. Mjög gott HF samband við Bleiksbúð.
Gott GSM samband við Landakot, á gönguleið þaðan í Laugafell var víðast GSM samband. Í Laugafelli var nothæft GSM samband.
Ekki var áberandi munur á GSM sambandi frá Símanum og Vodafone.
GSM samband var víðast á stikaðri gönguleið á Tungnafellsjökul frá vegi norðan Nýjadalskvíslar. Mjög gott samband á efri hluta leiðar og tindi.
Ekki kom fram áberandi munur á GSM frá Símanum og Vodafone.-Einar TF3EK
Núna er verið að koma í gang Tetra og GSM sendum á Snjóöldu, svo það er að koma mjög gott GSM og Tetra samband í Landmannalaugum og á svæðinu í kringum Snjóöldu. Það verður mjög fróðlegt að prufa útbreiðslu frá þessum sendi.
Hlynur
Það er einnig dapurt/ekkert símasamband í litlu fjörðunum og víkum á Borgarfirði eystra og nágrenni s.s. Loðmundarfjörður og nágrenni. Var ég með gsm frá símanum og nmt handsíma (nokia) tengdan við útiloftnet.
kv. stef…
GSM á Snjóöldu er komin í gang, svo núna er hægt að kjafta í síman í lauginni í Landmannalaugum. Ef einhver er að fara á fjallabakið um helgina væri fróðlegt að menn myndu góna aðeins á síman til að kanna útbreiðslu, og eins ef menn eru með Tetra.
Góðar stundir
Snorri ekkert samband við Langavatn á mÝrum, að vestanverðu! ( veit ekki um hin svæðin).
kv:Kalli sambandslausi
Sælir,
Ég hef verið að fylgjast aðeins með þessum málum í sumar og get bætt aðeins við í listann.
Nær allur F88 er í GSM og Tetra sambandi, þar með taldar Herðubreiðarlindir. Nmt er mjög slæmt á þessu svæði.
F910 er í sambandi frá Herðubreið upp að Öskjuplani, fínt samband í Drekagili.
Samband alveg vestur fyrir flæður á Gæsavatnaleið, en var orðið slitrótt þegar nálgaðist Kistufell (28. Júlí) Svo rámar mig í að hafa verið í sambandi í Gæsavötnum og svo er gsm og tetra samband í Nýjadal.Jökulheimar, Veiðivötn og Langisjór hafa verið sambandslaus hingað til, en ég hef ekki athugað það eftir að sendirinn á Snjóöldu var tekinn í gagnið.
Ég sendi á ykkur línu seinna í vikunni með meiri upplýsingum um Fjallabak og svæðið þar fyrir ofan.
Með kveðju,
Birgir Örn
Landvörður – Vatnajökulsþjóðgarður
Smá leiðrétting við skrif Ofsa frá 14. ágúst. Veit ekki hvort einhv. bilun hefur verið þegar hann var á ferð um Vestfirði, eða hvenær hann var þar á ferð. En, það er ágætt GSM samband á Steingrímsfjarðarheiði allri, frá fjöru til fjöru. (Sömuleiðis á mestum hluta Þorskafj.heiðar) Ekki rétt að flestir firðir í Djúpi séu án GSM, langmestur hluti leiðarinnar Hólmavík-Bolungarvík er í góðu sambandi, fá og smá göt. Barðastrandarsýsla, Bjarkalundur-Flókalundur, þar er býsna götótt, einkum austantil, mun lagast að einhverju leiti í haust. Einnig verða bætur á Dynjandisheiði, Kleifaheiði og Mikladal í haust, sama má segja um leiðina úr Borgarfirði í Dali um Bröttubrekku og um Svínadal. Þetta er prófað með handsíma, ekki útineti.
Eggert
Ef við byrjum á Dölum. Þá var þetta marg prófað í sumar. En heyrði að endurvarpa væri að vænta á Fellströnd og sennilega á Skógsmúla og gæti það hjálpað til við gsm samband inn eftir Miðdölum en tæplega á Bröttubrekku. En ég skal prófa aftur fljótlega, ég er á leið í Dalina fljótlega. Steingrímsfjarðarheiðin var ekinn þegar vandræðin voru sem mest þarna 15 mars síðastliðinn. Þá var ekki samband frá Margrétarvatni niður að afleggjara út á Snæfjallaströnd. Þessu tékkaði ég vel á enda var ég að reyna að ná í lögregluna á Hólmavík vegna vörubíls í vandræðum á heiðinni. Var með hand gsm frá Vodafone og ekkert útiloftnet.
Ps var í sambandi við Hjört við mælingar og náðist gott samband við hann í NMT bæði við Gæsavötn og austarlega á Hafurstaðarheiði
Sælir. Það er ekki rétt sem fram kemur hér að framan að sambandslaust hafi verið í Veiðivötnum. Mjög víða á svæðinu hefur í nokkur ár verið ágætt GSM samband eða síðan Síminn setti upp sendi á Vatnsfelli. Sambandið er að vísu slæmt á skálasvæðinu og líklega ekkert nema hjá veiðivörðunum sem eru með sérstakt öflugt loftnet við posa og síma. Sambandið hlýtur að batna með sendinum á Snjóöldu þar sem sá sendir er líka að senda úr gagnstæðri átt og nær til skuggasvæðanna sem voru. Þetta útheimtir að menn séu með síma frá báðum félögunum þangað til Síminn kemur með sendi á Snjóölduna. Snjóaldan kemur Landmannalaugum í öruggt samband,sem lengi hefur vantað. Það kemur væntanlega gott tékk á þetta í fjallferðinni í haust. KV. Olgeir
Ágætis samband er á síma frá símanum við Hraunvötn og sumstaðar við litlasjó,einnig er mjög gott Gsm samband við útsýnisskífuna fyrir ofan skálsvæðið,,,á leið inn að skyggnisvatni er fínt Tal (Vodafone) samband þó ekki alla leið,þ.e.a.s ekki niður hálsinn og við vatnið en ég náði ekki Gsm sambandi á kortið frá símanum á sömu leið þar sem Tal kortið var inni.
Heilt yfir náði ég betra sambandi með Tal kortinu á Veiðivatnasvæðinu.Dolli.
You must be logged in to reply to this topic.