SSB Talstöðvar eru ekki úreltar

Þessi fullyrðing þín er nú varla svara verð. Póst og fjarskiptastofnun er að heimila þetta til að opna fyrir neyðarviðskipti við strandstöðvar vegna m.a. galla á öðrum fjarskiptaleiðum sem að þeir viðurkenna.
Ég er eins ósammála þér sem frekast getur, ég held að Póst og Fjarskiptastofnun sé betur treystandi til að stjórna notkun á þessari tíðni heldur en þú.
Varðandi þessa staðhæfingu þína að óeðlilega margir Íslendingar misnoti það sem að þeir hafi aðgang að, þá er það kjaftæði út í loftið sem ekki er hægt að skilja öðruvísi en að þeim jeppamönnum sem eiga millibylgjustöðvar sé ekki eins vel treystandi til að fara með þessi tæki eins og td. sjómönnum og flugmönnum. Þetta hefur svo sem heyrst áður, en að fórna öryggi þeirra sem að hafa virkilega þörf fyrir þessi fjarskiptatæki svo að þú getir setið að þessu einn finnst mér mjög lágkúrulegt og sjálfum þér til skammar.
HRY

Sæll Jón.
Reykjavík Radío (TFA) er með senda og viðtæki á Garðskaga, Streiti og í Grímsey fyrir 2311 með stöðugri hlustun.
Gömlu strandstöðvarnar sem nú er fjarstýrt frá TFA eru allar með sendum og viðtækjum fyrir 2311 en ég veit ekki hvort þar er stöðug hlustun en allavega er hægt að fýra þeim upp frá Reykjavík ef þörf er á.
Þessar stöðvar eru: Hornafjörður (TFT), Ísafjörður (TFZ)á Arnarnesi og Þverfjalli, Siglufjörður (TFX)á Sauðanesi, Grímsey og Vaðlaheiði og Vestmannaeyjar (TFV) þar sem ég held að sé ennþá hlustvarzla.
Þetta er upplýst eftir bestu vitund en þyrfti að staðfesta.

Reykjavík Radío getur svo ennþá ræst sendi og hlustað á 2790 á Garðskaga og í Grímsey ef óskað er eftir því.

Ekki er hægt að líkja saman 2311 og 2790 þar sem 2311 er miklu hreinni þ.e. laus við suðið og truflanirnar sem einkenndu 2790.

Varðandi loftnetin þá svínvirka gömlu Landsímanetin á 2311 fyrir AA-100 Stöðvarnar frá Símanum eða Micom 100 stöðvarnar frá Motorola þar sem hægt er að aðhæfa netin að sendunum. FT100 stöðvarnar frá Yaesu ætti að vera vandræðalaust að nota en loftnetin frá Sigga Harðar gætu þurft einverjar breytingar. Það þarf að lengja framlengingarspóluna með einhverjum ráðum fyrir notkun á 2311 svipað og gert var fyrir 2912 hjá björgunarsveitunum (spólan stytt).
Best væri að leita til Sigga Harðar varðandi það.

Annars kom það mér á óvart við stillingu á AA-100 stöð hversu stutta "framlengingu" 2311 þurfti, ég var tilbúinn með aðra spólu til að mixa til viðbótar í stöðina en þess þurfti ekki þar sem ég átti eina 5 cm eftir af original spólunni þegar allt fór að dansa.

Kv. HRY

Sæl öll.
Varðandi hlustun á 2311khz þá get ég upplýst að þar er sólarhringshlustun á þó nokkur viðtæki, Mýrum/Garðskaga/Vestmannaeyjum/Neskaupsstað/Sauðanes/Grímseyaf Strandastöðvunum Reykjavíkradíó/TFA sem stýrir einnig Hornarfjarðarradíó/TFT og Nesradíó/TFM, Vestmannaeyjarradíó/TFV sem stýrir einnig Ísafjarðarradíó/TFZ og Siglufjarðarradíó/TFX, TFA og TFV eru
semsagt mannaðar en hinum er fjarstýrt. Það er í sjálfu sér ekki flókið mál að setja upp hlustun á 2790 á því sem næst sömu stöðum, sendamálin eru þó í verri stöð því þeir sem væru nothæfir í dag á 2790 eru eingöngu á Rjúnahæð (Rvk) og því gæti verið erfitt fjarskiptasamband lengra frá, á ákveðnum stöðum. Sendar á 2311khz eru á öllum strandastöðvunum. Vissi hinsvegar ekki af þessu leyfi Póst og Fjarskipta, leikur forvitni á að vita hver veitti þetta leyfi því 2311khz er fyrst og fremst ætluð fyrir tilkynningaskyldu skipa sem eru utan VHF fjarskiptasambands og sem uppkallstíðni fyrir símtalsbeiðnir og annað slíkt fyrir skip á sömu slóðum.
Björgólfur.