SSB

Er ekki fótur fyrir því að setja inn hér líka og einblíma jafnvel frekar á þær stöðvar sem okkur standa í boði í dag og lausnir er þeim viðkemur og þá aðalega hvaða loftnet getum við notað?, það hefur komið fram í öðrum þræðum að nóg er úrvalið af talstöðvum og eru verð á þeim frá ca $450 það sem vantar hinsvegar er úrlausn á loftnetsmálum… bara að spegulera…

Sælir nú er ég ekki gáfaðari en það að ég fatta ekki hvað þessi hvítu loftnet eru fyrir þessi sem eru ekki eins og venjuleg loftnet heldur breiðari og aðeins stærri en standard VHF loftnet minna mig helst á sjónvarpsloftnet eða ég veit ekki hvern fj…. ég á að halda en ég er ekki að meina SSB loftnetin stóru þessi eru ekki svo stór en samt slatta massíf

spyr sá sem ekki veit

Dabbi

Á fyrstu árunum sem notkun "landfarstöðva" á millibylgjusviðinu var leyfð, voru engar stöðvar í gangi nema þær sem voru framleiddar á verkstæði Landssímans sáluga. Þeir voru með þessa lausn á loftnetslengdinni að búa til spólu, til að lengja loftnetið í hæfilega lengd fyrir tíðnina. Reyndar man ég ekki betur en það hafi líka verið spóla inni í stöðvunum á tímabili a.m.k. til þess að ná réttri lengd – er það nokkuð misminni mitt, Einar kj.? Svo var farið að flytja inn stöðvar, sem voru í raun framleiddar fyrir skemmtibáta í Ameríkuhreppi, sem mig minnir endilega að hafi verið skylda þar, þótt það komi þessu máli ekki við. Þegar farið var að nota einhliðabandsmótunina, kom verkstæði Landssímans fyrst með sína útgáfu af svoleiðis stöðvum, en svo fór hann Sigurður okkar Harðarson að flytja inn Yaesu SSB stöðvar, og hann kom með þessa lausn að vefja spóluvírnum utan um fastan kjarna í staðinn fyrir grind innan í plasthólk, sem Landssíminn notaði. Þessar spólur þoldu miklu betur það hnjask, sem loftnetin urðu óhjákvæmilega fyrir, einkum þegar þau rákust upp í eitthvað. Vandamálið með öll þessi loftnet var hinsvegar það, að þau pössuðu best fyrir 2.790 khz, en það var verið að leyfa notkun á þessum árum á 3 tíðnum í þessum stöðvum. Ein var fyrir samskiptin við Gufunes og aðrar stöðvar á þess vegum, önnur var notuð þegar Gufunes afgreiddi samband inn á símakerfið – reyndar fyrir skiptital – og þriðja átti að vera notuð fyrir viðskipti milli farstöðva. Reyndin varð nú hinsvegar sú að þau fóru að mestu fram á 2.790 khz vegna þess einfaldlega að á þeirri tíðni náðu menn bestu sambandi. Reyndar voru björgunarsveitirnar flestar einnig með neyðarrásina 2.182 khz í sínum stöðvum. Meðan notkun á stöðvum þessum var sem mest, sem gæti hafa verið frá ca. 1970 fram um 1995, var stundum bölvað kraðak á "bílabylgjunni", sérstaklega á þeim tímum sem mikið var um ferðalög, svo sem um páska, um helgar allt árið og svo náttúrulega ekki síst þegar eitthvað var að færð og veðri. Ég byrjaði upphaflega með einhverja bandaríska stöð, sem ég man ekkert hvað hét, en hún var fyrir AM – mótun. Seinna eignaðist ég svo Yaesu – stöð með SSB mótun og á hana enn og hún er í góðu lagi. Er með uppsetningu fyrir hana í bátnum, en gæti auðvitað flutt hana yfir í bíl ef tilefni gæfist til.