Spurt er hvað er Jeppi?

Ja, ég er nú reyndar búinn að horfa með nokkrum áhuga á þessa bíla, en aldrei með það í huga að gera þetta að jeppa heldur sem fínn kostur fyrir konuna. Hef bara ekki efni á að gefa henni hann í jólagjöf þetta árið. Kannski ætti ég bara að selja Bretann, gefa konunni Touareg og taka Golfinn hennar og breyta og honum og hækka til helvítis! Vantar að vísu millikassann og drifið á afturhjólinn, en það er náttúrulega bara smá aðlögun að græja það!
Kv – Skúli

Félagi SkúliH – ef þíg vantar fjórhjóladrifinn bíl fyrir frúna, þá myndi ég benda þér á Skoda Octavia Combi með dieselvél og 6 gíra kassa. Hef eiginlega aldrei tekið í bíl sem er meira "þjóðvegavænn". Fáir bílar sem standa honum á sporði í hálku! En hvað varðar Touareg-inn, þá verður fróðlegt að sjá hvernig hann spjarar sig í Paris-Dakar rallinu á móti Pajero, sem hefur verið áskrifandi að sigri þar í þessum flokki svo lengi sem ég man að hafa lesið um það fyrirbrigði. Það sem myndi nú aðallega há þessum bíl í torfæurakstri eins og við þekkjum hér, myndi vera þetta sem heitir á ensku approach- and departure angle (hvern andsk….. heitir þetta á því ástkæra ylhýra?). Það er snúið að færa hjólastellin á bílum með unibody construction (enn vantar þýðinguna). Þetta er reyndar ekki vandamál með Dömurnar að framan, en gæti verið að aftan sýnist mér á bílnum hans Jóh.Jóh. vinar míns. En Guð hjálpi okkur þegar kemur að verðmiðanum!