Spurning um vél ?

Ef hægt væri að finna orginal 4.2 24ventla vélina væri hún eflaust besti kosturinn, en líklega kostar hún marga peninga. Það er komið mikið af öflugum diesel vélum frá framleiðendum í evrópu, en flestar kosta mikið og rafmagnið er flókið. Asía og USA ættu að drífa sig á námskeið hjá Benz eða öðrum framleiðanda í evrópu og læra að smíða alvöru diesel vél, en ekki þetta löngu úrelta drasl sem verið að selja okkur í dag.

Góðar stundir

Sæll Benedikt, það er þráður frá 2005 hér á netinu sem fjallar um V6 Toyotuvélar og hvernig hægt er að ná eyðslunni verulega niður.

Neðangreindur texti frá Grími er nokkuð góður og læt ég hann því hér í púkkið en meira síðar:

Frá Grími:
Ég er búinn að eiga svolítið við svona vél í heimilisbílnum (4runner á 31", 1:4.10 hlutföll).

Fyrst þegar ég fékk bílinn var hann í 25 – 35 lítrum.

Það sem ég gerði:

Setti ný kerti; Það breytti heilmiklu.

Setti nýjan O2 sensor (fyrir framan hvarfakút), veit ekki hvort hinn var alveg ónýtur, en þeir geta farið að sýna vitleysu eftir langa notkun, sem er ekki gott.

Hreinsaði innan úr hvarfakútnum.

(Ath. að það verður að þétta pústið 100% fyrir framan kútinn svo að súrefni geti ekki lekið inn á pústkerfið undir neinum kringumstæðum.

Setti nýjan hitasensor á kælivatnið, en komst svo að því að sá gamli var sennilega í lagi…breytti ekki neinu.

Stillti kveikjuna. 10° fyrir TDC er málið fyrir þennan bíl, hann var frekar seinn áður; breytti heilmiklu.

Setti nýja loftsíu, bara þessa venjulegu (auðvitað….)

Keypti undraefni hjá Toyota til að setja í bensínið sem á að hreinsa spíssana; er ekki frá því að það hafi verið til bóta.

Og svo AÐAL trixin sem virkilega gerðu eitthvað:

Reif ofan af milliheddinu til að komast að spíssunum, tók þá alla úr og hreinsaði allar þéttingar með þeim.

Fann 5 eða 6V spennubreyti og opnaði spíssana með því að hleypa aðeins á þá og sprauta spíssahreinsi í gegn með venjulegri einnota sprautu.

Bar lítillega af koppafeiti á þéttingarnar og setti saman aftur.(Betra hefði verið að setja nýjar, en þetta var skyndiákvörðun á sunnudegi…slapp til)

Greinilegt er að mótorinn var að draga falskt loft með spíssunum sem ruglar allt systemið. Þetta skilaði miklum árangri.

Stillingar:

Airflow-sensorinn er n.k. trekkspjald milli lofthreinsara og throttle-body. Á honum er kíttað lok sem hægt er að taka upp með því að skera í kíttið með dúkahníf og plokka upp með skrúfjárni.

(Ég er bara þannig að ég VERÐ að vita hvernig hlutirnir virka…)

Þarna undir er potentiometer (stilliviðnám) sem trekkspjaldið hreyfir. Fjöðrina sem heldur trekkspjaldinu á móti loftstraumnum er hægt að stilla, þ.e. forspennuna á fjöðrinni. Nokkurs konar pöll. Ef spennan á fjöðrinni er aukin, þá heldur innspýtingin að minna loft sé að koma inn á vélina >> blandan verður veikari >> minni eyðsla. Þetta breytir blöndunni yfir allt vinnslusviðið.

Ath. VARÚÐ: Of dauf blanda veldur ofhitnun í brunahólfi sem skemmir stimpla og útblástursventla á endanum + bíllinn verður hundleiðinlegur í akstri, svo stillið þetta mjög lítið í einu, kannski 1 – 2 pöll í senn.

Ef spennan á fjöðrinni er minnkuð gerist akkúrat öfugt >> bíllinn sýkist af bensínfíkn.

Ástæðan sem ég tel að sé fyrir því að þessi stilling er þörf (þó svo að maður eigi víst ekki að fikta í þessu) er sú að með árunum + notkun, þá slaknar á þessari fjöður >> það þarf að herða aðeins á henni.

OK, í dag er bíllinn að eyða á bilinu 13,5 – 16 á hundraðið eftir aksturslagi og aðstæðum í ,,venjulegum" akstri.

kv

Grímur R-3167

Einu vélarnar sem hægt var að breyta úr bensín í diesel sem ég man eftir voru gömlu 4 cilendra vélarnar í Landrover seriu II og III. Minnir að olíuverkinu hafi verið stungið í kveikjugatið!!!

Sælir félagar

Ég var að setja flækjur í minn og eyðslan dettur niður en power og tork upp.

[img:3qgdq9w1]http://www.f4x4.is/new/files/photo/?file=files/photoalbums/4655/33178.jpg[/img:3qgdq9w1]