This topic contains 5 replies, has 1 voice, and was last updated by 
-
Topic
-
Varða nokkur stendur stendur á Vatnahjallavegi sem ber nafnið Sankti-Petur.
Núna vil ég fá að vita allt sem menn vita um þessa vörðu og líka hvernig talið er að þetta nafn sé komið á hana.
Góðar stundir
-
Replies
-
Smá vegis auka, mig vantar punkt eða staðsetningu á Beinakerlingu sem er á Vatnahjallaveg er einhver sem þekki til hennar
Sælir félagar. Ég fann smá fróðleik um þetta í bókinni Hálendið eftir Guðmund Pál Ólafsson . Þar segir að Bjarni Thoransen skáld hafi gefið vörðunni nafn árið 1833 og annarsstaðar sá ég að nafnið væri til heiðurs Lykla Pétri. Á opnumynd á bls.316-317 er mynd af vörðunni Kerlingu við Urðarvötn við Vatnahjallaveg. Þar heitir Kerlingarhnjúkur .Gæti þetta verið sama beinakerlingin og Jón talar um ? Betri svör við þessum spurningum hljóta að koma frá kunnugum mönnum norðan heiða . Með fróðleikskveðjum Olgeir
það mun vera varðan. Ég hef heyrt að hún heiti Kerling. Ég var einnig að velta fyrir mér Drottningu er það ekki öruglega varðan þar sem Vatnahjallavegur liggur hvað hæðst
Svör úr bókinni "Áfram skröltir hann þó" ævisaga Páls Arasonar. Hinn forni Vatnahjallavegur, sem Bjarni amtmaður Thorarensen lét varða á sínum tíma, liggur frá "Hæl á Hafraárgilsbrúnum" og upp að Urðarvötnum sem eru í 824 m. yfir sjó. Þar eru sagðar tvær vörður og heitir önnur þeirra "Sankti Pétur" og hin "Drottningin". Segir í bókinni að Sankti Pétur sé skammt fyrir ofan Hælinn en hin þ.e. Drottningin sé sunnar og þar ber hæst á Vatnahjallaveg. Skemmtileg frásögn í bókinni. Þeir fóru meðfram vötnunum og voru allann daginn að brjótast átta km. leið. Erfiðastur var stórgrýttur 200 m. kafli sem þeir notuðu járnkarla og talíur til að koma burt grjótinu og tók það um fjóra klukkutíma. Þennan stað nefndu þeir "Gullna hliðið". Sunnan undan Drottningu hallar undan inn á hálendið að Geldingsá og Grána.
Bkv.
Magnús G.
Spurning hvort Kerling og Drottning sé sama varðan . Þorvaldur Thoroddsen getur um beinakerlingu á Kerlingarhnjúk en samkvæmt frásögn í Göngum og réttum af flutningi efnis í kofann Grána í mai 1920 kemur fram orðrétt :"Þó var allgott færi suður Tungnafjall og um Urðarvötn á ís. En þegar kom suðvesturfyrir Drottningu fór að storma á norðan og kólna ". Vonandi kemur pottþétt svar .Kv. Olgeir
You must be logged in to reply to this topic.