Spurning dagsins

já, erfitt að sega, enn mig minnir þó að það hafi verið gulur Bronco árg ’74 sem fyrstur jeppa ók í Laugarnar á 38" dekkjum, reyndar var með honum willys sem einnig var á 38" þetta voru fyrstu bílarnir sem óku um á svo stórum dekkjum.

Líklega svarar þetta ekki spurningu dagsins enn samt fróðleikur.

Lúther

Minnsta ferðafélagið og það hafi verið milli 1948-1950. sá hópur er allavega líklegur.

Nyðri Fjallabaksleið var fyrst ekin á jeppum sumarið 1948, en ekki kemur fram hvort komið hafi verið við í Landmannalaugum. En sennilega hefur leiðin verið ekinn áður á Víbonum.
Allavega komu jeppar í Landmannalaugar 27 ágúst 1948. Verður maður bara ekki að hringja í Pál Ara og spyrja. Nema hann vilji ekki viður kenna að Guðmundur Jónasson hafi verið fyrstur.

Var það ekki í sambandi við ferðina yfir Sprengisand sem fyrst var farið á bílum í Laugarnar um 27-31,finnst eitthvern vegin ég hafa lesið það eitthverstaðar,eða hvort það var fyrir þann tíma.
Klakinn

loks eitthvað skemmtilegt á spjallinu. Ég veit svosem ekki hvernig þú ætlar að klóra þig út úr þessu, fyrst þú rengir ókrýndann konung fjallanna Pál Arason og svo reynir þú væntanlega að rengja Herra Landmannaafrétt hann Olgeir. Ja men Hlynur nú ert þú búin að skjóta þig í báða fætur og ef ekki rassgatið líka. Kv háls og beinbrot

Nú væri gaman að fá að vita frá vísum mönnum meira um fyrstu bílaferðir og/eða jeppaferðir um hinar ýmsu leiðir, a.m.k. hinar þekktari. Ekki er langt síðan ágæt grein var í Lesbók Mogga um fyrstu bílferð yfir Sprengisand, og heimildarmenn úr hópnum sjálfum. Einhvernveginn minnir mig að til séu á prenti í bókarformi frásagnir Páls Arasonar, vona allavega að það sé rétt hjá mér. Páll er enn á lífi hygg ég og vonandi einhverjir sem eiga aðgang að honum ef því hefur ekki verið komið í verk að skrá frásagnir hans. Héðan úr Skagafirði fóru fjórir félagar á Buick-fólksbifreið á fjórða áratugnum Kjalveg allan, þ.e.a.s. gömlu hestaleiðina, frá Mælifelli um Mælifellsdal, suður Eyvindarstaðaheiði, yfir Blöndu og áfram suður. Veit satt að segja ekki hvort þetta var fyrsta bílferð þessa leið, en ég hef fyrir satt að ferðasagan sé til skráð eftir þeim félögum. Eiginlega er komið þarna tilvalið efni í bók, ef einhver nennir að skrifa hana og fær útgefanda að verkinu. Meðal annarra orða, eru einhverjir innan klúbbsins fróðir um hernaðarútgáfur 4×4 bíla úr styrjöldinni 1939 til 1945? Þetta eru heilmikil vísindi víða um heim og heimildir víða að finna núna á þessum google-tímum. Mig langaði til að vita hvort það væri rétt, að Dodge WC (Weapons Carrier) og við höfum kallað vípón hér á Skerinu, og Dodge CA (Carry-All) sem við köllum flest "karíol" að þetta væru hvorttveggja útfærslur á M-37 ? Svipað og hinar fjöldamörgu útfærslur sem til eru af sambærilegu tæki í nútímanum, M1113, HMMWV (Humvee) sem hefur til skamms tíma verið framleiddur í civilian-útfærslu sem Hummer H1, en er víst að kveðja. Læt þessar fyrirspurnir duga í bili! kv úr hríðinni fyrir norðan!

Ekki gat ég fundið neinar myndir hjá mér sem ég þori að fullyrða að séu af Karíól en nokkrar átti ég af Dodge bílum sem ég sá að Ystafelli fyrir norðan síðasta sumar. Ætla að reyna að setja þær inn í albúmið mitt. Það eru þrír staðir sem væri möguleiki á að finna Karíól, an það er á Ystafelli í Kinn(ef mín landafræði er rétt), Samgöngusafnið á Skógum, og svo er eitt að Stóragerði í Óslandshlíð í Skagafirði.
Kv
Siggi tæknó

Þú hefur komist í safnið á Yzta-Felli Sigurður sé ég er. En á myndunum í safninu þínu sjást vissulega margir, gamlir bílar. Engan Dodge sá ég þar samt, en hinsvegar a.m.k. 3 af gerðinni Studebaker-Reo, líklega af árgerðunum 1952 – 1954 eða um það bil og svo sést líka í nefið á einum sem gæti verið 1942 árgerð af Chevrolet eða GMC herbíl. Sé reyndar ekki hvort hann er á einni eða tveimur hásingum að aftan. Björn Sverrisson, fv. brunaeftirlitsmaður á Sauðárkróki er tiltölulega nýbúinn að gera upp einn Chevrolet hertrukk frá 1942 á einni hásingu að aftan. Viðgerðin er hreint listaverk eins og allt sem Björn gerir. Hann er nú oftast að gera upp bíla fyrir aðra, en hann gerði upp einn Ford T fyrir sjálfan sig, sem er hér á Minjasafninu á Sauðárkróki og svo á hann einn alveg original jeppa með original blæjum og öllu dótinu.