This topic contains 11 replies, has 1 voice, and was last updated by 
-
Topic
-
Góðan dag
Fórum á nokkrum bílum á Langjökul í gær og var nokkuð mikil umferð. Við fórum frá Jaka, fylgdum förum sem fylgdu trakki sem við vorum með inn í átt að Þursaborg. Um 4 km vestan við Þursaborg lentum við á sprungusvæði sem mig langar að vara við. Þarna voru yfirleitt frekar mjóar sprungur en þær opnuðu sig verulega inn á milli og 3 bílar í okkar hóp misstu hjól niður í sprungur. Þarna voru margir bílar búnir að keyra yfir og einskær heppni að ekki hafa fleiri bílar farið þarna niður. Ég reyni að sýna þetta á myndum í myndaalbúminu mínu. Að mínu mati borgar sig fyrir menn að nota trökk sem eru nokkuð sunnar, en það er nánast enginn snjór ofaná ísnum á jöklinum og því afar grunnt niður á sprungur.
Kv. Óli
-
Replies
-
Þegar ég var að byrja þá var ég einmitt varaður við að keyra á lágsléttunni sem er á milli hábungunnar og þursaborgar. ég ef líka séð á kortagrunni þetta svæði merkt sem sprungu svæði. Rétta leiðinn er að keyra eftir hryggnum sem liggur aðeins austar eins og þið færðuð ykkur inn á.
Kemur kannski ekki á óvart að finna megi sprungur þarna þar sem vestari punkturinn er, sýnist hann vera á þeim slóðum þar sem Þrístapajökull byrjar að skríða niður.
Kv – Skúli
Ef mig misminnir ekki, þá er staðurinn þar sem þessir ferðalangar breyttu um stefnu, ekki langt frá þeim stað, þar sem Steingrímur Friðriksson, flugstjóri og vinur minn festi bíl sinn í sprungu fyrir ansi mörgum árum (gætu verið um átján ár?) og upp úr þeim atburði var Sprunguvinafélag Íslands stofnað.
Þessi staður sem Óli sýnir er þekkt sprungusvæði og ættu ferðalangar á Langjökli allir að vita af því enda hefur það verið þekkt árum eða áratugum saman. Ég fékk hnitin á þessu í arf strax í byrjun minnar ferðamensku og hef alltaf sneitt töluvert suðaustan við þetta.
En virkilega þarft að minna en og aftur á þetta…
Annars er rétt að vara við öllum jöklum núna – það er afar lítill snjór og grunnt á sprungum. Ég fór yfir Mýrdalsjökul á nýjársdag og hann er nánast ber alla leið yfir og mjög grunnt á sprungum og á honum sunnanverðum eru gríðarlegar vatnsrásir, sprungur og svelgir galopnir. Norðanvert er hann ber og flugháll. Miðbik jökulsins er svo mjög óslétt og seinfarið.
Sömu sögu get ég sagt af vestanverðum Vatnajökli eftir fréttum frá mönnum sem voru þar á ferð um helgina. Enginn snjór og mjög óslétt og varhugavert að vera á ferð.
Á annan í Jólum var Hofsjökull svo alveg ber upp í a.m.k 1000 m hæð.
Þannig að jöklarnir er ekki sérlega spennandi til að ferðast á núna og allra síst fyrir óvana og þá sem ekki þekkja hvar sprungubelti liggja.
Kveðja
Benni
Venjulega er sneitt fyrir sunnan og vestan Bungu 2 þegar farið er norður jökul, til að losna við sprungur Bunga 1 sem er nokkurnvegin beint upp af Jaka, er dyngja (eins og Skjaldbreið) og því er venjulega ekki mikið af sprungum við hana ef rétt er farið. Bunga 2 er hinnsvegar stapi (eins og Herðubreið) og það segir sig sjálft að þar getur sprungið hressilega við brekkur, eins og þegar ekið er af Bungu 2 og niður á Þrístapajökul.
Helgi Björnsson telur að við flestir munum lifa það, að sjá Langjökul verða að tveimur jöklum, og að hann muni fara í sundur við Þrístapajökul.
Góðar stundir
Sæll Hlynur. Bara vera viss, áttu ekki við fyrir sunnan og AUSTAN Bungu 2.
Auðvita átti þetta að vera fyrir austan. Eitthvað slegið saman hjá mér.
Og okkur öllum til ánægju og yndisauka var ég að klippa saman smá myndband úr ævintýraferð okkar í gær. Það má sjá [url=http://www.youtube.com/watch?v=LS_52OnhpRU:275fsnl9]hér[/url:275fsnl9].
Kv. Óli
sælir félagar gaman að sjá sona myndband hvenær var þetta tekið
ég er greinilega komin með delluna ég nötra og skelf þegar ég sé svona videó
mér var sérstaklega varað við þessu svæði á sínum tíma og núna þegar ég fékk mér gpsmap 620 tók ég eftir að það er búið að merkja þetta í tækinu mínu frekar vel með slatta af hauskúpum það nægði mér alveg til að forðast þetta svæði
Er einhver til í að senda mér track af leiðum uppá Langjökli sem eru nokkuð öruggar? Og þá er ég að hugsa um Jaki-Þursaborg, Skálpanes-Þursaborg, Þursaborg-Norður Jökul-Hveravellir.
You must be logged in to reply to this topic.