This topic contains 5 replies, has 1 voice, and was last updated by 
-
Topic
-
Hérna er slóð á mynd tekna í júlí 2010 sem sýnir vel sprungurnar á Eyjafjallajökli.
http://atlas.lmi.is/eyjafjallajokull/
Sýnist að leiðin austur fyrir gýg sé nánast lokuð. En flott að sjá förin eftir bíla frá Fimmvörðuhálsi að gýnum, hvernig þeir hafa sneitt framhjá sprungunum.
-
Replies
-
Það er magnað að sjá hjólförinn og sjá hvernig menn hafa þurft að keyra við enda sprungu til að komast framhjá.
ótrúlega skýrar myndir sama hversu mikið maður súmar inn kortið.
Mögnuð mynd.
Rosalega væri gama ef einhver tölvufær gæti sett hefðbundið jeppatrack frá því fyrir gos inn á þessa mynd. Mér fannst sprungurnar í nágrenni Goðasteins ansi magnaðar, spurning hvort þær séu nýjar eða menn hafi bara alltaf keyrt yfir þær…
Benni
Þessar sprungur hafa alltaf verið þarna. Hef alltaf blöskrað umgengni jeppamanna á þessum slóðum gegnum tíðina og varað við henni m.a. hér á spjallinu. Náttúrunni gefið langt nef eða hrein heimska. Á erfitt með að trúa að menn á ferð um þetta svæði hafi aldrei tekið eftir sprungum.
Þessi gervihnattamynd sem þráðurinn byrjaði út frá nýttist vel í leitinni í nótt. Loftmynd tekin 1945 af þessu sama svæði hef ég notað í áratugi til að skoða breytingar á svæðinu. Slíkar myndir eru til frá sama tíma af stórum hluta landsins en eru óvenju skýrar frá þessu landsvæði.
Svona gervihnattamyndir og loftmyndir sýna hins vegar aðeins heildarmyndina og menn skyldu varast að setja lífið og tilveruna að veði í einhverjum tölvuleik.
Kv. Árni Alf.
Já það er rétt Árni að menn hafa farið ansi óvarlega á þessum jökli og oft verið hreinlega heppnir að lenda ekki í vanda þarna.
Ég hef svo sem ekki farið mjög oft um jökulinn, þekki hann klárlega ekki jafn vel og þú. En ég hef þó farið 15 – 20 sinnum yfir hann og þekki vel þær sprungur sem tilheyrðu gígsvæðinu fyrir gos, allavega þær sem voru í hefðbundinni akstursleið.
En það voru hins vegar spungurnar í brekkunni vestan til sem að vöktu athygli mína, af þeim vissi ég ekki og hef aldrei orðið var við þær í þeim vetrarferðum sem ég hef farið. Líklega hefur verið nægur snjór í þeim ferðum sem ég hef farið enda fór ég sennilega síðast yfir jökulinn 2007 eða 8.
En svona myndir eru frábærar, bæði til að svala forvitni manna og að maður tali nú ekki um ef þær geta orðið til þess að koma í veg fyrir að einhverjir álpist ofaní þessar holur.
En sprungukortin sem væntanleg eru af helstu jöklum verða vonandi tilraun í þá átt og fleiri svona myndir myndu án efa hjálpa þeim sem eru að vinna þau. Meiri upplýsingar um sprungur eru betri – enda mun fólk ferðast um þessa jökla svo lengi sem þeir verða til, hvort sem það er á tveim jafnfljótum eða á annan hátt.
Benni
Vestanverður jökullinn hefur verið ansi misjafn vægast sagt skv. minni reynslu. Stundum er þetta frekar flatt og auðfarið. Líka að sumri og hausti. Sprungur eru samt alltaf til staðar. Í annan tíma er mjög erfitt að komast um. T.d. haustið 1995 að mig minnir þá var vestanverður jökullinn neðan 1400 m. alveg ófær. Sprungin þvers og kruss mjög stórum sprungum. Loftmynd frá 8 ágúst árinu áður sýnir jökulinn sprungulausan. Þá hylur snjór einfaldlega flestar sprungur.
Margt spilar saman sem gerir þetta svona breytilegt milli ára. Ísinn er á hreyfingu og sprungur víkka, lengjast o.s.fr. Snjóalög aldrei eins og mjög misjafn er milli ára hvort, hversu vel og hvernig sprungur opnast og/eða lokast aftur þegar vetrar. Þessi þáttur snjóalaga er það sem hefur mest að segja. Þó loftmyndir séu mjög gagnlegar verða menn að hafa augun opin.
Svæði sem voru kolsprungin fyrir nokkrum árum eru mörg orðin sprungulaus vegna hlánunar og kyrrstöðu. Svæði sem verið hafa sprungulaus síðan ég man eftir eru skyndilega orðin kolsprungin. Svona er þetta a.m.k á brattari svæðum jökulsins norðanmegin. Það eru einmitt ófyrirséðar breytingar sem gerir svæðið enn áhugaverðara.
Það er eiginlega ekkert nýtt á loftmyndinni sem þráðurinn hófst á nema sjálf gígskálin. Myndin er tekin í júlí og því eiga sprungur eftir að stækka og lengjast, m.ö.o. þak þeirra á eftir að gefa eftir og þær opnast.
Kv. Árni Alf.
You must be logged in to reply to this topic.