Sprunga á Mýrdalsjökli

ég þarf að passa að konan mín sjái ekki þessa mynd annars fer hún aldrey með mér í ferðir

Ég er ekki með nákvæman punkt á þessum stað – en við vorum að koma yfir Mýrdalsjökul að Fimmvörðuhálsi þegar við áttuðum okkur á að við vorum of norðarlega (eða kannski réttara að segja norðvestan, stefndum beint ofan í Mörk) og ákváðum því að færa okkur í suður inn á rétta leið þar sem við fórum beint í þessa sprungu. Sprungan var hvorki djúp né breið en hún var dáldið löng. Við hefðum sennilega ekki farið niður ef keyrt hefði verið beint yfir hana (þvert)- en þar sem keyrt var ofan á henni (eftir endilöngu) þvert á brekkuna fórum við niður
–
Þarna er klassískt dæmi um reynslu- og þekkingaleysi á staðarháttum þar sem aðstæður hefðu átt að segja okkur að fara til baka og svo í suður og þannig á rétt track. Skyggni var gott og við hefðum átt að geta sagt okkur það að aflíðandi brekka sem breytist skyndilega í bratta brekku væri mjög líkleg til að innihalda sprungur þvert á.
–
Þegar bílilnn féll niður var svæðið skoðað af ferðafélögum og gengið úr skugga hvernig sprungan lág og að ekki væru fleiri sprungur áður en þeir sem voru í bílnum fóru úr honum.
–
Við lögðum ekki í að ná bílnum upp sjálfir þar sem við vorum ekki með spil og var því leitað aðstoðar björgunarsveita með tilheyrandi fréttaflutningi þar sem sagt var að bíll hefði fallið OFANÍ sprungu og getið þið rétt ímyndað ykkur hvernir það hljómaði fyrir almenningi. Ennginn slys urðu á fólki og ekki urðu verulegar skemmdir á bílnum.

í byrjun apríl 2006