Spottaspeki – hvernig spotta mæla menn með

Sælir,

Ég tók þátt í stuttri umræðu á þessum [url=http://www.f4x4.is/vefspjall/tradur.asp?t=523#3065:1cc3q7ad]þræði[/url:1cc3q7ad] fyrir rúmu ári síðan. Tel að sömu lögmál gildi.
Mér hefur reynst einstaklega vel að

Elvar

Sælt veri fólkið og til hamingju með snjóinn, sem virðist hafa komið fyrir sunnan um leið og ég fór úr mannabyggðum með Kertasníki. Nú, en hvað spotta varðar, þá er ein meginregla, sem ég hef lært af langri reynslu en það er að hafa ALDREI neitt úr málmi á endunum á spottunum nema það sé boltað eða soðið fast í bílinn. Krókar og keðjulásar og jafnvel keðjuspottar eru beinlínis ávísun á slys, því miður. Það er nógu mikill kraftur í spotta sem slitnar eða losnar í þeim miklu átökum, sem fylgja því að "kippa í bíl" til að klippa menn í sundur, bókstaflega tala, brjóta og bramla dauða hluti o.s.frv., þótt ekki sé verið að auka við tjónahættuna með slíku dóti. Hinsvegar er mér orðið meinilla við að toga í bíla sem eru fastir, ég er búinn að fá út úr því brotin drif, brotin gírkassahjól og þar fram eftir götunum. Svo eru það nú blessuð spilin, þótt þau geti verið sannur bjargvættur. Nokkuð margar framfjaðrir fóru hjá manni í slíkum tilvikum. Þetta var þó eingöngu þegar maður var að draga aðra. Jæja, en teygjuspottarnir eru hrein galdratæki og eitthvað það áhrifaríkasta sem maður hefur kynnst við að kippa upp föstum bílum, einkum í krapa. Það verður þó að hafa í huga, að þeir þola ekki teygjuna nema í fá skipti, þá er hún einfaldlega búin. En spottar eru ekki sérlega dýrir, nema maður farí í Dynex. Betra að hafa frekar fleirri en færri. 12 – 20 metra hvert stykki takk. Splæsa á þá lykkjur, a.m.k. í annan endann. Læra svo að hnýta pelastikk og vera fljótur að því!

Beggi flugsveitarforingi sýndi okkur spotta sem mér leist vel á, á fundi nú í haust. Þetta var nælon, fléttaður, sem gerir hann þjálli heldur en snúna spottann.

Annars er best að Beggi lýsi þessu öllu sjálfur, enda efast ég um að á Íslandi fyrirfinnist meiri spottaspekinugur, enda maðurinn á Trooper og alltaf fastur, svo segja þeir í Rottugenginu að minnsta kosti.

kv.
Eiríkur

Ekki snúa út úr HarSv. Er ekki alveg að skilja hvernig þú túlkar mitt innlegg þannig að ég sé að tala eingöngu um teygjanlega spotta. Dynex er alveg sér mál, það vitum við flestir held ég. Ef fleiri eru með svona forrit í hausnum þá er líklega rétt að ég segi það eins greinilega og ég get á minni landsbyggðaríslensku, að með því að hafa fleirri en einn spotta vil ég hafa BÆÐI teyjanlega og ekki teygjanlega spotta. Dynex ber af hvað styrkleika snertir, á því er enginn vafi. En það kostar peninga. Það getur hinsvegar borgað sig að kaupa það sem er dýrt þegar allt er skoðað.

Ég myndi mæla með ca. 25 mm sverum nýlon spotta (hvítum), 10-12 metra löngum. Oft er teyjan í svoleiðis spotta óþarflega mikil, þá er hægt að nota hann tvöfaldan. Ég hef splæstar lykkur á báðum endum, hnútar jafnvel pelastikk, veikja kaðalinn. Ef maður notar skriðþungann, þá reynir ekki sérlega á drif eða fjaðrabúnað. Mín reynsla er að ef eitthvað gefur sig í þetta löngum spotta, þá fer spottinn og það sem hugsanlega hangir í honum, undir bílinn ferkar en í aftur hlerann eða gegnum um afturrúðuna.
Ég hef fengið beyglur bæði í bæði afturhlera og vatnskassa eftir slitna teyjuspotta, en þá var spottinn frekar stuttur (6-8 m).
Eftir að ég fór að nota lengri spotta, þá hefur hann altaf farið undir bílinn þegar eitthvað hefur gefið sig.
25 mm nylon hefur slitþol upp á umþað bil 8 tonn og tegist um a.m.k 30%.
Ég nota lása til að festa í lokuð augu þegar þess þarf, ef lásinn flýgur af stað þá fylgir honum væntanlega stykki úr bílnum, þannig að hann skiftir ekki sköpum um skriðþungann sem fer af stað.

-Einar

Sæll Lúddi minn og gleðileg jólin.

Góði hættessu ergelsi og huxaðu málið uppá nýtt: Það þarf ekki að vera forríkur til að njóta bestu ávaxtanna. Það fást bílalán, fjármögnunarleigur, lottóvinningar, mæðrastyrksnefndarúthlutanir (svaka langt orð…), "hætta að reykja" launauppbætur og ýmislegt annað til að draumurinn geti orðið að veruleika. Þú þarft ekkert að segja að berin séu súr…, þú getur fengið að bragða á þeim!

Eins og ég hef margsinnis bent á, þá er Pajero með háþróaða fjöðrun ódýrari en margir sambærilegir japanskir jeppar (nema kannski að Pajero er með stærri vél, flottari skiptingu og síðast en ekki síst alvöru fjöööðrun og því ekki "sambærilegir" að því leiti) og svo spararðu ca hálfa millu á breytingunni samanborið við t.d. breytingu á 120 bíl. Þetta er því eiginlega alveg verkamanna… Nú svo hafa m.a. fyrrverandi Patrol eigendur komist að því að það er mun gáfulegra að greiða smá fjármagnskostnað heldur en reglulegar vélarupptektir og gírkassapróblem.

Hættu að efast og sjáðu ljósið!

Svo geturðu örugglega líka orðið forríkur fasteignasali eins og ég, en sannaðu til, það er samt flóknara en að eignast alvöru jeppa :>)

Ferðakveðja,

BÞV

Þeir hjá Tor net í hafnarfirði eru með þessa fínu spotta sem ég talaði um á einum mánudagsfundi í haust. Þeir eru í eyrartröð 14 sem er fyrir ofan gólfvöllinn keili hér í hfj eða ef einhver man eftir grænu A bátahúsunum hjá Óseyrinni sem brann þá er það 2 gata til vistri og er bátasmiðja Guðmundar á horninu.Þeir geta sagt ykkur allt um spotta hvort það sem með teygju eða ekki, dinax eða ekki, langan eða ekki, og komenterað á hvort daman geti fjaðrað eða ekki.

Sælir.

Fyrir nokkrum árum var skrifuð grein í Setrið um kaðla og eiginleika þeirra. Slóðin er hér.
https://old.f4x4.is/bokasafn/Setrid/9504.pdf

kv.
Emil

Þessi grein sem Emil vísar til úr Setrinu er gagnslaus, þar sem þar kemur ekki fram neitt af því sem máli skipir þegar þarf að losa bíla úr festum. Raunar er greinin verri en ekki því þar er gefið í skyn að kaðlar úr öðrum efnum en næloni (polyamide) séu nothæfir sem teyjuspottar.

-Einar

ef við splæsum kósa í auga, erum við þá ekki með sömu áhættu og er á þessum "ódýru" benzinstöðvarspottum þ.e. keðja með krók ? ef allt breztur ?

kv
Jon