This topic contains 9 replies, has 1 voice, and was last updated by 
-
Topic
-
Jæja nú kemur þessi árlega ábending. Talsvert hefur verið um að jeppar séu að máta snjóinn hér í brekkum Bláfjalla. Flestir láta nægja að fara upp að brekkurótum eða nokkrar bíllengdir upp í brekku. Þetta virðist kannski saklaust en er það ekki. Bæði er að eitthvað er um að fólk sé að renna sér í brekkunum en kannski er þetta verst fyrir okkur sem þurfum að skælast hér um á vélsleðum í öllum veðrum og skyggni. Eins og núna í dag þá eru þetta bölvaðar slysagildur.
Það koma ný spor daglega og sumir renna upp brekkurnar alla leið upp á topp. Kannski ekki mikið mál þar sem búið að troða en engu að síður óttalegur óþarfi. Þetta er allt eftir bíla 35″ og stærra.
Búið er að leggja göngubraut og menn geta ekki látið hana í friði heldur.
Bara að minna á þetta. Nóg er víst um slysin.
Kv. Árni Alf.
-
Replies
-
Anonymous- Umræður: 0
- Svör: 16404
Óttalegur barnaskapur að geta ekki látið skíðasvæði vera.
Og engin ástæða að vera að skapa leiðindi, það má finna snjó annarsstaðar en á skíðasvæði.
Þetta er alveg óþolandi að menn geti ekki látið svona vera.
Smá forvitni samt, er akstur á snjó í Bláfjöllum bannaður? Eða er þetta bara "vinsamlegast ekki skemma fyrir okkur" pólísía?
Er þetta spurning um að t.d. Ferðaklúbburinn í samvinnu við þá hagsmunaaðila sem þarna eru, taki sig til og setji upp skilti og/eða eftirlit?
Eina leiðin til að stoppa svona lagað er að við leggjumst öll á árara um að siða og leiðbeina þeim sem ekki geta virt þetta. Nú er Breiðdalur t.d. ekki langt frá Bláfjöllum, fínt útivistarsvæði fyrir jeppa til að leika sér nálægt höfuðborginni. Nú eða jafnvel Þúsundvatnaleið.
Bláfjöll er fólkvangur og þar af leiðandi friðlýstur, allur akstur er klárlega bannaður utanvega þar, bæði bíla, fjórhjóla og vélsleða.
Ég held að það væri klúbbnum til framdráttar ef hann myndi hafa frumkvæði af því að setja upp einhvers konar skilti þarna varðandi akstur utan vega í samstarfi við stjórn skíðasvæðana.
kveðja
Agnar
Þetta snýst kannski aðallega um vatnsvernd. Vatnsverndarsvæði höfuðborgarsvæðisins nær frá Gvendarbrunnum og upp í Bláfjöll. Þetta er nokkuð víðfemt svæði (http://www.eftirlit.is/files/7/20080313095618560.jpg) Fólkvangurinn nær yfir sama svæði svona gróflega.
Allur akstur vélknúinna ökutækja þ.m.t. jeppa og vélsleða er bannaður utan vega óháð því hvort allt er á kafi í snjó eða ekki. Þetta bann gildir t.d. allan Bláfjallaveginn neðan frá Sandskeiði.
Þannig verða öll tæki skíðasvæðisins, troðarar, vélsleðar, sexhjól o.s.fr. að vera á undanþágu.
Það eru reyndar skilti til staðar , tvö á Bláfjallaveginum, og nokkur á bílastæðunum á skíðasvæðinu. Held einfaldlega að menn taki ekki eftir þessu. Orkuveitan ætti náttúrulega að sjá um að setja upp veglegt skilti sem útskýrði málið. Alltaf betra að menn fái útskýringu afhverju hitt og þetta er bannað.
Hvað skíðasvæðið snertir þá eru djúp hjólför eftir jeppa aðallega slysagildra. Auk þess eyðileggur þetta mjög dýra vinnu troðaranna sem eru jú að reyna að gera brekkurnar eins sléttar og mögulegt er. Eitt spólfar stutt upp í brekku getur þýtt að troða verður alla brekkuna upp á nýtt. Klst. á troðara er skelfilega dýr.
Kannski ágætt að koma því á framfæri að byrjað er að keyra skíðalyftur á svokölluðu Suðursvæði fyrir æfingar skíðafélaganna. Þar eru allar brekkur í skíðahæfu standi. Í blíðunni í gær var mikið líf bæði í brekkunum og í göngusporinu. Vonandi bara spurning um einhverja daga hvenær svæðið verður formlega opnað.
Kv. Árni Alf.
Var uppi í Bláfjöllum um helgina. Aftur búið að spóla upp brekkurnar við Eldborgargil og um svæðið þar norðuraf. Það í hörðu færi þegar hægt er að keyra allstaðar – annarstaðar, á snjó. Frekar hvimleitt og vanhugsað hjá viðkomandi. Sameinumst um að láta Bláfjöllin í friði. Nóg af öðrum svæðum til að keyra, td. litlu lengra inn á Lyngdalsheiði og mikið flottari leiðir. Fyrir utan Hengil/vatnaleiðina og Mosfellsheiði.
Jeppakveðjur,
Bergur Pálsson
Sælir.
Á sinum tíma varð samkomulag á milli Ferðaklúbbsins 4×4, Landsambands vélsleðamanna og staðarhaldara í fólkvanginum í Bláfjöllum að jeppa- og vélseðamenn héldu sig frá Bláfjallarsvæðinu. Þetta er búið að vera þannig í mörg ár og það er sjálfsagt að jeppamenn virði það að þetta er fólkvagur og stundi sinn akstur á snjó annarstaðar.
Það sama má geta um Hveradalasvæðið að Jeppa- og vélsleðamenn hafa haldið sig norðanmeginn við þjóðveginn og skíðamenn hafa verið sunnanmeginn þetta hefur gengið vel hingað til og sjálfsagt að virða þessi svæði skíða og gönguskíðamanna.
Kveðja
Sveinbjörn R-043
Það koma nýjir jeppamenn i umferðina á hverju ári og þeir fæðast ekki með þessa vitneskju. Eitt eða tvö skilti gætu leyst mikinn misskilning og forðar mönnum sem ekki vita betur frá óþarfa leiðindum.
Var í Bláfjöllum á þriðjudaginn. Aftur búið að spóla upp svæðið frá Fram skálanum og í norður.
Endilega láta berast á milli allra að við höfum mörg önnur mikið meira spennandi svæði til að keyra um, á snjó, heldur en svona í brekkuknum á skíðasvæði.
kv,
Bergur
You must be logged in to reply to this topic.