This topic contains 9 replies, has 1 voice, and was last updated by 
-
Topic
-
Góðan daginn
Ég fór í gær með krakkana á skíði í Árbæinn. Í brekkuna hjá gömlu toppstöðinni. Hitti þar umsjónarmann sem var ekki ánægður með ökumann á 38″ jeppa sem hafði verið spólandi í skíðabrekkunni fyrr um daginn.
Það er pláss fyrir alla á Íslandi og menn hljóta að geta fundið sér aðra staði til að jeppast á en skíðabrekkur fyrir smákrakka. Það er komið nóg af slíku rugli. Taki þeir til sín sem eiga!Kv Andri
-
Replies
-
Þetta virðist því miður vera árviss ósómi hjá einhverjum einstaka jeppamönnum sem þora ekki út fyrir skíðasvæði að til að beita jeppunum sínum.
Ég skora á alla jeppamenn að láta skíðasvæðin í friði, nema auðvitað ef þeir eru að renna sér á skíðum. Það er nóg pláss annarstaðar til að nota jeppana sína. Hvert og eitt svona atriði er vont fyrir alla jeppamenn, við þurfum á góðri umfjöllun að halda en ekki slæmri.
kv. Óli, Litlunefnd
Ég vil lýsa algjörri vanþóknun minni á svona hegðun, þetta er ekki það sem við þurfum á að halda, nóg fer af orku Ferðaklúbbsins í að verja ferðafrelsið þó að við þurfum ekki að vera að eiga við svona lagað líka. Reyndu að læra að skammast þín, þú sem í hlut átt og komdu þér á fjöll ef þú ert maður til og láttu skíðasvæðin í friði.
Kv. Logi Már.
Algjörlega magnaður andskoti að fullorðnir menn geta ekki haft vit á því að koma sér út úr bænum á bílnum til að reyna eitthvað á bílinn og skemmta sér í leiðinni… nei þá velja þeir sér af öllum stöðum leiksvæði fyrir börnin !!
Hvert skildu þessir menn sem gera svona fara í útilegu… á Austurvöll eða í húsdýragarðinn.. nei mér er bara spurn ??
Það er algjörlega ólýðandi að fólk hegði sér svona… og með öllu forkastanlegt!!Kv JÞJ
Anonymous- Umræður: 0
- Svör: 16404
Ætli þetta séu ekki hálfgerð börn….sem klúbburinn nær ekkert til…meðal annars kannski með síðu sem er lokuð almenningi varðandi þáttöku í umræðum.
Auðvitað er þetta smá sneið á þá vafasömu ákvörðun að loka spjallinu fyrir utanfélagsmönnum. Mér finnst rétt að halda því til haga að það eru ekki allir sáttir við það dæmi.
kv
Grímur
Þetta kemur upp á hverju ári, og það kemur slæmu orði á okkar annas flotta félagsskap.
Það er ekki það langt að fara til að beyta jeppanum aðeins.
Þar er krísuvík og vigdísavellir rétt utan við hafnafjörð, svo er ekki langt í hellisheiðina.Við þurfum að standa saman, félagsmenn og utanfélagsmenn í að uppræta svona spól á skíðasvæðum.
Grímur! Vil benda þér á að á fundinum í kvöld var talað um að það væri verið að opna spjallið aftur, gott ef þeir eru ekki búnir að því nú þegar. En þetta var aftur útúrdúr í umræðunni og kannski best geymt á nýjum þræði ef menn vilja taka þá umræðu. Kv. L.
Heilir og sælir – aðrir en þeir sem spóla í skíðabrekkum krakkanna
Það er búið að opna spjallð, var gert með nýja vefnum, um daginn.
Undantekning þó, eins og í upphafi, í Innanfélagsmál og sér spjallsvæðum fyrir nefndir og deildir. Þar þurfa menn að vera félagsmenn.95% af spjallinu er þannig opið núna, allt þar sem venjuleg umræða fer fram, eins og til dæmis í þessum þræði.
kv,
Bergur
vefefndarformaður
Anonymous- Umræður: 0
- Svör: 16404
Til lukku með það vefnefnd og allir f4x4 félagar, ég biðst forláts á að hafa ekki fylgst betur með.
Alveg 100% rétt ákvörðun að mínu mati, ég skal ekki tuða um þetta meir fyrr en lokunarumræður fara aftur í gang
Varðandi efni þráðarins:
Ég er einmitt að stefna á smá rúnt um Vigdísarvelli einhvern næstu daga til að svala þörfinni. Fallegt svæði, stutt að fara, ótrúlega mikið hálendi einhvern veginn samt þrátt fyrir staðsetningu. Bara fínn hálfsdagsrúntur að dóla sér þarna.
Þessa kjána sem spóla út skíðabrekkur ætti náttúrulega að hýða með NMT loftneti !kv
Grímur
Anonymous- Umræður: 0
- Svör: 16404
Sælir allir langt síðan síðast
Grímur ég ruddi Vellina í gærkvöldi og hafði gaman, af fór frá Keflavík um 19:30 og kom til baka kl 01:00 það er fullt af snjó þarna , hef þó séð meira en þetta var kærkomin túr svona óvænt við bæjardyrnar, voru tveir 38 og 39 tommu bílar með í för og þeir þurftu nú að hafa fyrir hlutunum á köflum, og ég reyndar líka á 46 tommunni en þetta lítur vel út allstaðar núna kveðja Brjóturinn
You must be logged in to reply to this topic.