Sparsla eða kítta hedd

Já – þetta hljómar reyndar alveg geta virkað Grímur, enn held að þetta hedd sé orðið of langt leitt í eyðileggingu.

Mér var reyndar hugsað fyrst í upphafi hvort það mætti ekki gera við það á þennan hátt, hafði bara aldrei nennu að fara út í svona aðgerðir.

Málið er að heddið er búið að vera fara í mörg ár. Stundum hefur lekið smá og stundum ekkert.
Svona aðgerð eins og þú lýsir hefði verið mjög líkleg til að geta reddað málunum á þeim tíma, þar sem sprungan virtist bara vera á milli soghluta og vatnsgangs og vera mjög lítil.

Mér datt jafnvel líka í hug að reyna að taka heddið úr og reyna að gera við það í gegnum vatnsganginn.
Komst aldrei lengra enn að vera hugmynd.

Þetta er þriðja heddið af 1KZ-TE sem fer í vaskinn hjá mér og fimmta toyota-dísel-heddið.
Öll 1KZ-TE heddinn hafa farið á sama hátt – smávægilegur leki úr vatnsgang í soghluta.

Kv. Atli E.

þetta á sér svo sem allt „eðlilega“ skýringu.

Í upphafi þó fór heddið í gamla Hiluxinum mínum um árið 2000.
Þá hafði ég sett vél úr 1997 árg. af LC90 – enn margir af þeim voru með gölluð hedd.
Ég fékk nýtt hedd mér að kostnaðarlausu frá Toyota.

Næst fór heddið hjá mér 2-3 árum seinna.
Held að ástæðan hafi verið sú að ég var alltaf að draga eitthvað þungt á þessum bíl og silikon kúpplingin hafi verið farin að slappast á viftunni.
Held reyndar að það sé mjög algengt vanda mál í bílum og það þurfi að bæta af og til silikoni á þessar viftur ef þær eigi að virka eitthvað.

Svo fór 3 heddið 1KZ-TE í LongRunner. Ég fann vél í hann á sínum tíma úr 1998 bíl sem var keyrður um 190 þús.
Það var víst mjög algengt að hedd færu í LC90 í 200 þús., ef það var ekki Intercooler á þeim.

Þegar LongRunner var kominn á 44″ dekk fullur af fólki og þungt færi upp langar jöklabrekkur, þá gerði 1KZ-TE ekki mikið meira enn að koma bílnum áfram og það bar smá á hitavandamálum.
S.s. hitamælirinn tók smá hopp upp og þá sló maður bara af. Var ekki með Intercooler til að byrja með.

Fyrir 2-3 árum fór ég hinsvegar í aðgerðir til að kæla vélina meira niður – eftir að heddið var farið að leka lítilliega.
Ég „tjúnaði upp“ silikon kúpplinguna þannig að viftan byrjar miklu fyrr að blása og í dag heyri maður bara mjög vel í viftunni um leið og álag eykst.
Setti viftuspaða úr V6 4runner enn hún er með meiri skurð, meira þvermál og krúfuhring.
Einnig setti ég Intercooler með rafmagnsviftu ofan á vélina sem blæs köldu niður á vélina og heldur vélarrýminu köldu.

Eftir þetta hefur ekkert borið á hitavandamálum og hitamælirinn hreifist ekki neitt við fullt álag.

Hin 2 heddin eiga sér líka „eðlilega“ skýringu. Þau eru í gömlum Avensis sem ég á.
Fyrra heddið fór þegar bíllinn var kominn í 600þús+.
Leysti það bara þannig að ég boraði bara 3mm gat á vatnslásinn og hafði alltaf vatnskassalokið laust.
Þá náði hann alltaf að hreinsa loftið út og þetta virkaði bara fínt í gömlum bíl sem átti að endast í nokkrar vikur.

Svo fór vélin, fyrir slysni í bílnum þegar hann var kominn í 740þús. – þá keypti ég vél af Jamil sem var keyrð 360þús.
Var búinn að keyra hana í nokkra mánuði, þá fór heddið eða heddpakkningin í henni.
Þar sem gamli Avensis er ekki sparibíllinn og lifir bara fyrir einn dag í einu, þá hef ég bara ekki nennt að fara að standa í því að gera við þetta dót með tilheyrandi kostnaði og veseni.
Því gerði því bara það sama og með gömlu vélina. Boraði vatnslásinn og opnaði vatnskassan og allir glaðir 😉

Kv.