Stórferð 2015

Sælir

Stórferðin er þannig háttuð að aðeins er tekið við skráningum frá mönnum í hópum þar sem ferðin er mjög krefjandi og allir hópar eiga að vera algjörlega sjálfstæðir í ferðinni. Menn hafa myndað hópa oft í gegnum vinasambönd og annað en gott er að þekkja mennina vel sem þú ferðast með. T.d. er Jeep gengið hópur manna sem flestir hafa ferðast saman í yfir 20 ár. Hóparnir eru þó flestir ekki tilbúnir að taka á sig menn sem þeir þekkja ekki, því það getur einfaldlega komið öllum hópnum í vandræði ef sá einstaklingur er nett klikkaður… nei segi bara svona.

Það að ferðast með mönnum sem maður þekkir ekki og veit ekkert um er ekki ráðlagt í svona stórri ferð. Það er auðvelt að fara sér að voða með ónýta bíla í ferðinni eða menn sem kunna ekki að keyra í mjög þungu færi.  Þessvegna hefur þetta hópaskipulag verið á þessari ferð og hóparnir verða að mynda sig sjálfir. Við í stjórn tökum það ekki að okkur né aðrir.

Oft myndast þó hópar þegar menn rútta sig saman og gott er að þeir sem þekkjast ekki taki stuttan túr upp að t.d.  Skjaldbreið og sjái hvernig er að ferðast saman og líka til að sjá hvernig bílarnir þeirra eru að virka og hvernig þeim er breytt. Þetta skiptir allt máli þegar það eru  200 kólómetrar í næsta sjúkrahús og bíllinn að deyja og enginn kann á talstöðina sem var í bílnum…. og það er blindbylur og 30 ms.     Þetta skeði í Stórferðinni á Vatnajökul. 30m á sek, ekkert skyggni og fullt af hópum í miklum vandræðum og björgunarsveitir kallaðar út. Það var ekkert grín.

Umfram allt er þetta skemmtileg ferð af hópum manna sem helst hafa ferðast áður saman og vita hvernig bílarnir hjá hinum virka og hvernig persónur þeir eru.

Flestir eru á sömu leið yfir hálendið og því miklar líkur á að menn rekist oft á hvorn annan.  Nauðsynlegt er að einhver sem er ekki með 10 þumla sé í hverjum hóp og viti eitthvað hvernig á að redda hinu og þessu sem getur bilað í ferðinni.

Góðar stundir

Gunnar Ingi

Varaformaður  😉

Áhugaverðar jafnt sem gagnslausar upplýsingar úr skráningunni :

Meðalstærð dekkja : 42,6 Tommur

Algengasta stærð dekkja : 44 Tommur

Algengasti bíllinn : Nissan Patrol , alls 12 stykki

Fjölmennasta gengið…. Jeep Gengið

Muna að greiða.

kkv

Gunnar Ingi

Stutt video frá ferðinni í fyrra

Eftirfarandi aðilar þurfa að senda réttar upplýsingar  á  stjorn@f4x4.is

Jóhann V. Helgason Gamla gengið     :   vitlaust email skráð

Stefán Ólafsson Eyjapeyjar :   vitlaust email skráð

Ómar Björnsson Suðurnesjamenn :  Vantar bílnúmer

Davíð Einarsson Eyjapeyjar : Vantar bílnúmer

Hlynur Örn Sigurðsson Eyjapeyjar : Vantar bílnúmer

Hlynur Örn Sigurðsson Eyjapeyjar : Vantar rétt email

Ragnar Waage Pálmason Eyjapeyjar : Vantar bílnúmer

Allir að muna síðan að borga

https://old.f4x4.is/vara/storferd-f4x4-2015/

kkv

Gunnar Ingi

Sæll Kristján,

Já það stendur til að Hópstjórar hittist þann 25. febrúar þar sem miðar í matinn fyrir norðan og límmiðar verða afhentir og einnig farið nánar yfir ferðina og skyldur hópstjóra og ferðalanga.

Annars erum við núna að rukka inn á fullu því síðasti dagur til að staðfesta sig í ferðina og greiða er á morgun.

kkv

Gunnar Ingi

Sælir

Er kominn endanleg skráning , gaman væri að fá að sjá lista og tölur ?

KV.Þröstur

Sælir

Listinn er að klárast, enn eru nokkrir ógreiddir , sumir með félagsgjöld og aðrir með ferðagjöld. Við birtum hann um leið og við hendum þeim út sem eru ógreiddir   😉   Fjöldinn er kominn yfir 80 bíla ef allir greiða.

Hópstjórar fá póst bráðum með fund á morgun þar sem miðar verða dreifðir og límmiðar á bílana og annað.  Eftir þann tíma fást ekki miðar eða límmiðar eða annað.  Þeir sem eru ógreiddir fá ekki miða í ferðina. Hvort sem það eru félagsgjöld eða ferðagjöld.

Kær kveðja

Gunnar Ingi

Athuga að Bílabúð Benna er með sérafslætti í tilefni Stórferðarinnar. Sjá https://old.f4x4.is/bilabud-benna-afslattur-vegna-storferdar/

Ath. það er einnig tilboð á stökum viðgerðartöppum, pakkinn er 1990 kr.
Almennur afsláttur fyrir 4×4 félaga er óbreyttur.
Verkfæri eru með 40% afslætti á meðan birgðir endast.