This topic contains 9 replies, has 1 voice, and was last updated by 
-
Topic
-
Ég er á lokaári í vöruhönnun við Listaháskóla Íslands og er að skrifa BA-ritgerð. Ritgerðin fjallar um „bifreiðahönnun á íslandi“.
Ég er að leita eftir efni í ritgerðina, t.a.m. einstaklingum sem ráðist hafa í hönnun og smíði á bifreiðum, þá á ég við gagngerar útlitsbreytingu eða sérstaka eiginleika sem flokka mætti sem hönnun (ég er að leyta eftir meiru en upphækkun, 38″ dekk og brettaköntum, þið skiljið hvað ég er að fara!). Ég mun í umfjöllun minni rekja söguna frá fyrstu bílum hér á landi, yfirbyggingasmíði osfrv. og fram til þessa dags, jeppabreytingum og sérstöðu í þeim málum……….Ég vona að ég fái góð viðbrögð og málefnaleg….
Bkv. Dagur Óskarsson
dagsform@gmail.com
-
Replies
-
Það hafa nokkrir bílar verið smíðaðir hérna t.d. þessi hérna sem afi minn Einar Sverrison smíðaði frá grunni upp úr 1950 [img:1n9lkjc5]http://www.f4x4.is/new/files/photoalbums/5819/47412.jpg[/img:1n9lkjc5] Það er samt í fólksflutningabílum sem Íslenskir þúsundþjalasmiðir hafa verið afkastamestir og náð hæðstu hæðum og ef þú vilt kynna þér bílasmíðasögu er það eitthvað sem ekki má gleyma.
Einnig er gott að heyra að þú ætlar að taka fyrir merkilega söga yfirbygginga t.d. á Willis og rússajeppa svo einhverjir séu nefndir.
Þetta er spennandi Einar, ég er einmitt að leita eftir einhverju svona sem liggur ekki uppi á yfirborðinu!
Já bifreiðasmíðin fær ýtarlega umfjöllun í ritgerðinniHefurðu meiri uppl. um bifreiðina, undirvagn, vél, efnisval í yfirbyggingu osfrv.
ef svo er má ég hringja í þig við tækifæri?
kv. Dagur
Þú ætlar þér ekki lítið. En saga bílaaldar hófst 20 júlí 1904 á íslandi með komu fólksbíls af Cudell gerð árgerð 1901 ( Thomsensbílinn ). Síðan kemur Grundarbílinn 1907. Hann var af gerðinni N.A.G. Síðan kemur þriðji bílinn ekki fyrir en 1913 og var hann af Austin gerð. Það sama ár eða 28 júní kemur síðan fyrsti Fordinn. Upp úr því má segja að hafist hafi bílaöld á ísland. Með fordunum hófust bílabreytingar eða smíði. Enda komu bílarnir þannig að þeir voru samansettir af grind, vél hásingum húddi frambrettum og mælaborði.
Og því þurfti að smíða á þá palla og seinna yfirbyggingu. Ég ætla nú ekki að fjölyrða um þetta nema síðan voru smíðaðar yfirbyggingar á rútur, vörubíla og jeppa. Jeppaþátturinn var kannski í verksmiðjustíl í byrjun og er ekki komið út í breytingar fyrri en á áttunda áratugnum, en leiðrétti mig um það ef það er ekki rétt. Torfæruhlutinn átti kannski stóran þátt í þessari seinnitíma þróun. Ég man t,d þegar Árni kópsson mætti á fólksbíl á 38 tommu að mig minni. Þó ég haldi að mesta stökkið hafi verið fyrst Heimasætan, meir og minna allt heimamixað. Nóg í bili .
Þú ættir að hafa samband við Ara Arnórsson s-694 1974.
Hann gæti eflaust komið með síðasta kaflann í ritgerðina þína.
Ingi
Góðan daginn,
þú gætir grætt mikið á því að tala við hann Hrafnkel Þórðason Bifreiðasmið. Hann vinnur nú enn (í Nýju Bílasmiðjunni)þó hann sé orðinn rúmlega sjötugur alveg ótrúlega hress karlinn (sló okkur yngri strákunum ekkert við á gólfinu)og viskubrunnnur mikill búinn að starfa við bifreiðasmíði í yfir fimtíu ár.
Hann getur örugglega frætt þig umtalsvert.
vs-5668200
hs-5814681
Kveðja Hjörtur og JAKINN
Það hafa komið út nokkrar bækur þar sem aðeins er fjallað um þessi mál. Áfram veginn, Brotin drif og bílamenn, eru fróðlegar bækur um þessi mál. Eins er Saga bílsins á Íslandi 1904-2004 mjög fróðleg. Þá bók skrifaði Sigurður H Hreiðarsson, en sá maður er vel að sér í þessum málum. Eins gæti eitthvað áhugavert verið að finna á Skógarsafni, og svo má ekki gleyma fornbílaklúbbnum.
Góðar stundir
Kannast lauslega við einn sem byrjaði á jeppabreytingum á fimmta áratug aldarinnar, sá heitir Pálmi Jónsson og ég held að heimasíminn hans sé 453 5137 og þá gæti GSM síminn hans verið 892 5062
Hjá Guðmundi Tyrfingssyni starfa bifreiðasmiðir sem sumir hafa marga fjöruna sopið. Gæti líka trúað því að Guðmundur sjálfur gæti orðið þér að liði, enda gamall í bransanum.
http://gtyrfingsson.is/Default.asp?Page=345
Já þetta gæti svo sannarlega orðið skemmtileg lesning, gaman væri ef þú gætir birt þessa ágætu ritgerð þegar þú ert búinn?
En í Reykholti í Borgarfirði voru líka smíðaðar margar yfirbyggingar, Guðumundur nokkur Kjerúlf hafði umsjón með þessu en ég held að hann sé látinn í dag, en ef þú finnur td í símaskránni þá gætiru fengið góðar upplýsingar, Kjerúlf ættarnafnið er ekki algengt og að mig minnir á hann afkomanda sem er alnafni hans. Einnig er Jón Friðrik Jónsson frá Hvítárbakka fróður og söguglaður en hann er væntanlega í símaskránni.
You must be logged in to reply to this topic.