This topic contains 4 replies, has 1 voice, and was last updated by 
-
Topic
-
Frétt hef ég af mönnum sem höfðu huxað sér að fara til fjalla og prófa nýju ofur pæjurnar sínar en þessi hópur er betur þekktur undir nafninu „Sóðagengið“ og er nafnið dregið af skála nokkrum sem þeir félagar sækja nokkuð stíft og þykir það sóðalegur að rétt þótti að gefa mönnum þessum þetta nafn.
Stefnan hafði verið sett á Grímsfjall en vegna þess að fyrir langa löngu festi sig bíll á leið í jökulheima var það talið glæfraspil hið mesta að fara þessa stórhættulegu leið og það næsta sem gerist er að ég frétti af þeim brunandi á tjöruni á leið á Skálafelsjökul.
Núna mæli ég með að nafni þessara ferðafélaga verði breytt úr sóðagenginu í hræddagengið enda eru þeir kannski búnir að fatta að pæjurnar eru nú frekar sportbílar en jeppar svo best er að burra bara á tjöruni…
Kveðja Hlynur R2208 sem á því miður ekki heimangengt þessa helgi
ps… frétti af Begga á leið í Jökulheima og var hann kominn inn að Þröskuld í 8 pundum og allt að gerast
-
Replies
-
Já það hefur lítið frést af þessum pæjum á fjöllum þessa helgina og allir sem að maður spyr og yppta bara öxlum.
Nei Hlynur þeirra för hefur farið það leynt að þeir hljóta
að vera í einhverjum sérverkefnum í sambandi við þetta Íraksstríð og það næsta sem maður fær að heyra frá þessum
annars miklu mönnum að þessir fararskjótar þeirra hafi tekið
við Hummernum sem stríðstól.Já hLYNUR hRÆDDAGENGIÐ er fínt nafn á þá, annars datt mér
líka í hug "EKKERT GENGIÐ"kV. LÚTHER
Það hvíslaði að mér lítill fugl að þegar pæjurnar voru búnar að vera í förunum eftir Toyið hans Rúnars frá jöklaseli og inn á fjall hafi maður nokkur sem eitt sinn átti Toy boðið slett skipti á pæjuni og þessum dobblara en Rúnar neitaði. Eftir soldið þref var hann búinn að bæta við hálfri millu á milli en Rúnar neitaði enn, hann vildi víst komast í byggð og þorði ekki að taka þessu tilboði.
Hlynur 2208
ps…aldrei að láta góða sögu gjalda sannleikans…:)
Sæll Hlynur.
Þetta er nú ekki allskostar rétt hjá þér. Sóðagengið ætlaði alltaf að fara upp Skálafellsjökul og reyndar var ekkert endanlegt ákveðið með gistingu, en þar kom helst til greina Esjufjöll eða Kverkfjöll. Á leiðinni austur brá hins vegar svo við að í hópinn bættust félagar sem ekki leist á að fara Jökulheimaleið (m.a. heimildarmaður/menn þinn…), en þau voru á leið á Grímsfjall. Það var því aldrei nein hræðsla hjá Sóðunum, enda það orð ekki til í þeirra orðabók…
Það er skemmst frá því að segja að úr þessu varð hörkutúr. Við gistum á Smyrlabjörgum og fórum á Skálafellsjökul á laugardagsmorgni í einstöku veðri, heiðríkju og logni. Eftir að hafa farið fram á Brókarjökul og notið útsýnis suður og vestur yfir Kálfafellsdal, var ekið norður á hájökulinn og stefnan sett á Grímsfjall. Eftir að komið var vestur á móts við Esjufjöll, varð færið gríðarþungt og hélst þannig alla leið vestur á Grímsfjall. Það er rétt að ég hafði á því orð að ég öfundaði Rúnar á Grána (þrælseigur "38 Dc, heppinn með bílstjóra:), en á tímabili dreif enginn svo heitið gæti nema hann og Páll á Eiríki. Óskar var reyndar alltaf á ferðinni á lóló, kjaftfullur af olíu, en það er ekki tilkomumikill ferðahraði.
Á sunnudeginum var ekið af Grímsfjalli niður Sylgjujökul í frábæru veðri og var jólaskrautið tekið niður í Sylgjufelli. Þá voru í hópnum 11 bílar.
Þetta með tilurð nafns Sóðagengisins er alrangt, þar voru miklu tilkomumeiri atvik sem réðu. Nánar um það síðar…
Þetta var enginn leynitúr Lúther, en hins vegar þykja mér fara heldur leynt afrek hins nýja 120 bíls. Er búið að sýna honum snjó?
Ferðakveðja,
BÞV
Við viljum nú bara biðja menn um að taka bullinu úr Hlyn með hæfilegum fyrirvara, enda er hann nýstiginn upp úr mjög svo alvarlegu kasti af fjallaferða-öfundsýki. Hann komst nefnilega ekki með í túrinn góða, og gat því ekki mokað neinum skít yfir neinn í beinni
Með :)kveðju
Rúnar og Gráni litli.
You must be logged in to reply to this topic.