This topic contains 14 replies, has 1 voice, and was last updated by 
-
Topic
-
Til hamingju allir jeppa menn og konur með veðrið sem við höfum í augnablikinu. Loksins að það er eitthvað að gerast spennó á klakanum. Vona að aðrir landhlutar fái smá lika svo að allir verði glaðir.
Með von um slysalausan vetur.
Peve
-
Replies
-
Anonymous- Umræður: 0
- Svör: 16404
allt hvítt á Selfossi! Þetta lofar góðu…þótt það spái hlýnandi=(
Gleðilegann vetur
Hvar fynnur maður upplýsingar um snjóalög t.d. í setri og annars staðar á hálendinu?? Eru ekki einhverjir snjódýptarmælar sem maður getur fengið upplýsingar frá?
Kv. Davíð
Anonymous- Umræður: 0
- Svör: 16404
Snjódýptarmælar og fleira fróðlegt er að finna hér:
http://www.vedur.is/athuganir/sjalfvirkar/index.html?
Skemmtileg snjóalög í Setrinu síðustu daga og vikur!!!! Þarf ekki að fara að kíkja eitthvað á þennan mæli??? Skratti súrt að geta ekki fengið upplýsingar frá honum.
kv
Agnar
Það er líka hægt að finna upplýsingar um snjódýpt hérna :
http://www.vedur.is/athuganir/urkoma/snj0.html?
Þó finst mér þessar mælingar oft vera undarlegar – skv. þeim er t.d. autt á Hveravöllum núna kl 9 í morgun en ég á nú ansi erfitt með að trúa því.
Benedikt
U huuu! Það er ekki svo mikið sem snjókorn á jörð hérna í Skagafirði, svo ég trúi því vel að það sé autt hjá Stínu og Hatta á Hveró! En það er því meira frost hér og búið að vera afskaplega fallegt veður í dag og ekki laust við að maður horfi dreymnum augum á efsta hlutann af Hofsjökli, sem sést héðan af Sauðárkróki.
Anonymous- Umræður: 0
- Svör: 16404
Sendi félaga mínum á Veðurstofunni þennan spjallþráð, og sendi hann mér þetta bréf:
"Ég er ekki í klubbnum þ.a. ég get ekki svarað þessu, þú getur kannski
komið þessu til skila.Sjálfvirkir mælar eru frábærir af því þeir senda upplýsingar títt, og
frá stöðum þar sem enginn er til langframa. Þeir eru hinsvegar
"hættulegir" því þeir geta auðveldlega bilað illa og rapporterað
hina verstu steypu. Það þarf því að umgangast upplýsingar frá þeim
með hæfilegum skammti af heilbrigðri skynsemi.Mannaðar stöðvar eins og t.d. Hveravellir gefa áreiðanlegri niðurstöður,
þar hefur snjódýpt verið rumlega 10cm síðust daga. Merkilega lítið, en
hugsanlega hefur eitthvað skafið.Enn og aftur minni ég þig á smellikortið á
http://www.vedur.is/~folk/halldor/MISC/sjalfvirkar.html
sem veitir þægilegt aðgengi að upplýsingum sem hafa verið á vefsvæðinu
um nokkurt skeið.Þetta kort var komið á aðalsíðuna, en datt út einhverra hluta vegna,
og fyrst enginn utanaðkomandi kvartar þá hefur það ekki ratað inn aftur.Halldór"
Með kveðju og von um enn betri þjónustu frá Veðurstofunni
Skafrenningur og jafnvel þoka virðist trufla snjódýptarmælinn í Setrinu, en þegar styttir upp, þá virkar hann mjög vel.
[img:m9os0zzh]http://www.vedur.is/athuganir/sjalfvirkar/setur/snd_1d.gif[/img:m9os0zzh]
Samkvæmt þessu virðist snjódýpt við Setrið vera um 30sm, sem er svipað og var þegar landsfundurinn var haldinn þar.-Einar
Anonymous- Umræður: 0
- Svör: 16404
Fór í jeppaferð um helgina. Úr Skagafirði upp í Skiptabakkaskála og þar vorum við komin í snjó. Síðan keyrðum við í Ingólfsskála og allt á kafi í snjó, svo í Laugafell í nægum snjó. Strangilækur var strangur og erfiður, hann reyndist mesti farartálminn, mikið í honum og ísinn á vaðinu ekki nógu þykkur til að bera bílana. Stákarnir brutu ísinn allt vaðið en það var of mikið í læknum til að hætta á að keyra yfir. Sá lang-þrjóskasti í hópnum fann síðan ágæta leið yfir lækinn aðeins sunnar. Lögðum af stað yfir Sprengisand kl 13,00 á sunnudag og vorum komin í Hrauneyjar 12 tímum síðar, færðin var frekar þung og snjór alla leið, keyrðum að mestu utan veganna þar til að við fórum á Kvíslarveituveginn. Var rosalega gaman !!!!
Þetta voru spennandi fréttir. En segðu okkur eitt hérna á K´roknum í sambandi við Skiptabakka. Sú frétt flaug fyrir að gangnamenn hefðu skilið við WC-ið í skálanum án þess að setja í það frostlög. Það er nú ávísun á frostskaða, en kíktuð þið nokkuð þar inn þegar þið komuð þarna?
vk.
Anonymous- Umræður: 0
- Svör: 16404
Það var frosið í klósettinu en við sáum ekki að það væri neitt skemmt sjálft klósettið. Vorum einmitt beðin um að athuga það.
Það var lóðið. Þetta gæti sumsé hafa farið til fjandans í gær og fyrrinótt, því þá var ansi mikið frost hérna fyrir norðan. En kannski sleppur þetta og það verði hægt að þíða græjurnar án þess að gripurinn brotni. En við vorum búnir að útvega okkur nýja skál og líklega fara einhverjir uppeftir um helgina til að skoða málið. Thanks anyway.
Anonymous- Umræður: 0
- Svör: 16404
Við settum slatta af frostlög í klósettið á laugardagsmorgun svo að þetta sleppur líklega. Við gistum í þessum skemmtilega skála var hann í góðu ásigkomulagi nema auðvitað frosið í klósettinu og svo var smá bras með ofninn inni í svefnskála, slokknaði annað slagið á honum þótt nóg væri af gasi. (búin að láta Skagfirðinga vita af því) Þá var nóg að hrista kútinn aðeins, ýta á slöngurnar og kveikja aftur. Sóló vélin virkaði vel.
Flottar fréttir það. Svona fólk er gott að fá í skálana. Já, gamla Sóló er afbragðs gripur, lakast hvað hún er lengi að ná upp hitanum. Eiginlega þyrfti að vera dæla á kerfinu því venjuleg circulation verður svolítið hæg með frostleginum á. Þessir fjandans gasofnar eru dálítið hrekkjóttir. Það þarf m.a. að passa sig á því að þeir bæði brenna súrefni og búa til CO2.
kv.
You must be logged in to reply to this topic.