Snæfellsjökull

Sælir,

hver bannaði þér að fara á jökul ?
Er það ekki frekað hæpið þegar menn eru farnir að banna hver öðrum að aka á jökul ? Þurfa menn ekki að vera einhverskonar embættismenn með lög eða reglugerðir á bakvið sig til að geta það ? Og geta þá sýnt viðeigandi skilríki.

Ég (eins og flestir jeppamenn, sennilega) er rosalega mikið á móti því að banna akstur á jökla þó þeir séu innan þjóðgarða. Þarna er fínn vegur uppað jökli og engin þörf á að fara utan hans og hjólför á jökli hverfa stundum á hálftíma !!
Ég er búinn að fara á 3 jökla og á helling eftir og þar á meðal Snæfelljökul. Ég vona að þetta verði aldrei bannað.

Jöklakveðja,
Valdi

Er ekki stóra ástæðan fyrir því að þetta er bannað til þess að tryggja öryggi þitt? Þeir geta lumað á ýmsu jöklarnir yfir veturinn…

Já auðvitað hefur þetta verið af einskærri góðmennsku sem þessi maður bannaði akstur á jökulinn:)

Við vorum þarna á ferð sömu helgi og þjóðgarðurinn var opnaður með viðhöfn í fyrra. Starfsmaður Snjófells hótaði okkur öllu illu og sagði að við værum í óleyfi á jöklinum og yrðum að fá leyfi. Annars gætum við verið sektuð og hvaðeina vegna þessarar "refsiverðu háttsemi" að keyra þarna á "þeirra" svæði. Þessi ungi maður sem tjáði okkur þetta með miklum valdsmannslegum sýslumannsssvip hafði stuttu áður sagt við annað jeppamann (sem við könnuðumst við og spjölluðum við síðar) að hann yrði að greiða fyrir leyfi til að keyra á jöklinum, einhverja marga þúsundkalla. Við okkur sagði hann að leyfið kostaði 50 þúsund eða svo minnir mig. Mér þótti síðar fróðlegt að vita að á þeim tíma sem verið var að hóta okkur var þessi blessaða ferðaþjónusta ekki sjálf með starfsleyfi til að vera með ferðamenn þarna á jöklinum.

Ég skal auðvitað taka tillit til annarra sem eru að ferðast þarna, hvort sem þeir eru á troðara, skíðum, sleðum eða jeppum. Það er bara sjálfsögð kurteisi. En svona framkoma er fyrir neðan allar hellur og á ekki að sjást.

Það er alveg á hreinu að enginn getur stoppað mann þegar maður er á jökli (þeir eru í eigu ríkissins) nema Löggan og hana sér maður nú varla á snjó.

Vegurinn upp jökulhálsinn við Snæfelsjökul er á vegum vegagerðarinar (F 870) og þar má bara vegagerðin eða Löggan banna mönnum að fara um en ef einhverjir aðrir eru að rífa kjaft á bara að segja þeim að halda k….i . Reyndar minnir mig að það sé bannað með lögum að aðrir en vegagerðin eða menn á hennar vegum ryðja vegi sem eru í umsjón hennar og þá má nú kóngurinn á svæðinu fara að passa sig að brjóta ekki lög þegar hann veður þarna um allt.

Sem sagt að maður á ekki að hlusta á allt kjaftæðið sem smákóngarnir á svæðunum eru að reyna að ljúga í okkur jeppamenn og konur þegar við erum að ferðast.

Hlynur R2208

Sæll eik.

Þú ert óþreytandi að vera ósammála mér og er það vel, svo lengi sem hægt er að fjalla um hlutina á málefnanlegan hátt. Fyrir aðra þá er lesa kunna þetta svar mitt, þá hefur skoðun mín um þetta mál ekki komið fram undir þessum þræði, heldur í rafbréfi milli stjórnar og fulltrúa umhverfisnefndar félagsins.

Mínar skoðanir varðandi þetta mál eru eftirfarandi:
Nr. 1. Akstur á Snæfellsjökli miðað við núverandi reglur er ÓHEIMILL án sérsaks leyfis þjóðgarðsvarðar.
Nr. 2. Fulltrúar Snjófells eru í fullkomnum órétti að taka sér lögregluvald innan þjóðgarðsins.
Nr. 3 nauðsynlegt er fyrir okkur að vera í sambandi við opinbera aðila til að tryggja það að reglurnar varðandi akstur á Snæfellsjökli verði ALLS EKKI yfirfærðar á aðra jökla landsins, þegar þjóðgarðar um þá kunna að verða stofnaðir.
Nr. 4. Rangt er farið með á heimasíðu umhverfisnefndar, þar sem fullyrt er að meðan ekki hafi verið settar sérstakar reglur um aksturinn á jöklinum, gildi einungis ákvæði náttúruverndarlaga.
Nr. 5. Hér er á ferðinni annað af fjöreggjum okkar jeppamanna, þ.e. að fá að ferðast á sjó, en hitt er það að fá að aka um á þessum frábæru breyttu bílum okkar.

Varðandi nr. 1: Ef menn skoða reglugerð Sifjar Friðleifsdóttur nr. 568/2001 frá 28. júní 2001, nánar tiltekið 15. gr., þá blasir við eftrifarandi texti: "Umferð á vélknúnum ökutækjum í þjóðgarðinum er aðeins heimil á vegum og bílastæðum. Akstur vélknúinna ökutækja á jökli er háður leyfi þjóðgarðsvarðar". Þetta er alveg skýrt. Til þess að aka á jöklinum þarf leyfi þjóðgarðsvarðar. Það er hins vegar bara jákvætt ef afstaða Guðbjargar Gunnarsdóttur núverandi þjóðgarðsvarðar er sú, að aksturinn sé að fullu heimill meðan nánari reglur hafa ekki verið settar. Við værum eins bundnir af þeirri ákvörðun hennar að banna alfarið alla umferð vélknúinna ökutækja meðan reglurnar eru ekki tilbúnar… Eins og segir í ákvæði reglugerðarinnar þá er aksturinn "háður leyfi þjóðgarðsvarðar".

Varðandi nr. 2: Snjófellsmenn vaða reyk! Skýrt er tekið fram í reglugerðinni að það eru þjóðgarðsvörður og landverðir hans sem framfylgja ákvæðum reglugerðarinnar. Það er einnig skondið mjög, að þegar ég heyrði fyrst af þessum aulagangi þeirra Snjófellsmanna, að reyna að "banna umferð jeppa á jökulinn", þá voru þeir sjálfir í fullkomnum órétti með sína starfsemi á jöklinum skv. uppl. frá Náttúruvernd ríkisins, en skv. 17. gr. reglugerðarinnar er "hverskonar atvinnustarfsemi og samkomuhald í þjóðgarðinum óheimilt, án sérstaks leyfis Nátturuverndar ríkisins".

Varðandi nr. 3: Nauðsynlegt að þessar reglur verði EKKI yfirfærðar á aðra jökla þegar þjóðgarðar um þá kunna að verða stofnaðir. Snæfellsjökull er sérstakur hvað varðar smæð, aðgengi og traffík og því hugsanlega réttlætanlegt að gera þar strangari kröfur en á öðrum jöklum/svæðum á hálendinu. Hins vegar er ALGERLEGA FRÁLEITT ef slíkar reglur ættu að gilda á örðum jöklum landsins. Þar eru menn hvort sem er ekki að þvælast hver fyrir öðrum. Nóg pláss fyrir alla…

Varðandi nr. 4: Lagatúlkun. Það er svo, að ákvæði sérlaga og reglna, t.d. um tiltekin svæði, ganga framar almennum ákvæðum laga eða almennra reglugerðarákvæða. Þess vegna er þessi fullyrðing á heimasíðunni röng. Hins vegar er það bara okkar lán að afstaða þjóðgarðsvarðar skulu vega sú, að okkur sé áfram frjáls för um jökulinn meðan nánari reglur hafa ekki verið settar. Við hefðum verið alveg jafn bundin ef afstaða hennar hefði verið sú, að meðan reglurnar liggi ekki fyrir, skuli öll vélknúin umferð bönnuð.

Varðandi nr. 5: Bæði þessi mál eru nú í mikilli deiglu, enda er annars vegar umhverfisnefnd klúbbsins að vinna að framgangi hagsmunamála okkar varaðandi það að fá að vera áfram "frjálsir ferða", bæði á snjó og á slóðum. M.a. er unnið að því að skilgreina hugtakið "slóð/slóði", þannig að m.a. kortagerðarmenn geti haft til hliðsjónar hvaða slóða/leiðir setja skuli inn á kort og hvaða ekki. Umhverfisnefnd klúbbsins hefur einnig staðið fyrir söfnun GPS upplýsinga um slóða og stuðlað þannig að því að ljóst sé hvaða leiðir hafa verið eknar um landið í gengum árin. Hins vegar eru stjórn og tækninefnd félagsins í samráði við bílaumboðin og breytingaaðila að vinna að nánari útfærslum á reglum um breytingar á jeppum.

Að lokum þetta: Við jeppamenn sem og annað ferðafólk, þurfum að taka höndum saman um að varðveita rétt okkar til að njóta náttúru landsins okkar. Að sjálfsögðu þurfum við að halda áfram öflugum áróðri og fræðslu innávið varðandi nærgætna umgengni við landið og að ALLS EKKI megi valda náttúruspjöllum á ferðum okkar. Ég tel að Ferðaklúbburinn 4×4 hafi í þessum efnum lyft Grettistaki á umliðnum árum, enda heyrir það sem betur fer til algerra undantekninga ef jeppamenn verða fréttamatur vegna skemmda á náttúrunni, jafnvel þó ferðamennska á jeppum hafi margfaldast á síðustu árum.

Með ferðakveðju til sjávar, sveita og óbyggðra svæða…

BÞV

Sæll eik.

Nú er það svo, að hvorki afstaða þjóðgarðsvarðar,
starfsmanna umhverfisráðuneytis eða ræða umhverfisráðherra eru réttarheimildir þegar til kastanna kemur. Það er einfaldlega sá texti sem birtur er í settum reglum (lögum og reglugerður í þessu tilfelli).

Sá texti er skýr eins og ég hef áður lýst. Hins vegar erum við grjótheppin að þjóðgarðsvörðurinn virðist ekki hafa sérstakar fyrirætlanir um fyrirfram takmarkanir á umferð um jökulinn. Það er hins vegar kristaltært að sá sem verður uppvís að því að aka án leyfis á jökulinn er að brjóta reglurnar eins og þær liggja fyrir. Skv. 24. gr. reglugerðarinar varða brot á henni sektum eða fangelsi allt að 2 árum.

Að lokum aðeins til fyllingar á því sem ég skrifaði í fyrri pistli mínum: Í 2. mgr. 2. gr. reglugerðar nr. 619/1998 um akstur í óbyggðum er sérstaklega hnykkt á þeirri almennu reglu sem ég gat þar um. Í greininni segir: "á friðlýstum svæðum gilda auk þess sérákvæði um akstur, sbr. friðlýsingarákvæði".

Hættum öllum "Pollíönnuleik". Aksturinn er ólögmætur ef hann er án leyfis þjóðgarðsvarðar. Tökum höndum saman um að svona reglur líti ekki dagsins ljós á öðrum jöklum eða óbyggðum svæðum landsins.

Með ferðakveðju,

BÞV

Þjóðgarðsvörður segir mér að akstur á Snæfellsjökli sé leyfður. Ég hef komið þeim skilaboðum á framfæri.
Ennfremur komst ég að því að forsvarsmenn Snjófells hafa verið að dreifa ósannindum um þetta. Þeir virðast vera hættir því, í bili a.m.k.
Vinnusímanúmer þjóðgarðsvarðar er ofar í þessum spjallþræði.
Heimasími og GSM númer eru í símaskrá.

Eftir næstu mánaðmót verður hafst handa við að smíða reglur um akstur á Snæfellsjökli. Mér hefur verið lofað að það verði gert í samráði við okkur. Ég vænti þess að þá verði til almennar reglur sem verði m.a. birtar á vefsíðu umhverfsinefndar. Ég hef ekki ekki lært jafn mikla lögfræði og Björn Þorri og þekki ekki hvernig réttarheimildar eru skilgreindar.
Einu sinni sat ég þó eins dags námskeið sem Viðar Már Matthíasson kenndi. Þar lærði ég það að munlegir samningar væru jafngildir öðrum samningum, ef hægt væri að sannreyna efni þeirra. Ég hef ekki minnstu ástæðu til að ætla Þjóðgarsverði að hún færi að afneita því fyrir rétti að hafa sagt mér að akstur á jöklinum væri leyfður. Því trúi ég því að akstur á Snæfellsjökli sé leyfilegur, svo framarlega sem hann brýtur ekki í bága við þær reglur sem almnennt gilda. Þegar þetta breytist ætla ég að setja tilkynningu á vefsíðuna.

Þessi Vatnajökulsþjóðgarður er nú náttúrulega eiginlega bara fyndinn. Hvað á eiginlega að vernda þarna? Má maður kannski ekki lengur pissa í snjóinn?
Hann hefur hinsvegar skemmtileg áhrif á setningu eins og X prósent af hálendi landsins eru þjóðgarðar (restin reyndar uppistöðulón, en hverjum er ekki sama um það)…!

Hvað sem öðru líður, þá minnir mig að á einhverjum kortum frá landmælingum íslands sé Skaftfellsþjóðgarður teiknaður norður fyrir Grímsvötn. Þá er einnig Öræfajökull, með Þumli og Hvannadalshnjúk innan garðsins.

Er þá staðan orðin sú að maður þarf skriflegt leyfi frá þjóðgarðsvörðinum í Skaftafelli til að fara í gufu á Grímsfjall?

Kveðja
R2018