Smádekkjavæl

Hvað meinarðu Hlynur – fannst þér ekki gaman að draga mig um allt uppi á Hveravöllum ? Ég fór allavega allt sem þú fórst – hvað með það þó það hafi verið spotti á milli !

En að öllu gamni slepptu þá er ég einn af þeim sem nöldraði aðeins yfir því að minna breyttir bílar kæmust ekki með neitt en eftir að hafa farið upp á hálendið í nokkrar ferðir þá sér maður það að þó svo að maður komist flest það sem hinir fara þá er það einfaldlega ekki nóg – maður verður að fara allt !

En ég er hins vegar enþá á þeirri skoðun að það eigi að bjóða upp á ferðir fyrir alla bíla á vegum klúbbsins – og því á ekki að hætta þó svo að við höfum bara verið 3 í Hveravallaferðinni og að Þorrablótið hafi verið slegið af.

Það er margt annað sem spilar inn í hjá þeim sem eru á litlu dekkjunum heldur en það að komast ekki það sem stærri bílar fara – það er líka minnimáttarkend eða hvað það á nú að kallast, maður vill ekki vera að þvælast fyrir og vera dragbítur á hina sem þurfa alltaf að vera að kippa í mann. En við sem erum á smærri dekkjum verðum bara að láta vaða og vera ekkert feimnir við það að festa okkur, það er ekkert til að skammast sín fyrir – nú og ef að allt lítur illa út þá er oftast hægt að snúa bara við…..

En ég veit að það þarf að taka sig helling á til að koma með í ferð eins og nýliðaferðina inn á Hveravelli á minni dekkjum innan um öll tröllin, ég tala nú ekki um þegar maður þekkir engan – en ég sé ekki eftir því og því hvet ég menn bara til að reyna, það er ekki gert neitt voðalega mikið grín að manni.

En 4×4 á að mínu mati að halda áfram að skipuleggja ferðir fyrir litla bíla því að þannig fáum við fleiri inn í klúbbinn og því fjölmennari sem við erum því öflugri málsvari jeppamanna verður klúbburinn….. Það mætti meira að segja reyna að gera út á ferðir líkt og útivist er að gera, ekki í gróðatilgangi heldur bara til að verða öflugri.

Nú svo eru alltaf ferðir eins og sú sem verður farin næsta sunnudag – þar verða bílar af öllum stærðum og gerðum og þar var ekkert skipulag annað en netið.

En svo er það reyndar rétt sem allir segja að ef maður fer eina eða tvær ferðir á litlu dekkjunum þá stækka þau voðalega fljótt – allavega verður Pajero kominn á 38" á næstu 2 – 3 vikum.

Kveðja
Benedikt

Fyrirgefiði, leikaraskapurinn var [url=http://www.austurgata.net/albums/album45/kollaklipp_0001.wmv:20c3zkht]þessi.[/url:20c3zkht]

…þessi lína hans Hlyns er samt enn að éta mig: "Það er eins og sumt fólk sé ekki að skilja að minna breyttir jeppar séu ekki gjaldgengir í allar ferðir f4x4" – en honum þykir augljóslega gott að hirða af "sumu fólki" félagsgjöldin ?

ískaldar kveðjur Klaki.

Afsakið þetta með Glitnis húmorinn – jeppinn er reyndar alveg laus við þá félaga, en VÍS á bróðurpartinn í frúarbílnum 😀

En rétt hjá þér að verðlagning varahluta er víða gjörsamlega út í hróa – hringir t.d. Ingvar Helgason einhverjum bjöllum 😀 .. en varla er það markmið klúbbsins að fá félaga út á afsláttarkjör sem félagar hljóta hjá hinum ýmsu fyrirtækjum ?

Festur og vesin gera ferðir oft einstaklega minnisstæðar 😀

kv.
Sigurður M.

Var eitthver að tala um messu þá er það ekki galið að fá Sigubjörn og Gunnar til að messa yfir okkur inni á hálendinu.
Nei það að fá afslátt er ekki megin markmiðið hitt að fá leyfi til að vera á breyttum bílum,festur og vesin eru virkilega skemtilegt að tala um eftir á en skrítið ég lendi í þeim á óbreyttum,og er enn að tala um það,(gamall brandari)hef einu sinni faríð yfir Skaftá í Öræfum á Rússa þar sem bakkað var yfir vaðið,bílstjóri var Sigurjón á Littla-Hofi,ég vildi ekki reyna það sjálfur,en færari menn á jeppum en þessir kallar eru ekki til í dag.Klakans kveðjur

er ekki til jólalag undir þennan texta þinn ?

…og ég sem hélt að loksins væri komin almennileg réttlæting: "Heyrðu elskan, ég þarf að brenna austur (vestur, suður eða norður) fyrir fjallgarð og kippa nokkrum smælingjum úr skabbli".

😀

Hlakka til að kippa í þig, eða bara deila kippu!

grenj,

Sigurður M.

p.s. fyrst kvikindisskapurinn er kominn á þetta stig… Setrið og skálagjöld .. hm, hugurinn reikar …

Komdu bara með okkur,svo hóum við okkur bara aftur saman seinna.

KV JÞJ

Sælir allir.

Ég var að renna yfir þennan þráð, og get ekki orða bundist. Það er tvennt sem mér liggur á hjarta og verð að koma frá mér.

það fyrra er þetta:
[b:d39kc31d]Ferðaklúbburinn 4×4 er ekki ferðafélg.[/b:d39kc31d] Hvorki fyrir minna eða meira breitta bíla. Á þeim 15 árum sem ég hef verið félagi í klúbbnum hef ég farið í 2 skipulagðar vetrarferðir á vegum klúbbsins, og reyndar starfað við þær báðar. Aftur á móti hef ég farið fjöldamargar ferðir með félögum í klúbbnum, en þær höfum við skipulagt sjálfir, og ekki í nafni klúbbsins. Þið sem teljið ykkur vanrækta af hálfu klúbbsins, takið ykkur til og skipuleggið ykkar ferðir sjálfir. Það þarf ekki að eiga 38" dekk til að skipuleggja jeppaferðir.

þá er það hitt málið.
Ég las það sem siggimagg skrifaði, og varð bara töluvert hissa. Og ástæðan, jú, ég er gleyminn, en það eru greinilega til gleymnari menn en ég. Í nýliðaferðinni í Setrið vor 3 bílar á minni dekkjum en 38". Óhætt er að segja að þeim gekk öllum illa. Reyndar gekk þeim þokkalega þegar þeir gátu ekið utan fara, en það var ekki oft hægt. Ferðin frá Kerlingarfjöllum í Setrið tók tæpa 8 tíma vegna slæmrar færðar. Ég hef ekki tölu á því hversu oft kóarinn minn hljóp út með spottann til að binda í 35" bíl. Það endaði meira að segja þannig að síðustu kílómetrana tókum við spottann ekki einu sinni úr á milli skaflanna, og þegar ég kom síðastur í skála, klukkutíma á eftir fyrstu bílum, (ég var með lykilinn) var enn bundinn bíll við minn. Eini 33" bíllinn í ferðinni fékk svipaða hjálp, og var dreginn marga kílómetra. Það er rétt að við sem drógum kvörtuðum ekki, en áttum von á að þeir sem þáðu dráttinn sægju sjálfir að þeim gekk ekki sérlega vel og lærðu af reynslunni. Eftir þessa ferð sannfærðist ég endanlega um að í þeim ferðum sem ég fer í sem skipuleggjandi, eða bara með vinum mínum [b:d39kc31d]verður aldrei aftur 35" bíll.[/b:d39kc31d] Ég geri mér grein fyrir að með þessari afstöðu fell ég í ónáð hjá sumum, þar á meðal kunningjum mínum, en ég vil það frekar en vandræðin sem hljótast af því að ferðast með illa búnum bílum.

En ég ýtreka enn og aftur, þið á minna breittum bílum, takið ykkur saman og ferðist með jafningjum.

Og eitt að lokum. Ég á ’84 módel af bíl sem kostaði mig kr. 200.000.- þannig að það þarf ekki alltaf að leita á náðir Glitnis til að ferðast á 38 tommum.

Emil Borg

fyrirgefðu.

Ég ek um á bíl sem er á 33" dekkjum og er alveg þokkalega sáttur við það.
En hins vegar þá dettur mér ekki í hug að ganga um og heimta að fá að fara með í ferðir með stóribílum, þar sem minn fjallabíll er ekki útbúinn fyrir slíkar ferðir.
Og ef mig langar svona rosalega mikið að ferðast með þeim, þá verð ég bara einfaldlega að breyta bílnum mínm, eða fá mér annan sem er þegar brayttur og því útbúinn fyrir erfiðari ferðir.

Hins vegar hef ég mjög gaman að því að aka um hálendið og þá sérstaklega í snjó.
Þegar ég fer að jeppast, þá vel ég mér ferðir sem henta mér og mínum bíl og eru ekki of erfiðar.

Sem dæmi um slíkt ferðalag er 31+ ferðin sem var farin á sunnudag upp á skjaldbreið. Það finnst mér vera frábært framtak og gaman að sjá hversu margir aðrir eru á litlum bílum að þjösnast upp um hóla og hæðir.

Ég vona bara að hinir litlubílakallarnir taki sig til og komi með næst þegar farið verður í svona ferð og, eða drífi sig til og hói á eitthvað fólk hér á spjallinu til að koma með sér. Það er nóg af mönnum þarna úti sem eru til í að koma með. Og það sýndi sig nú og sannaði á sunnudaginn að menn á 38" eru mjög oft til í að koma með í svona ferðir.

Hysjauppumsigbuxurnarkveðja, Andri

Sælir félagar

Mikið er nú rætt um tommur hér á þessum þræði, og sitt sýnist hverjum.
En þetta er svo skelfilega afstætt allt saman og svo skelfilega misjafnt hvernig aðstæður eru.

Ég veit tildæmis um ferð þar sem einn af ferðafélögunum gleymdi að skrúfa aðra driflokuna á að framan áður en hann hélt af stað en viti menn það kom ekki að sök hann komst samt á leiðarenda á einu drifi. (var reyndar á 38")

Í þessa ferð hefðu minna breyttir bílar átt fullt erindi, því færið var gott, en svonalagað vita menn ekki fyrirfram.

Þetta er bara spurning um að rata hinn gullna meðalveg í þessu máli sem og öðrum.

Stundum er ekkert mál að krúsa landið þvert og endilangt á Lödu sport á orginal börðum en þremur dögum seinna kemst ekki breyttasta bifreið landsins spönn frá rassi vegna slæmra skilyrða.

Því verða menn að þora að fara af stað séu þeir á minna breyttum bílum, og þeir verða þá líka að vera tilbúnir til þess að sætta sig við að hverfa jafnvel frá ef ekkert gengur. Auðvitað er það kanski erfitt stundum en það verður bara að hafa það.

Ég vil taka það fram að ég er á lítið breyttum bíl og vildi gjarnan að hann væri stórvaxnari, en þetta verður að duga til að byrja með.

Ég vona bara að félagar mínir innan klúppsins nenni einhverntíman að hafa mig með, á mínum eigin bíl þegar færið er gott, eða sem coara ef færið er vont, því að stundum er líka hægt að fá að fljóta með sem farþegi og það er líka fjör, þó auðvitað sé skamtilegast að vera á eigin farartæki.

Með vinsemd og virðingu

Austmann