This topic contains 17 replies, has 1 voice, and was last updated by 
-
Topic
-
Mér finnst ég vera félagslega hálflamaður, því ég kemst ekki inn á smáauglýsingar 4×4 klúbbsins. Í svörtu línuna undir myndinni efst á aðalsíðunni vantar sem sé á minni tölvu orðið „Smáauglýsingar“, sem á víst að vera á milli „Myndasafn“ og „Tenglar“. Þar er aðeins lengra orðabil en á milli annarra orða í línunni, en það er það eina sem bendir til að þarna eigi eitthvað að standa. Ekkert hjálpar að búa til leitarorð og smella á „Leita“ aftan við „Smáauglýsingar“ í smellilistanum ofan við myndina, þá fæ ég aðeins hrafl eða hluta úr þeim auglýsingum sem innihalda leitarorðið. Dálkurinn „Nýjar smáauglýsingar“ hægra megin á aðalsíðunni er alltaf tómur hjá mér. Hef spjallað við einn í vefnefndinni sem hafði ekki heyrt um þetta vandamál, en benti mér á hugsanlegar leiðir til lausnar. Þær hafa ekki dugað. Ég hef prófað að nota Netscape í stað Internet Explorer, en hvorki það breytir neinu, né heldur að aftengja Norton-eldvegginn.
Þekkir einhver þetta vandamál og helst líka lausn á því? Bjargráð væru afar vel þegin.Með kveðju
Sverrir Kr.
S. 565-3133 & 895-2212
sverrirkr@hotmail.com
-
Replies
-
Ég á við sama vandamál að stríða, auglýsingalinkurinn kemur ekki upp hjá mér. Vefnefnd telur að bilunin sé í tölvunni hjá mér. Ég hef þó ekkert fundið út úr þessu enn. Það hlýtur að vera einhver tölvumaður sem les þetta og veit hvað þetta getur verið.
kv. Jónas H
s. 849 364030.06.05
Eins og bent er á hér að neðan þá var virusvörnin vandamálið, nú er þetta komið í lag hjá mér.
Takk fyrir
kv. Jónas
Ég er svosem ekki mikill tölvuspekingur, en þetta er skrýtið vandamál. Getur verið að þetta hafi eitthvað með skjáupplausn að gera?
Kv – Skúli
Ég er búinn að reyna að senda póst inn á Klafaþráðinn þin Skúli enn tekst það ekki með neynu móti, ég reyndi að búa til nýjan þráð en tókast ekki heldur. Er eitthvað skrýtið að fáir skrifi og setji myndir inn á þennan vef. Þessi póstur hefur ekkert með auglýsingar að gera ég er bara að reyna að komast inn ???
kv. vals
Es. og það tókst, ég er alveg að !!!!!
Líkleg skýring er sambland af vafrara og upplausn.
Vefhönnuðir eiga oft í vandræðum með mismunandi vafrara, stýrikerfi og skjáupplausnir. Flestir eru hættir að eltast við eldri útgáfur af Netscape og Explorer en 4.0.
Veðja á ef um gamlan vafrara er að ræða (browser) að downloda nýrri útgáfu á http://www.msn.com
mbk.
l.
Þakka framkomnar hugmyndir og tillögur um smáauglýsingavandann. Engin lausn hefur fundist, en ég bíð enn eftir svari frá vefnefndinni. Tel ekki að um bilun í minni tölvu sé að ræða. Hún er aðeins níu mánaða gömul, vel vanin og gerir allt sem ég segi henni að gera á öllum vefsíðum, nema að sýna mér það sem ég sakna mest í augnablikinu, SMÁAUGLÝSINGAR á f4x4. Ég er með IE 6.0 með SP2 og öllum nýjustu uppfærslum og einnig með Netscape 7.1. Nota upplausn 1024×768 sem hentar best fyrir minn skjá. Hef prófað hærri og lægri upplausn, en það töfrar ekki fram smáauglýsingarnar, fremur en ýmislegt annað sem ég hef prófað.
Sverrir Kr.
ég kemst ekki heldur í smáauglýsingar get bara skoðað þær en ekki skrifað auglysingu mjög gott væri að fá hjálp í þessu,bara fá gömlu góðu síðuna aftur lítið varið í þessa miðað við hina
mér finnst setupið betra á þessari síðu en á þeirri gömlu þar sem annar hver maður setti sína auglýsingu í vitlausan flokk. Hérna velur maður flokkinn fyrst og skrifar síðan auglýsinguna.
Svona setur maður inn auglýsingu:
– skráir þig inn
– smellir á smáauglýsingar
– smellir á flokk hægra megin
– velur að semja auglýsingu hægra megin undir flokkunum.
þetta er nú allur galdurinn en ef þetta virkar ekki hjá einhverjum þá er eitthvað að.
Frá byrjun hef ég mjög sjaldan lent í vandræðum á þessari síðu nema hvað myndaalbúmið var óvirkt í lengri tíma. Fín síða og mun flottari en sú gamla.
kv
AB
allir vafrar lesa þessa síðu, ie, netscape, mozilla, avant, firefox svo ég nefni þá helstu
Eru fleiri í sömu stöðu og Sverrir, þ.e. að linkurinn á smáauglýsingarnar hverfi?
Spurning hvort þetta geti haft eitthvað með stillingar á browser að gera, því tæpast er það tölvan sem er ný og hann er með nýjar útgáfur af browserum.
Kv – Skúli
Ef ég man rétt þá eru allmargir sem hafa verið með svipaðar kvartanir. Það fer ekki á milli mála að vandmálið liggur í Castor kerfinu, hvort sem það tengist tilteknum notenda, tölvu eða varfra, slíkir hlutir hafa ekki afgerandi áhrif á virkni vefsíðna sem eru í lagi. Ég sakna þess að vefnefdar menn skuli ekki hafa blandað sér í þessa umræðu.
Ég hef prófað þennan vef með allmörgum vöfrum, bæði á Windows og Linux og eins og Ásgeir ekki orðið var við teljandi mun í virkni.
-Einar
Ég biðst forláts á því hvað ég hef lítið verið til viðræðu, en ég hef verið upptekinn í verkfni á öðrum vef þar sem gagnagrunnur fór í klessu og hef því staðið í björgunnaraðgerðum þar.
Á sama tíma rann út lénið mitt fyrir kelinga.com og því hef ég ekki fengið neinn póst í 2 til 3 daga, en ég vona að þetta komist í lag fljótlega, en ég er ekki skráður fyrir léninu sjálfur. Annars hefði þetta aldrei gerst.Ég breyti netfanginu mínu hérn og þeir sem hafa reynt að ná í mig síðustu daga verða að senda mér póst aftur.
Kveðja, Keli.
Ég er kominn inn á smáauglýsingarnar! Í Norton Personal Firewall er val um "Ad blocking" á eða af.
Var reyndar búinn að prófa að taka eldvegginn alveg af, en láðist að smella á "Refresh" og því breyttist að sjálfsögðu ekkert. Nú prófaði ég að velja "Ad blocking" af, smella á "Refresh" og viti menn! Auglýsingaheimur 4×4 klúbbsins opnaðist eins og Gullna hliðið fyrir Jóni bónda forðum og mín félagslega lömun hvarf eins og dögg fyrir sólu.Á gömlu síðunni birtust þessar auglýsingar þótt "Ad blocking" væri á. Við gerð nýju síðunnar virðast auglýsingarnar því hafa verið skilgreindar á hliðstæðan hátt og "Pop up ads" og aðrar slíkar óvelkomnar auglýsingar sem góðir eldveggir útiloka. Vonandi geta vefnefndarmenn lagfært þetta svo ekki þurfi að gera "Ad blocking" óvirkt í hvert sinn sem farið er inn á augl. á síðu klúbbsins. Ef verið er að vafra á netinu þarf "ad blocking" að vera virkt svo maður hafi frið fyrir "Pop up ads" og öðru slíku rusli.
Með bestu baráttukveðjum til vefnefndarinnar.
Sverrir Kr.
Það hlaut að vera að þetta væri eitthvað á vél notandans. Þetta er ekkert sem vefnefnd ætti strangt til tekið að breyta, en gæti gert það. Þetta forrit sem þú ert með er heimskt, að taka linkinn út bara af því hann er með /ads/ í slóðinni. Þetta er fáránlegt af hugbúnaðinum.
"Lausnin" fyrir vefnefndina væri að færa smáauglýsingarnar úr /ads/ yfir í t.d. /augl/.
Mér finnst að menn ættu að sjá sóma sinn í að biðja vefnefndina afsökunar á þessu. Þetta var ekkert kerfinu að kenna.
Og hananú.
-haffi
Ég er sammála því að það er ekki hægt að skella skuldinni á Castor eða vefnefndina vegna þessa vandamáls. En það er engu að síður eðlilegt að vefnefndin taki þátt í umræðum um svona mál og reyni að aðstoða menn við að greina vandann.
Það er vel hægt að stoppa popp-upp án þess að ritskoða efni síðna eins og þarna er gert. Í [url=http://www.mozilla.org/products/firefox/:4pxg02nb]Firefox[/url:4pxg02nb] er t.d. mjög einfalt að stoppa popp-up, en ég hef ekki séð að þar sé mögulegt að ritskoða efni með þessum hætti.
-Einar
Ég lít svo á að núverandi slóðir hljóti að vera tímabundnar og að vefnefndin sé með það á dagskrá að breyta þeim. A.m.k. hlýtur ‘/new/’ að hverfa úr slóðinni þegar vefurinn telst vera fullsmíðaður. Persónulega fannst mér skemmtilegra að nota íslensk heiti eins og á gamla vefnum og leyfi ég mér hér með að gauka því að vefnefnd.
kv.
Þorsteinn Þ.
Velkominn í auglýsingaheim 4×4 klúbbsins, gott að heyra að það fannst skýring á þessu.
Kv – Skúli
Ég ér ósammála Þorsteini varðandi slóðir. Það er mjög mikilvægt að hringla ekki með slóðir á vefnum. Þegar það er gert eyðileggjast tenginar úr öðrum vefsíðum og leitarvélum eins og Google. Tíminn til að taka "new" út úr slóðum var þegar lokað var fyrir gamla vefinn. Fyrst það var ekki gert þá, þá er best að halda slóðunum óbreyttum.
Ég vil í þessu sambandi beina því til vefnefndar að opna á að fletta efni gamla spjallsins undir gömlu slóðunum, t.d https://old.f4x4.is/vefspjall/tradur.asp?t=2579, til þess að tilvísanir á vefnum, m.a. úr spjallinu, verði aftur virkar.
-Einar
You must be logged in to reply to this topic.