Smá pæling

Sælir
Ég legg til að þeir sem fari með í ferðir litludeildar bendi einhverjum á heimasíðuna f4x4.is þar sem oftast nær er hægt að lesa um hvernig ferðalöngum gengur í skipulögðum ferðum klúbbsins.
Í tilfelli krapaferðarinnar var fljótt ljóst þeim sem fylgdust með á netinu að menn kæmu ekki tímanlega í kvöldmatinn.
Flestir hafa aðgang að neti eða vita um e-n sem hefur það.
Kveðja
Atli

JÞJ, þetta er alveg rétt hjá þér, þessi ákvörðum sem var tekin um að halda áfram var alfarið okkar en ekki Litlunefndar, ferð litlunefndar var slúttað þegar að ákvörðunin tekin um að snúa við.

Kv AddiKr

Við erum nú ekki svo slappir á taugum hér fyrir sunnan, að við missum þvag og saur, þótt menn séu eitthvað seinir í bæinn. Svo er alveg príðisgott VHF samband á þessu svæði og lítið mál að láta vita af sér ef eitthvað vandamál kemur upp.

Góðar stundir

Veit ekki hvort eða hvernig eða hvenær ég kemst heim.
Sportið í hnotskurn.
Kv. Raggi

Ég tek undir með hjalta að fjölskyldur voru orðnar óstyrkar en þess má geta að flestar fjölskyldur voru í einhverju sambandi þ,a,s mín einars og völu að minnsta kosti og töluðu þau við Lauga um 05:00 en fjölskylda Hjalta varð utanvelta á þessu og ekki var möguleiki að ná netsambandi á hans heimili á þessum tíma stöddum…

Ofsi við skulum ekki kalla þetta vælu þráð og eitthvað hann vildi bara að fjölskylda sín yrði upplýst um stöðu mála þar sem hann var ekki með VHF eða NMT í bílnum enda nýr bíll og var hann bara að prufa þessvegna fannst honum ráð að fara með litludeild…

hinsvegar á Litladeild hrós skilið að koma okkur þangað sem við skildum við hópinn og laugi og kjartan fyrir frábæra leiðsögn og að úrskurða hvenar ætti að snúa við en þeir auðvitað báru enga ábyrgð á okkur 6 bílunum en samt sem áður var að ég veit Laugi ræstur kl 05:00 og hringdi hann í mig rétt fyrir 09:00 og var hann þá að koma á móti okkur!!!! góður er maðurinn sá og eins með aðra 4X4 félaga kristinn var á hellisheiði að reyna að ná sambandi við okkur og fleira en munum að dæma ekki of fljótt og svo að við öll sem vorum í 6 bíla ferðinni lærðum mikið af þessu

með von um að menn verði ekki kallaðir vælubla fyrir að ekki sé hægt að láta fjölskyldur vita.

Davíð R-2856

Ég vara að koma heim úr vinnu er ég sá þennann þráð og fannst ansi fróðlegt að lesa það sem hér hefur verið skrifað.
Við í Litlunefnd höfum að við teljum ábyrgðina vera mikla á okkar herðum að leiða hóp af jeppamönnum þar sem flestir eru algjörlega óvanir því að ferðast við þessar aðstæður,sem betur fer eru oftast með í för vanir strákar sem eru ekkert að telja eftir sér að rétta hjálparhönd og kom það sér sérstaklega vel í þessari ferð.
Í ljósi þess að við teljum okkur bera ábyrgðina tókum við Kjartan þá ákvörðun að snúa hópnum við og stefna til sama lands,þrír kostir voru í stöðuni og þeir voru,halda áfram á Eyfirðingaveg og vestur með Skjaldbreið og þannig niður í Kaldadal,sú leið er seinfarin á sumrum og aðstæður bentu til að ekki væri betra að fara hana þennann dag,2 halda áfram inn á línuveg en það voru rúmir 12 km í loftlinu og fylgja honum niður í Kaldadal og í báðum tilvikum yrðum við að fara brekkuna við Meyjarsæti en þar snérum við við um morgunin vegna þess að hún var eitt svell alla leið upp og engan vegi forsvaranlegt að fara með svo stórann hóp í hana,þetta þýddi akstur niður í Borgarfjörð og vissum við ekki neitt um aðstæður þá leiðina en töldum okkur örugga um að vera ekki komnir í bæinn fyrr en liðið væri á nótt,3 kosturinn var að snúa hópnum við og fara vegin til baka sem við höfðum komið og töldum við okkur vera komna niður á Gjábakkaveg um kl 20 miðað við ferðahraðan sem verið hafði á okkur.
Þessir kostir voru settir fram í talstöðinni og ákvörðun okkar tilkynnt 6 tóku sig út úr hópnum og vildu fara á línuveginn og töldu sig fullfæra um það,þar með voru þeir ekki lengur á okkar ábyrgð,það skal tekið fram að færið var ekki farið að spillast er þessi ákvörðun vara tekinn.
tæpum kltm seinna heyri ég í þeim og voru þeir að mjakast áfram og allt í góðu lagi um leið segja þeir mér að þeir ættli að vera á rás 48,ég var að kalla í þá alltaf öðru hvoru en náði ekki sambandi,við höfðum í nógu að snúast með okkar lið og er við vorum á leið heim um Mosfellsheiði náðum við sambandi við Adda og bað hann fyrir skilaboð í bæinn og var orðið við því,næst heyrist í þeim milli kl 2-3 um nóttina í gsm og allt í lagi hjá hópnum en gekk mjög hægt að komast áfram,ég er ræstur um kl 4,30 og eftir samtal við Kjartan og Benna var rætt nánar við lögregluna og hún vildi bíða með að kalla út björgunarsveitir,og stuttu seinna fæ ég þau boð fra´Selfosslögreglu að það sé búið að finna þá og sé Ársæll 2 að aðstoða þá við að komast niður í Kaldadal,í framhaldinu hringi ég í Björgunarsveitarbílinn og fæ að vita að þeir séu komnir yfir úrrenslið fyrir neðan veginn um Kaldadal og allt sé í góðum gír og þeir væru í góðum höndum,þessar upplýsingar setti ég inn á vefin og fljótlega eftir það hringir kona í mig og hafði hún lítið sofið um nóttina af áhyggjum,ég fullvissaði hana um að allt væri í lagi og að ég færi ekki að sofa fyrr en ég væri sjálfur búinn að heyra í strákunum svo um 9 leitið um morgunin fer ég út í sjoppu að versla og ákveð að fara á móti þeim til að vera öruggur og var ég kominn inn á miðja Mosfellsheiði er sama kona hrignir og segist hafa náð sambandi og allt væri í góðu strax á eftir næ ég sambandi við Davíð og var þá hópurinn að renna inn á Þjónustumiðstöð þá loksins varð ég rólegur og snéri mér að öðru.
‘abyrgð okkar litlunefndarmann er á hópnum sem við erum með og við erum með allann fjarskipta búnað og gps ásamt loftdælum dráttartógi og öðrum búnaði og á meðan hópurinn er á okkar vegum pössum við upp á hvern og einn og sjáum um að allir komist heilir heim,á hóp sem yfirgefur okkur þrátt fyrir aðvaranir um erfiðleika er einfaldlega ekki okkar lengur að bera ábyrgð á.
Það sem þeir gera er að mínu mati ekki rétt en ekki samt mitt að dæma því þeir klára túrinn og bregðast rétt við áföllum,samskiptaleysi innann hópsins er ámælisvert því um kvöldið næst samband við þá og hefðum við hringt í alla sem þeir báðu um eins heyrist í þeim milli kl 2-3 og sama er upp á teningnum svo næst samband við þá um kl 5,30 gegnum Ársæl 2 og aftur er ekki beðið um að koma boðum en engu að síður sett inn á netið,það að þeir væru nestislausir og tóbakslausir er þeirra eigið fyrirhyggjuleysi og engra annara.
Þeir bera fulla og alla ábyrgð á eigin gjörðum og hafa þeir Davíð og Addi ekki skorast undan því og allavega Davíð verið virkilega leiður og sár yfir að valda öllum þessum áhyggjum og fyri mig er það nóg og mun ekki hika við að ferðast með honum og þeim öllum aftur.
Og svona til að hnykkja enn og aftur á því að við nefndarmenn fylgjumst vel með hverjir eru í hópnum og höldum vel utan um það og erum með allann búnað sem þarf og ég er þess handviss um að eitt símtal í bæinn væri nóg til að þó nokkuð stór hópur jeppamanna myndu henda öllu frá sér og koma okkur til aðstoðar,og Þorgeir gerði það og það var það sem vantaði til að koma Erlendi á meiri ferð þó svo að eitthvað af Pajerovarahlutum hafi orðið eftir á slóðanum megnið af bílnum skilaði sér og herra og frú Erlendur líka.
Svo má líka bæta því við að við í nefndinni erum stöðugt að fara yfir okkar verklag og reyna að bæta það og laga og við munum funda í vikunni og fara yfir þessa ferð og sjá hvort við getum bætt um betur.
Kveðja Klakinn

Ég vill bara segja að Kjartan og Laugi sem og aðrir hlutlausir litlunefndarmenn sem með voru í för tóku rétta ákvörðun um að snúa við enda var færið orðið full hart og finnst mér það sýna reynslu þeirra manna að taka þessa ákvörðun en á hinn broddinn tek ég undir með Lauga að það var engum nema okkur sjálfum að kenna að vera nestis drykkjar og tóbakslausir og fyrir mitt leyti er ég reynslunni ríkari og mun hafa með mér "neyðarnest" eins og einn ferðafélagi kallaði það enn hann ferðast með núðlusúpur bollasúpur og kjötkraft ásamt prímus í sínum ferðum og lærði ég vel af því!!!!!

hins vegar þakka ég mönnum sem hjálpuðu Litludeild til baka eins og t,d þorgeiri að redda erlendi (frétti að MMC hafi fengið það óþvegið) og vill ég minna á að ekki er hægt að sakast á neinn veg ferðaklúbbinn 4X4 eða Litludeild fyrir það sem við á 6 bílum ákváðum sjálfir að halda áfram og áhyggjur fjölskyldna sem og aðra jeppamanna/kvenna var á okkar eigin ábyrgð en hinsvegar fannst mér frábært að komið var þræði í gang um fréttir og hélt laugi að ég veit uppi upplýsingum um okkur framm eftir öllu en því miður skilaði sér ekki á öll heimili en gerði þó gagn og það að hann hafi verið lagður á stað á móti þegar ég tala við hann finnst mér ótrúleggt og er ég mjög ánægður að fá að vera meðal svona frábærra manna og mundi ég ekki hika við að gera slíkt hið sama!

Kv Davíð R-2856

hinn þakkláti