This topic contains 33 replies, has 1 voice, and was last updated by 
-
Topic
-
Jæja gott fólk.
Slys var með þeim hætti rétt í þessu að Gundur okkar var að velta, ekki voru slys á fólki enn er bíllinn mikið tjónaður.
Vonandi eru menn á fjöllum alsgáðir og með beltin spenn eins og Gundur okkar var auðvitað í þessari veltu sinni.
Ferðumst með sæmd og komum heil heim.
Kveðja
Lúther og málarinn Bæ bæ sem komast ekki á fjöll. vegna vinnu og jeppaleisis.
-
Replies
-
Sæll Erlingur
Við vorum búin að fara mjög gætilega vegna þess að við áttum von á krapa vandamálum.
Ekki átti ég nú von á að velta þarna. Þetta voru djúp för frosin og var ég að reyna að komast upp úr þeim en þá rann bíllinn til á hlið. Það voru 4 pund í dekkjunum og hann affelgaði framan og aftan með þessum afleiðingum. Ferðin var ekki meiri en svo að hann fór bara á toppinn en ekki heilaveltu.
Það sem hefði hugsanlega getað komið í veg fyrir þetta var meira loft í dekkjum eða bedlock.
Ég er með kaskó og utanvegakaskó.kv gundur
Sæll Gundur, leiðinlegt að sjá, vonandi verða tryggingarnar góðar við þig, einhver var að tala um að Gundur tefli aldrei á tæpasta vaði, einhverstaðar eru nú til myndir af kappanum þar sem hann lætur sig vaða úti beljandi á í einhverri nýliðaferðinni og menn og konur sem á bakkanum stóðu supu hveljur!
En þetta eru frekar leiðinlegar aðstæður til að vellta, á jafnsléttu! Hef sjálfur vellt Jimny það var ekki hressandi!
Með von um farsæla lausn!
Benni
Leitt að heyra af þessu tjóni Gundur vonandi verður þú kominn fljótt á fjöll aftur. En hvernig felgur ert þú með? Er soðinn kantur á þeim? Ertu með 44" dekkin með "rúma" innanmálinu?
Anonymous- Umræður: 0
- Svör: 16404
Þekki nú lítið sem ekkert til Gunds, þó svo hann velji þann besta bæ til að búa í. Þykir leitt að heyra þetta og með svona svakalega fallegan bíl utanum sig. En eins og einhver sagði, þá er allt járn hægt að rétta og mála á ný og vona ég að allt gangi sem allra best með það.
Svo að öðru, þá vill ég leiðrétta góðann mann þar sem Slys þýðir eftirfarandi:
slys -s, – HK
. óhapp, áfall
. atvik sem veldur (stór)meiðslum eða dauða.Þannig bæði getur þetta verið meiðsli á fólki eða skemmdir á farartækjum einungis. Þá er það komið á hreint 😉
Þetta tjón er nú bara til að gera við.
skipta um topp og rétta. smávegis.gangi þér vel gundur.
Þegar litið er í Orðabók Menningarsjóðs er ljóst að það sem þar stendur á einungis við fólk eða aðrar skepnur. Þar stendur orðrétt: óhapp, áfall; atvik sem veldur (stór)meiðslum eða dauða. Í orðsifjabók Ásgeirs Blöndals stendur: óhapp, áfall sem veldur (stór)meiðslum eða dauða. Og í O.M. er við so. slasa (sem hlýtur að gerast í slysi og hvergi annars staðar): meiða, beinbrjóta, skadda stórlega. Þá segir enn í lögum um almannatryggingar: Með orðinu slys er átt við skyndilegan utanaðkomandi atburð sem veldur meiðslum á líkama þess sem tryggður er og gerist án vilja hans.
Af öllu þessu er fráleitt að halda því fram í alvöru að slys sé þar sem gler brotnar eða blikk beyglast; amk. er það gríðarleg gengisfelling á orðinu og ekki heppileg ef menn vilja forðast misskilning. Það væri þannig sennilega ekki skynsamlegt að fjasa í talstöð um slys, ef björgunarsveitamenn eða slysavarna, væru að hlusta ef það eina sem gerst hefur er það að einhver hefur brotið drif eða misst flösku í kamarinn. Og mér er enn í minni, þótt þrjátíu ár séu liðin, yfirhalningin sem félagi minn fékk á Löggustöðinni við Hlemm þegar hann kom þar inn og tilkynnti um sviplegt slys, þegar vakthafandi lögga áttaði sig á að það var fólgið í því að bíllinn sem við vorum á hafði verið læstur inni í portinu við Egil Vilhjálmsson meðan við vorum í Stjörnubíói sáluga.
Sem sé; tölum jafn varlega og við ökum.
Það er betra að bulla ekki um slys !!!!!!??? en gaman að þessu.
kv:Kalli málvísindamaður
Maður á aldrei að keyra í förum eftir aðra þá lendir maður ekki í svona, það er allavegana gert í mínum hóp.
Þar þurfa allir að drífa meira en hinn, það gerir maður ekki í förum efti hina.
Leit með vagnin ef engin slasat þá er þetta bara járna drasl sem er hægt að laga.KV Eyþór.
P.S. Er tvisvar búinn að upplifa þessa reynslu.
Leiðinlegt að lenda í þessu gundur.
Mér finnst teyngdamömmuboxið vanta í upptalninguna með hvað hefði getað afstýrt þessu tjóni hjá þér gundur. Bílar velta venjulega ekki á jafnsléttu nema eitthvað sé að, í þessu tilfelli er það fyrst og fremst teyngdamömmuboxið sem er að, held ég. Var mikið af vörum í því ?
Ég er farinn að finna til með Gundi og ferðafélögum, að gusast svona áfram, drekkjandi eða veltandi bílunum á þessari dagsleið í Grímsvötn.
Mér finnst þú og ferðafélagar ættuð að koma við hjá Valda rakara og fá hjá honum lykilinn að skálum Jöfra, þannig að þú getir farið þetta í rólegheitum, án tjóna, í grímsvötnin og svo til baka og jafnvel tekið auka nótt í Jökulheimum.
Það er hugsanlegt að tryggingafélögin kostuðu jafnvel gistinguna.
Muna að flýta sér hægt.
ferðakveðja Dagur
Það er greinilega bara fyrir áhættufýkla að vera faramenn… veit Hlynur af þessu?
Annars get ég engan veginn skilið afhverju menn óku í þessum förum þegar ekki markar í snjóinn við hliðina, en allavega gott að enginn meiddist.
–
Bjarni G.
Það er forvitnilegt að heyra hvort Gundur fær sömu móttökur hjá trygginafélögnum og [url=http://www.f4x4.is/new/forum/default.aspx?file=bilarogbreytingar%2f9497:191wzneh]Fastur[/url:191wzneh] fékk. E.t.v fellur þetta ekki undir utanvegaskilmálana þar sem þetta gerðist á eða við veginn inn í Jökulheima.
-Einar
Sælir.
Varðandi trygginguna þá er það þannig að ef að tjón í fjallaferðum, hvort sem er að vetri eða sumri verður á slóða. Þá skiptir ekki neinu máli hvort hann er á kafi í snjó eða ekki en það getur verið að það þurfi að færa sönnur á það hvar nákvæmlega tjónið var með vitnum eða ef til vill útprentun af trakki.
Svo ef að menn hafa ekki fengið sent bréf frá tryggingarfélaginu eftir að þeir tóku utanvegakaskó, þar sem fram kemur að sjálfsábyrgð á ökutæki xx-xxx sé xxx.xxxkr í utanvegartjóni. Þá mundi ég láta virkilega á það reyna, jafnvel fyrir dómstólum ef þarf.
Það borgaði sig fyrir mig.Kveðja Þórður.
You must be logged in to reply to this topic.