Slæm viðskipti

Það er náttúrulega algert "kill" fyrir Fjallasport að þeir verði fyrir þessari umræðu hér. Mín reynsla af Fjallasporti er fín; þeir breyttu fyrir mig nýjum 35" Trooper fyrir um þremur árum síðan, allt stóðst 100%. Eftir um 8 mánaða notkun voru krómuðu álfelgurnar farnar að flagna og það var ekki að spyrja um það en þeim var skipt út strax, meir að segja komu í staðin mun fallegri felgur. Ég hreinlega trúi því varla að þeir hafi ekki geta bætt þér þetta tjón……

Kveðja
Georg

Þetta er örugglega ekki óskastaða neins fyrirtækis sem þjónustar jeppamenn að lenda í slæmri umfjöllun hér á þessum vettvangi. Það getur hreinlega verið algjör "killer", í versta falli orðið til þess að það fækki um einn aðila í þessum bransa sem væri slæmt mál. Persónulega finnst mér alltaf erfitt að draga ályktanir af einhliða umfjöllun, þó vel megi vera að hér sé allt satt og rétt. Mér dettur ekki í hug að rengja menn hér, en ég held að það sé rétt að hafa í huga að þetta er bara önnur hlið mála. Palli skorar hér að ofan á Reyni og Stínu að gera grein fyrir sinni hlið á málinu, en þegar kemur að því að verja orðstýr þjónustufyrirtækis er mjög vandasamt að bregðast við svona umfjöllun. Það þekkja þeir sem eitthvað hafa spekúlerað í almannatengslum, því jafnvel þó málstaðurinn sé "réttur" (gagnrýnin sé óréttmæt) getur leiðrétting haft öfug áhrif ef hún er vitlaust sett fram og ef eitthvað er til í gagnrýninni og menn átta sig á að gerð hafa verið mistök er málið auðvitað hálfu erfiðara.

Ítreka að með þessu er ekki ætlunin að véfengja þá gagnrýni sem fyrirtækið fær hér eða taka upp hanskann fyrir einn né neinn, bara minna á að yfirleitt eru tvær hliðar á hverju máli og að í svona málum er auðveldara að setja fram gagnrýni en að svara henni sem getur skýrt þögnina.

Kv – Skúli

Ég tek undir með Palla og vil hvetja alla sem tjá sig um þetta mál, jafnt sem önnur, að skrifa undir fullu nafni og helst félagsnúmeri ef það er til staðar.

Kveðja
Kjartan

Þeir eru orðnir soldið margir mánudagarnir hjá þeim skilst mér c.a 6 í viku.
Benedikt Þorgeirsson

Hér hefur mikið gengið á. Ég hef fylgst með þessu með öðru auganu en ekki nennt að lesa nærri allt, enda greinilegt að hér er ekki um málefnalegt spjall að ræða.

Nú ætla ég ekki að leggja neinn dóm á það málefni sem er til umræðu. Ég vil bara benda á að svona opin spjallrás er öflugt vopn í höndum þeirra sem vilja skemma mannorð annara. Einnig er mikil hætta á að slíkt sé gert óviljandi í tilfinningahita, eins og líklegt er hér. Erfitt er að verjast svona árásum og ég hef frá fyrsta skeyti talið að þeir sem ásakaðir eru í þessu tilviki muni ekki svara af ótta við að það virki eins og olía á eld.

Enda er ekki hægt að setja deilur af þessu tagi niður á spjallrás. Okkur haf verið gefin mun betri tæki í vöggujöf til slíkra hluta, það eru munnur, eyru og augu. Best er að hitta mótaðilann og spjalla um málin.

Svona spjallrás er þeim mun betri til annara hluta, eins og dæmin sanna.

Eftir því sem skeytin hafa hrannast upp hef ég þó velt fyrir mér að þrátt fyrir að ég sé ekki sammála efnistökunum hér, þá er hægt að veita mikið aðhald með svona síðu og spjalli. Við megum ekki loka of mikið á svona spjall. Við verðum bara að tryggja að það sé málefnalegt. Þar gætir okkar enginn nema við sjálfir.

Tillögur til spjallara:
1. Við verðum að vera málefnaleg.
2. Ekki senda skeyti í tilfinningahita, skrifa fyrst og geyma í einn dag, og lesa aftur áður en sent er. það getur verið gott fyrir sálina að skrifa reiður, en þeim mun verra að birta það.
3. Gerum tilraun til að leysa málin áður en farið er í hart með árásum á spjallrásinni. Ef allt annað þrýtur þá má segja söguna, málefnalega. Og fyrir alla muni, fá félaga til að lesa yfir áður en sent er.

Ég er nefnilega viss um að ef við gerum út málefnalega spjallrás þá mun það veita öllum söluaðilum í greininni mikið aðhald um að standa sig. Skrifin hér að framan eru þó ekki til þess fallin, þau eru líklegri til að gera þolendurna að píslavottum.

Snorri Ingimarsson.

Ég hef aldrei átt viðskipti við Fjallasport og þekki ekkert til þeirra né aðstandenda þess.
Mig langar bara að benda á að nú er þráðurinn orðinn tveggja vikna gamall og ekkert svar hefur borist frá Fjallasporti.
Ef starfsfólk og eigendur telja sig vera í rétti til þess að koma fram á þennan hátt hlýtur að vera einhver skýring eða ástæða fyrir því. Mér þætti því eðlilegt að fulltrúi fyrirtækisins gæfi þeirra hlið á málinu m.a. til þess að eyða óþarfa vangaveltum um þeirra skoðun og einnig til þess að koma í veg fyrir frekari níðskrif um fyrirtækið.
Ef allt er hins vegar satt og rétt eins og greint er frá í fyrsta innleggi þessa þráðar þá er engin önnur leið en sú að líta á þessa þögn sem samþykki Fjallasports við því.

Allt tal um hugsanlega olíu á eld þessara umræðna og þar fram eftir götunum er að mínu mati sönnun þess að ekki sé allt með felldu í máli þessu.
Vitsmunaleg rök í frá Fjallasporti gera ekkert annað en að slá vopnin úr höndum þeirra sem að ofan hafa reynt að níða skóinn af fyrirtækinu.
Því á fyrirtækið að svara fyrir sig sem fyrst svo hægt sé að mynda sjálfstæða skoðun á þessu máli.

Kv.

Sterkur