This topic contains 7 replies, has 1 voice, and was last updated by 
-
Topic
-
Hringdi í Vélaverstæði Þóris á Selfossi
hef aldrey heyrt aðra eins útskýringar frá nokrum manni . þurfti að láta skypta um kúplingu í jepplingi sem tekur sirka 4..5 tíma með öllum tækjum og tólum þetta verkstæði auglýsir sig sem styrktaraðili 4×4 en að vísu er það ekki há prósenta sem hann gefur félagsmömnnum og kanski lítið mál að bæta 1 tíma við til að ná því til baka
hann sagði að hann gæti gert það eftir helgi því þá væri komin RIGNING!!!!!
kom svo með jeppann til hans en hann virti mig ekki varla viðlits og sagði að þetta er ekki hægt hér fyrsta lagi eftir hálfan mánuð
hann þjónustar nú bændur líka hér fyrir sunnan og lágu ónít vinnuvélatæki eins og hráviður um allt hjá honum mér finnst skrítið að þegar sláttur fer að hefjast að þá fara bændur að hugsa að laga tækin sín? og bara þegar það er þurkur??en ekkert að gera hjá honum þegar það er RIGNING
held að hann ætti líka að læra almenar kurteisisvenjur við þá sem koma á þetta verkstæði
mundi
-
Replies
-
Ég er nú vanur því að panta tíma á verkstæði áður en ég fer með bílinn þangað og ætlast til að fá þjónustu. Þess utan getur það verið fullkomlega eðlileg skýring að á vélaverkstæði á Selfossi, sem mikið vinnur við búvélar og setur mikið saman af nýjum vélum til afhendingar, sé fullbókað á þessum árstíma og ekki dragi úr álaginu fyrr en rignir og bændum liggur minna á sínum tækjum heldur en þegar þurrkglenna gefst.
Mér finnst ósanngjarnt að flokka þetta undir lélega þjónustu, amk. veit ég að ég þarf að PANTA TÍMA með amk. viku fyrirvara til að koma mínum bíl í þjónustuskoðun hjá umboðsaðila og vinna þeir þó eingöngu við eina tegund sem þeir þekkja mjög vel.
Auðvitað er það "landlægur andskoti" að vanta viðgerð með stuttum fyrirvara og líklega eru bændur ekki barnanna bestir í því að uppgötva bilun þegar á að fara að nota vélina, en því má heldur ekki gleyma að tæki bænda, eins og okkar hinna, bila stundum þegar þau eru notuð! Þá liggur bændum eins og öðrum atvinnurekendum oft mikið á að fá gert við, enda eiga þeir mikið undir því að ná góðum heyjum. Þá er bóngóðum mönnum, eins og Þóri frænda mínum, mikið í mun að reyna sitt besta til að bjarga málunum og þegar mörgum liggur mikið á verður henn einfaldlega að byrja á að vinna við uppsöfnuðu verkefnin áður en hann getur tekið ný inn á gólf.
Ég verð að viðurkenna að ég hef fullan skilning á þessari aðstöðu hans og flokka hana alls ekki undir lélega þjónustu.
Alltaf leiðinlegt að heyra þegar fólk telur sig hlunnfarið. Það hefur reyndar ekki alltaf mátt minnast á þessháttar hluti hér án þess að her manna myndi varnarvegg um viðkomandi fyrirtæki og úthrópi þann sem slæmu þjónustuna fékk.
Ég vil samt skjóta því inn að ég hefi aldrei heyrt nema góða hluti um Þóri. Hann hefur komið okkur feðgunum til bjargar við ýmis tækifæri og aldrei staðið á neinu.
Getur ekki hugsast að þú hafir hitt á hann á vondum tíma, eins og við eigum öll við og við? Það er auðvitað engin afsökun fyrir því að vera dónalegur, en ég var ekki á staðnum og veit því ekki hvað ykkar fór á milli.
Er ekki bara rétt að heyra í honum aftur og sjá hvað hann getur boðið þér? Ef þú ert ekki sáttur við þau svör eru alltaf einhverjir aðrir sem vilja vinnu.Kv.
EE.
Það þarf nú ekki að vera að hann hafi hitt á Þóri sjálfan. Það eru margir að vinna hjá honum.
En ég skil afstöðu verkstæðisins vel. Því þeir sérhæfa sig í landbúnaðartækjum og vinnuvélum.
Mér hefur ekki einu sinni dottið í hug að fara með bílinn minn til hans. Því að ég var alveg viss um að hann væri bara í ofangreindum tækjum.
Að vísu er hann með smurstöð.
Veit ekki með hvað ykkur fór á milli og dæmi ekki um það. Ég persónulega og það fyrirtæki sem ég vinn hjá hefur fengið 100% þjónustu frá Þóri sjálfum og hanns mönnum. Þar sem vélaverkstæði Þóris er aðalega í landbúnaðarvélum og þúngavinnuvélaviðgerðum og nuna er háanna tími þá skil ég hans afstöðu bara vel. Kveðja Sveinn
því í helvíti var hann þá að lofa mér þessu?
billinn væri kominn á annað verstæði ef hann hefði sagt nei strax þegar ég hringdi í hann fyrir síðustu helgi.
hann auglýsir 11 prósen afslátt fyrir félagsmenn
þannig að ég þarf að eiga landbúunaðartæki til að fá þann afslátt?
ef hann er ekki í bílaviðgerðum þá átti hann að neita mér einfalt mál
Mundi
Þú er að kvarta við vitlausan aðila, þessi kvörtun ætti að vera á veðurstofuna en ekki þóri
Sælir,
Svona lagað ert alltaf vandmeðfarið og reyndar spurning hvort réttmætt sé að menn noti spjallið hér til að létta á pirringi gagnvart ákveðnum fyrirtækjum.
Það eru alltaf tvær eða fleiri hliðar á öllum málum og alls óvíst að aðilar frá þessu verkstæði lesi nokkurntíman það sem hér kemur fram og geta því ekki komið sinni hlið á framfæri. Þannig getur skapast hér aðstaða þar sem fyrirtæki eru sköðuð verulega.
Slíkt hefur gerst hér nokkrum sinnum og því er mun betra ef menn beina reiði sinni beint á viðkomandi fyrirtæki frekar en á opinberum vetvangi. Ef hins vegar menn verða fyrir því að fyrirtæki virða ekki gerða samninga um afslætti til félagsmanna þá er réttast að senda upplýsingar um slíkt á stjorn@f4x4.is
Kveðja
Benni
You must be logged in to reply to this topic.