This topic contains 2 replies, has 1 voice, and was last updated by 
-
Topic
-
Jæja. Mig langar að athuga hvort þetta klingir einhverjum bjöllum hjá mönnum hér, er því miður sjálfur hálf þroskaskertur þegar þegar kemur að vélum. Málið er að ég fór með bílinn (’98 Pajero 2.5 diesel) í mengunarmælingu hjá Aðalskoðun í Hafnarfirði. Mengunarmælingin var vegna verkefnis sem vinur minn stendur í og kemur málinu í sjálfu sér lítið við. Í mælingunni þandi maðurinn sem framkvæmdi hana bílinn og lét hann standa í hvínandi botni í nokkurn tíma, ýtti á olíugjöfina með hendinni og virtist ekki skoða snúningsmælinn neitt sérstaklega. Allt í góðu svo sem með það nema bíllinn kom ekki vel út úr mælingunni (ég var ekki búinn að þenja hann neitt áður eða á leiðinni).
Svo er ég á leiðinni heim gef bílnum ákveðið inn (í gír) og í 2500 snúningum kemur nokkuð hátt hljóð sem svo dettur út aftur þegar ég fer niður fyrir 2500 snúninga. Hljóðið er líklega einhverskonar blásturshljóð, frekar há tíðnði, hélt fyst að þetta leiddi út í útvarpið. Ég stöðvaði svo bílinn og hljóðið heyrist ekki þegar ég þen bíllinn í hlutlausum, aðeins þegar það er áreynsla á mótorinn.
Veit einhver hvað þetta getur verið? Er túrbínan farin? Eða er þetta einhver slanga/leiðsla sem er farin í sundur? Ég get keyrt bílinn eins og áður og ef ég held mér undir 2500 snúningum myndi ég ekki vita af þessu.
Kveðja, Hrannar
-
Replies
-
Hljóð sem passar við lýsinguna kom eitt sinn í gamla Pajeroinn minn. Ég tel að það hafi komið vegna þess að pakkning milli pústgreinar og túrbínu gaf sig.
Þetta er stálpakkning sem getur farið að sveiflast líkt og ýlustrá gerir ef það byrjar að blása meðfram henni.
Ég gerði svo sem ekki mikið í málinu, hélt áfram að keyra og smám saman hætti ég að taka eftir hljóðinu. Vafalaust hefur lekinn smám saman aukist, enda sáust sóttaumar við flangsinn þegar vel var gáð og loftsían sem dregur inn loft þarna nálægt var fljót að svertast.Þótt ég hafi látið þetta danka í gamla skrjóðnum mínum þá mæli ég ekki með því að aðrir geri það líka því að óhljóð í vélarsalnum eru oftast aðvörun um að eitthvað þurfi að laga.
Ágúst
Ég hef aðeins verið að grenslast fyrir um þetta í dag. Get ekki séð olíusmit neinstaðar í nágrenni við túrbínuna eða slöngurnar úr henni. Líklega hefur gefið sig ventill sem hleypir af ef þrýstingur verður of hár frá pústreininni eða pakkning eins og Ágúst nefndi. Þarf að skoða hvort hann sótar þegar þetta kemur. Kíki betur á þetta í kvöld.
You must be logged in to reply to this topic.