This topic contains 19 replies, has 1 voice, and was last updated by 
-
Topic
-
Sælir félagar,
Er með smá vandamál með kúplingu í hilux. Sem lýsir sér þannig að í neðstu stöðu kúplast ekki nægjanlega sundur til að gírskipting sé auðveld. Samt nægjanlega til að bíllinn stöðvist.
Er búinn að keyra bílinn svona í 6 vikur, og það er alveg hægt ef maður er mjúkur á gírstönginni og lætur hann líða í gírinn, samt hvimleitt í innanbæjarakstri.Þetta er ’91 hilux extracab, var með 2.4 dísel en er núna kominn með 2.4 TD úr ’99 hilux, og í leiðinni var sett ný, stærri kúpling ( minnir mig 9 1/2 tommu) í staðinn fyrir orginal
v. Bragi
-
Replies
-
ég myndi byrja á að athuga hvort það sé nægur vökvi á vökvaglasinu fyrir kúplinguna…..
ef svo er þá myndi ég næst reyna að tappa lofti af kúplingsþrælnum sem er niðri við gírkassa.
Ég lenti í þessu á Hilux 2.4D. Hann var alltaf leiðinlegur í fyrsta en svo var hann ágætur í aðra gíra. En eftir að ég var búinn að hjakkast í skafli og keyra upp bratta brekku þá vildi hann ekki í fyrsta nema ég dræpi á mótornum og setti hann svo í gír, svo gat ég kúplað og startað en hann snuðaði allann tímann þó það væri kúplað.
Þá var fjöðrin í kúplingunni orðin slök og hún var líka slitin þar sem kúplingslegan þrýsti á hana. Hún kúplaði rétt svo nógu mikið til að snuða í kyrrstöðu.
hef séð í hilux að það hefur brotnað kúlan sem kúplingsgaffallinn situr á…. ef að lofttæming virkar ekki þá væri spurning að athuga það
Eins hefur líka blætt meðfram stimplinum í kúplingdæluni þegar þetta er orðið svona gamalt. Þá fær maður ekki fullan þrýsting á þrælinn og svo minkar hann róóóóleega þar til að bíllinn skríður af stað.
Mér var bent á, í SMS-i að það gæti verið að miðjulegan í svinghjólinu, sem heldur við gírkassaöxulinn gæti verið stíf.
Þetta þykir mér rosalega líklega skýring á því sem er að gerast hjá mér. Kúplingsþrællinn er alveg þéttur og nóg á kerfinu, og kúplingin rífur vel síðustu 3-4cm af færslunni sem pedallinn fer.
Þá er bara þetta örlitla átak sem fer í gegnum leguna vegna stífleika sem snýr gírkassanum alltaf eitthvað- sem veldur erfiðum gírskiptingum.
En takk fyrir svörinkv. Bragi
skiftir þú um gírkassann líka
Anonymous- Umræður: 0
- Svör: 16404
Kannski sé ég þetta ekki rétt fyrir mér, en ég bara get ekki skilið að stíf kúplingslega geti fært snúningsvægi úr vél aftur í gírkassaöxul.
Kúplingslegan ýtir á þann hluta kúplingar-samsetningarinnar sem fylgir vélinni í snúningi annars vegar, og svo stútnum/kúplingsgafflinum hins vegar. Snertir semsagt ekki gírkassaöxulinn eða neitt sem tengist honum beint.
Kannski er diskurinn orðinn eitthvað undarlegur og dregst alltaf með sama hvað mikið er kúplað…?
kkv
Grímur
Hann er ekki að tala um kúplingsleguna, hann er að tala um litlu leguna ínní svinghjólinu, þ.e. leguna sem styður við litla tittinn á endanum á öxlinum þegar það er frákúplað
sæll ég myndi ath jarn brakketið sem heldur petölunum undir mælaborðinu,
það er þekkt vandamal i hilux að þetta jarn brakket mykist og bogni med timanum serstaklega ef það hafa verið settar heavy duty kúpplingar i bilinn,
lausnin er annaðhvort að taka það úr og sjóða það upp, styrkja það a burðarpunktum eða fá heilt úr öðrum bíl
fór einu sinni i kúpplingsskipti til að komast i jeppaferð daginn eftir, svo þegar við felagarnir vorum bunir þá kúpplaði druslan alveg jafn illa og þá kom þetta í ljós….. + brotin hliðarrúða eftir að ég skellti hurðinni mjög sáttur eða hitt þó
kiktu allavega á brakketið
[quote="Siggim":35vqcd3a]skiftir þú um gírkassann líka[/quote:35vqcd3a]
Nei þetta er orginal kassi
Mögulega gæti diskurinn verið stífur á öxlinum. Það er vegna þess að rillurnar eru fullar af sóti og skít.
Þetta er eitt af því sem maður þarf að passa að gera við kúplinsskipti, þrífa öxulinn.Kv. Steinmar
vá þrællinn er of stuttur endinn orðinn slitinn bæði á þræl og gaflinum í kassanum
fáðu þér patrol
Anonymous- Umræður: 0
- Svör: 16404
Auðvitað, litla legukvikindið gæti alveg verið að stríða, ég var alveg búinn að gleyma því.
Sumir sleppa líka að skipta um hana við kúplingsskipti, sem er algert fúsk.Minnir mig á bílskúrsráð sem ég heyrði til þess að losa þessa legu úr sætinu:
Fylla holrýmið bakvið leguna og gatið í henni með þykkri koppafeiti.
Tálga spýtustubb(t.d. úr brotnu kústskafti) niður í rétt ríflega innanmál legunnar.
Slá spýtutappann rösklega í gatið með slaghamri, þá á legan að "tjakkast" út með það sama!Magnað finnst mér að ná að skella Hilux-hurð nógu fast til að sprengja rúðuna !!!!, en mikið skil ég það vel…
kkv
Grímur
[quote="grimur":nayx6gxr]Auðvitað, litla legukvikindið gæti alveg verið að stríða, ég var alveg búinn að gleyma því.
Sumir sleppa líka að skipta um hana við kúplingsskipti, sem er algert fúsk.Minnir mig á bílskúrsráð sem ég heyrði til þess að losa þessa legu úr sætinu:
Fylla holrýmið bakvið leguna og gatið í henni með þykkri koppafeiti.
Tálga spýtustubb(t.d. úr brotnu kústskafti) niður í rétt ríflega innanmál legunnar.
Slá spýtutappann rösklega í gatið með slaghamri, þá á legan að "tjakkast" út með það sama!Magnað finnst mér að ná að skella Hilux-hurð nógu fast til að sprengja rúðuna !!!!, en mikið skil ég það vel…
kkv
Grímur[/quote:nayx6gxr]
Ég skipti um þessa legu, notaði einmitt þessa fínu aðferð með koppafeitina til að ná gömlu úr (reyndar best að nota stálöxul með innanmáli legunnar). Mér finnst líklegast að mér hafi tekist að skemma nýju leguna þegar ég barði hana í sætið aftur.
Kíki á þetta næst þegar gírkassinn verður tekinn frá, þarf hvort sem er að skipta um sveifaráspakkdós aftan á vélinni í leiðinni.
Ein spurning í viðbót, Kom þetta vandamál upp strax eftir að nýja og stærri kúplingin fór í?
Ef svo er þá ættir þú að mæla diskinn, þ.e. þykktina á honum. Ef hann er þykkari en sá gamli þá slítur kúplingin ekki / illa.
Kveðja
Hjalti
[quote="grimur":23nc0lpn]Sumir sleppa líka að skipta um hana við kúplingsskipti, sem er algert fúsk.[/quote:23nc0lpn]
Það veldur því líka með tímanum að fremsta burðarlegan í kassanum fer að syngja, þeir sem hafa átt nokkra gamla hiluxa þekkja þennan söng vel.
Kúplingsgaffallinn á það stundum til að bogna líka og lýsir sér eins og kúplingsþrællinn sé of stuttur eða slítur alveg í gólfinu eða mjög illa
eru kúplingshúsin jafn djúp á 91 og 99 ????’
Sko.
Þetta vandamál byrjar eftir að ég setti stærri kúplinguna í.
Kúplingin sjálf er að rjúfa alveg. Það er samt eitthvað smá átak sem fer alltaf í gegn og mér finnst líklegast að miðjulegan í svinghjólinu sé eitthvað stýf og gefi alltaf eitthvað smá átak yfir í gírkassan. – Sem gerir gírkskiptingar erfiðari.
Annars er ég búinn að keyra bílinn yfir 2000 km svona og þetta venst. En ætla að laga þetta við tækifæri.
You must be logged in to reply to this topic.