This topic contains 20 replies, has 1 voice, and was last updated by 
-
Topic
-
ég er frekar spenntur fyrir að fá mér lolo í pajeróin hjá mér hvar fæ ég svona og hvað kostar þetta alltasaman hver setur þetta í fyrir mann ég þarf að vita allt
-
Replies
-
er ekki einhver sem hefur eitthvað vit á þessu SOS
Þótt ég hafi svosem harla lítið vit á lóló þá veit ég svo mikið um pajero að ég tel afar ólíklegt að þetta sé til og mjög erfitt, ef ekki nánast ómögulegt, að smíða. Pajero hefur nefnilega þá náttúru að millikassinn og gírkassinn eru sambyggðir, amk í beinskiptum bíl, þannig að útilokað er að setja auka milligír á milli kassanna. Það mætti auðvitað hugsa sér að setja annan millikassa aftan við þann upprunalega og skera framdrifshlutann af honum og sjóða eitthvað fyrir opið sem myndaðist til að lengra framskaft kæmist að aukakassanum. En það er smíði sem ég hef aldrei heyrt um. Sennilega er raunhæfasti möguleikinn fyrir þig að lækka lágadrifið og hér kom á dögunum upp vefsíða hverrar eigendur bjóða lægri hlutföll í pajero.
http://www.4x4tank.de/Frameset1.htm
En viti einhver betur geri ég ráð fyrir að sá hinn sami ausi af viskubrunni sínum.
hryngdu í breyti þeir vita allt um þetta þeir eru að láta smíða þá fyrir sig.
Ég held að hér hafi Þorvaldur ruglast á Isuzu og MMC. Þeir Isuzu bílar sem ég þekki eru með millikassa og gírkassa sambyggða, en MMC eru með þá aðskilda. Ég hef grun um að fram til 1991 þá hafi sömu millikassar verið notaðir í L200, (pallbíla) L300, (sendibíla) og Pajero. Það hafa verið settir milligírar í nokkra Pajero bíla, m.a. þann sem Hveravallaskreppur spilaði upp á Eiríksjökul vorið 1994. Ég veit af einum nýjum Pajero sem átti að fá milligir í þessum mánuði.
-Einar
Það gleður mitt gamla hjarta að sjá að allt í einu lifnuðu menn við og svöruðu. En að ég hafi ruglast á MMC og ísúsu er ekki rétt. Að sönnu reif ég kassann undan mínum L200 bíl oftar en einu sinni og það kom allt í einu stykki og boltað mjög kirfilega saman. En ef nú er unnt að taka millikassann frá gleðst ég fyrir hönd þeirra sem nú eiga þess kost sem ég átti ekki.
Og sagði ekki Ari sálugi: En hvatki er missagt er í fræðum þessum þá er skylt að hafa það heldur er sannara reynist. ?
Þetta er bull að ekki sé hægt að setja milligír í Pajero. Það er tölverður fjöldi af þessum jeppum komnir með milligír, bæði eldri týpum og nýrri. Best er að tala við Jeppaþjónustuna Breytir, þeir leysa málið.
kv. vals.
Sælir félagar.
Jú, Stál og stanzar smíðuðu lóggírinn í bílinn sem fór á Eiríksjökul. Ægir smíðaði í minn gamla 44 tommu bílinn (sem Jóhann á núna) og svo var Kári búinn að smíða í nokkra bíla (Bjössa bíl, Jóa bíl og fl) og ég held að Breytir sé með nokkra gíra í smíðun úti í bæ þessa dagana.
kv
Palli
Ég á gír- og millikassa úr ´85 – 91 Pæju og eru þeir í sitt hvoru lagi. Þetta er sami búnaður og er í L200 bílnum upp að ´96 en það hef ég eftir Hlöðveri í Japönskum vélum.
Er til sölu ef einhver vill
Bkv. Magnús G.
veistu hvort hann passar í´97 langa pæju(2,8dti) ef svo er væri gaman að vita verðið á þessu hjá þér.
Áður en fleiri halda því fram að ég sé bullari, sem mér sárnar svona frekar, þá ætla ég að biðja þá að líta á þessa vefsíðu sem ég gróf upp. Þar sést glögglega gír- og millikassi úr pajero, bæði 2,6 l og 3 l. Á myndunum sést sömuleiðis glögglega að kassinn og millikassinn eru sambyggðir að því leyti að gírstangarhlutinn af gírkassanum er fastur á og steyptur með millikassanum og þeir verða ekki öðruvísi aðskildir en með slípirokk eða sleggju. Og nákvæmlega eins og 2,6 l kassinn var kassinn í mínum gamla L200 sem smíðaður var 1994. Það veit ég vegna þess að við mágur minn roguðum honum með allskyns tilfæringum bæði frá og að vélinni oftar en einu sinni. Hafi þessu sýstemi verið breytt síðar er það gleðilegt en lógír við þennan gírkassa fylgja verulegar breytingar, það er ljóst.
http://www.pajero4x4.ru/Manual/manual-trany.pdf
er úr bíl sem var með 4 cyl. 2.6 ltr bensínvél og ég efast um að hann passi. Veit ekki um millikassann.
Kv. Magnús G.
Á síðu 21-14 í skjalinu sem Þorvaldur bendir á, þá er sýnt hvernig millikassinn er losaður frá gírkassanum. Í fljótu bragði sýnist mér að það þurfi að losa stangirnar úr millikassanum til þess að hægt sé að skilja kassana í sundur.
-Einar
Setti 3 myndir á myndasíðu. Þetta er til sölu.
Mér sýnist þurfa að taka skiptistangir í burtu til að taka millikassann frá gírnum. Annars eru mér fróðari menn búnir að svara upphaflegu spurningunni með milligírinn í þessa eðalvagna.Kv. Magnús G.
Mér þykir leitt ef þú tekur það þannig að ég hafi verið að kalla þig bullara Þorvaldur, það var ekki meiningin heldur tók ég bara svona til orða. En eftir að hafa séð kassann sem þú verst að ræða um þá erum við að bulla um gjör ólíka kassa. Þeir sem ég þekki er settir saman á flangs og ekkert tiltökumál að skeyta milligír á milli.
kv. vals.
Sælir, var að skipta um millikassa í L 200 bílnum mínum í fyrra.
Losaði hann bara frá og setti annan við. Bíllinn minn er árgerð 98´99
kv
Hjalti
Ég vill ekki vera að breyta um umræðuefni en langaði að athuga fyrst að Einar minntist á "Hveravallaskreppur spilaði upp á Eiríksjökul vorið 1994" hvort að það væri til ferðasaga einhver staðar á riti á vefnum og hugsanlega myndir frá þessari ferð?
Hæ.
Nei, það er ekki enn búið að setja þetta á blað, ekki enn. En það stendur til.
P
Mig minnir að ég hafi lesið einhverja grein um þessa ferð. Man ekki hvort það var í Mogganum eða öðru blaði.
Hlynur
þetta er farið að verða frekar spennandi þráður
hvernig ganga breitingarnar hjá þér þorvaldur?
Að losa millikassann frá.
Boltarnir sem halda kössunum saman eru losaðir og svo þarf að slá reksplitti úr stöngunum sem ganga aftur í millikassann og þá er Björninn unninn.
Annars er fræðilega mögulegt að setja saman tvo svona millikassa með því að taka keðjuna fyrir framdrifið af fremri kassanum og öxulinn þar úr smíða millistykki sem tengir tvo millikassa saman, stytta öxulinn sem gengur fram úr seinni millikassanum og lengja öxulinn úr aftari kassanum fyrir framdrifið þannig að hann komi í gengnum legusætið fyrir framdrifsöxulinn á fremri kassanum.Eða þannig.
You must be logged in to reply to this topic.