Skráning í Stikuferð

Árni baukur Bergs. stefnir í stikuferð. Verður reyndar að vera 12 v í þetta sinn.
Þar sem MHM var fyrir löngu búinn að ákveða að ég kæmi,gæti verið um tvískráningu að ræða.

En er það ekki samt svo Maggi að ef einhverjir sjá sér allt í einu fært að koma og taka þátt í þessu skemmtilega verkefni þá megi þeir koma en þeir verða að koma með sinn mat sjálfir því að ekki er gert ráð fyrir þeim í matarinnkaupunum.

Eða má bara enginn bætast í hópinn frá og með staðartíma 13:03?

Hluti af hópnum lagði af stað úr bænum rétt um 17 leytið í kvöld og þá ekki nema um klst. á eftir áætluðum brottfaratíma… nei þetta var ekki seinagengið.
Þeir komu þó ekki að kofanum tómum í Setrinu því Logi Már formaður skálanefndar og hans fylgdarlið voru búnir að koma sér fyrir og gera allt nema kynda skálann því ekki vildi þessi stórfenglega og dýrindis rafstöð fara í gang. Enda frekar kalt í veðri eitthvað í kringum 2-3 gráður, 11-18m á sekúndu eða þaðan af skemmtilegra og snjókoma undir Loðmundi og ekki skemmtilegt fyrir ljósavél að fara að vinna undir þessum starfsskilyrðum.
Þannig að hópurinn hýrðist með sultardropa í þessu háfjallahóteli ásamt öllum þeim kostnaði sem fylgir að reka svona skála. Er ekki laust við að manni gruni formann skálanefndar um kreppugræsku enda dýrt að kynda skálan svona heila helgi sér í lagi þegar ekki er um nein utanaðkomandi skálagjöld að ræða upp í kostnaðinn þar sem þetta er þrælavinnuferð á vegum Klúbbsins og Umhverfisnefndar.
Ég hins vegar kom mér hjá því að fara með því einu að asnast til að kíkja undir bílinn minn á leiðinni út úr bænum en hann var búinn að vera frekar laus í rásinni undanfarið en tók stökkbreytingum í fyrradag. Og eftir vísindalega rannsóknarvinnu þar sem heimilda var leitað var niðurstaðan sú að báðar spindilkúlurnar voru farnar…og það illa farnar að ljóskan ég gerði mig seka um ljóskubrot og huXaði… að réttast að skipta um þær fyrir ferðina.

Þetta gæti nú ekki verið stórmál fyrst að karlkynið getur gert þetta og þetta eru nú ekki nema 4 boltar og ein ró… hvoru megin, engin geimvísindi. Eftir meira en klukkutíma leit í skúrnum að föstum 14 mm lykli (var til hellingur af 13 og 15) til að komast að tveimur af boltunum (kom skrallinu ekki að) til að losa þá komst ég að því að með því að snúa stýrinu fram og til baka þá var þetta fína aðgengi að þeim að ferlinefnd fatlaðra hefði veitt viðurkenningu fyrir gott aðgengi. Síðan vantaði að losa spindilinn upp úr gatinu og eftir mörg mismunandi feimnisleg bönk með 1-2 slaghömrum, spenning með stóru og litlu kúbeini þá var hann laus, átti bara eftir að lyfta honum upp úr. En bíllinn er jafn samanherptur og eigandinn þannig að það þurfti að beita lagni og hringdi ég því í Baukinn og MHN og bað þá að renna við á leiðinni í Kerlingafjöll þ.e.a.s. ef þeir ætluðu Lyngdalsheiðina (ekki orð Hlynur) til að fá consult.
Þar með náði ég að tefja þá um meira en klukkutíma á meðan við reyndum að koma spindlinum aftur í gatið …og þá hafðist það.
Og síðast þegar ég vissi þá voru þeir ekki enn komnir í Setrið.

Það sem þessi saga kennir okkur… smá ljósku tips.
Auðvitað átti ég að leggja bara af stað og vera með varaspindilkúlurnar með mér. Svo ef þær hefðu farið þá hefði ég sett upp hissaljóskusvipinn… rindilkúlur hvað … er það eitthvað svona og sýnt varahlutina í plastinu… og þá hefði verið skipt um þær á no time á staðnum. Ef þær hefðu lafað í bæinn aftur þá hefði ég getað skipt um þær eftir helgi.

Í staðinn þarf ég að sitja heima og reyna að ganga á birgðirnar …af nestinu… sem ég hefði auðvitað átt að senda bara með Bauknum og MHN í Setrið.
Eins og sjá má þá hef ég fengið fullt hús stiga á ljóskuprófinu… þar sem ég huxaði bara ekki neitt… eða á röngum tíma.

Hvað gerist á morgun veit ég ekki en maður veltir fyrir sér hvort maður eigi renna upp eftir á morgun og þá komin með tvo nýja spindla í til að sýna þeim.
Verða slóðarnir stikaðir eftir gps punktum því ef fer sem horfir þá verður hvít jörð á morgun. Eða það sem væri enn meira spennandi skyldi jörðin vera frosin… meira krefjandi við stikunina.
Maður spyr sig…