This topic contains 49 replies, has 1 voice, and was last updated by 
-
Topic
-
Eins og sést á aðalsíðu og flestir ættu að vita núna, fer að líða að þessarri ferð.
Skráning hér er nauðsynleg vegna matarinnkaupa.
1. Magnús + 1 + 3 börn
2. Kalli, Kata og 1 barn3. Dagur Bragason
4. Vilhjálmur Freyr Jónsson + 1
5. Logi Már Einarsson
6. Árna Bergsson 2 fullornir og barn.
7. Haraldur Þór Vilhjálmsson + 1 maki
8. Gundur
9. Slóða Kobbi
10. Stefán Hólm
11. Guðni Jón
12. Bjarki Ágúst
13. Hlynur Óskar
14. Þorsteinn Vígl + 1 barn
-
Replies
-
Vonandi fer ég ekki einn
Kv. MG
að þú Magnús, 3 börn og verkstjóri farið og reddið þessu.Þið eruð nú ansi mögnuð öll saman.
Hvort eð er bara eintómir sandar þarna og fljótlegt að sá fyrir sandrósum.
Þetta vex hratt og vel svipað og frostrósir !
En ef það hentar þá stendur til að fara með nokkur fræ í sumar einsog undanfarin ár.
Gætum slegið þessu saman,ertu búin að panta veður fyrir þessu helgi ?
Þú ert jú á sér samningi með þín háleitu skilaboð.fræstrumpurinn+ein+hálf.
að fræstrumpur, spússa hans og besti helmingurinn verði á svæðinu. Þetta er nefnilega þrennig sem hefur reynslu á grænum fingrum, moldarbrúnum hnjám og skemmtilegum starfsanda
Ég ætla að senda háleita skeytið í kvöld með ósk um glæsilegt veður.
En ætíð skal greiða gjalda, og vænti ég þess að þú reddir baukunum með söngvatninu.Kv. MG
Við mætum 2 fullornir + 1 barn.
mkv. Kalli og co
k
A
k
A
Maggi og þið í umhverfisnefndinni
Menn eru ekki að átta sig á hversu umhverfisvænir þið í nefndinni eru og hvernig eigi að túlka [url=http://www.f4x4.is/new/news/default.aspx?file=530:11s7hr6t][b:11s7hr6t]góða aðstaða[/b:11s7hr6t][/url:11s7hr6t] að öllu leyti. Er jafnvel verið að velta fyrir sér fjöldaflutning á ferðaklósettum svo eitthvað sé nefnt, átti bara eftir að ákveða hver ætti að sjá um flutninginn. Mér sýnist það þó bera vott um að áhugi fyrir ferðinni er til staðar og menn láti ekki smáatriði stoppa sig.kv. Stef
Landgræðsluferðirnar hafa verið með fjölmennustu og skemmtilegustu atburðum klúbbsins og vonum við að svo verði einnig nú. Við erum að byrja á nýju verkefni í samstarfi við skógrækt ríkisins og því er þetta spennandi. Eins og getur um í tilkynningu frá umhverfisnefnd getum við að öllum líkindum búið okkur til framtíðarlund þarna á þessum skemmtilega stað.
Hér eru upplýsingar um svæðið og aðbúnað sem við komum til með að nýta okkur.
Þjórsárdalsskógur
ÞjórsárdalurÍ Þjórsárdal teygir skógur sig langt upp í hlíðar, landslag er fagurt, fjölbreytt og sannkallaður ævintýrabragur er á því. Hér eru fjölmargir merktir og ómerktir stígar og slóðar til umferðar fyrir ferðalanga og göngugarpa, ár til að sulla í og hraun til að skoða. Á svæðinu eru stígar sem henta hjólastólaumferð, góð tjaldstæði og sundlaug.
Talið er að stórskógur hafi verið í Þjórsárdal við landnám, en að hann hafi verið eyddur þar sem byggð var þéttust eftir Heklugos 1104. Mikill hluti skógarins lifði gosið af og höfðu flestir bæjir Árnessýslu og jafnvel víðar skógartekju um árhundruði í Þjórsárdal. Mestir birkiskógar voru eftir í Skriðufelli og Ásólfsstöðum; oftast kallaður Þjórsárdalsskógur.
Hvönn í ÞjórsárdalSkógrækt ríkisins vinnur nú að því að auka útbreiðslu skógarins, einkum út á vikurauðnina í botni Þjórsárdals. Er það starf hluti af Hekluskógaverkefninu svokallaða. Þjórsárdalur, austasti dalur Árnessýslu. Eftir honum renna Sandá og Fossá en Þjórsá fellur upp í dalsmynnið. Dalurinn er að mestu þakinn hrauni og vikri. Talið er að byggð hans hafi að mestu eyðst í Heklugosi 1104. Fundist hafa minjar um 20 eyðibæi. Einu býlin í Þjórsárdal í dag eru Ásólfsstaðir, Hagi og Skriðufell.
Frétt hef ég af því að Suðurlandsdeild ætli að vera á svipuðum slóðum þessa helgi.
Skráningar er krafist vegna matarinnkaupa.
f.h. Umhverfisnefndar
Magnús G.
Ég hefði nú áhuga á að koma en er ekki hægt að setja inn td kort eða loftmynd af svæðinu svo að maðu átti sig á hvar á svæðinu þetta er
kv Gísli
Sæll Gísli ! Ég skal reyna að setja inn mynd á eftir. Ef þú opnar Mapsource og súmmar inn á Búrfell þá sérðu á vinstri hönd Núpsskógur, Þórðarhorn, Fangabrekka, Sandártunga. Við verðum í hólunum sem eru til vinstri við Núpsskóg en gistum á tjaldsvæði skógræktarinnar í Sandártungu. Þetta er tungan sem fer út í Þjórsá móti Lambhaga.
Bkv. Magnús
k
A
Hér kemur vonandi kort af staðsetningu tilvonandi landgræðsluferðar. við gistum á tjaldstæðinu á Sandártungu sem eru framarlega í Þjórsárdalnum og vinnan fer fram hinu megin við þjóðveg 32 sjá kort.
Kv Magnús
er ekki að birtast þrátt fyrir ítrekaðar tilraunir. Óska eftir að einhverjum sem kann þetta og getur reddað þessu.
Kv. Magnús G.
Ps. frekar pirraður, Er búið að breyta eða einhvernveginn hætta að taka á móti myndum út af nýja vefnum?
Ekki hafa allir gist í þjórsárdal og er undirritaður einn af þeim.
Staðurinn hefur sögu eins og flestir staðir hér á Fróni og ein af þeim er hér:"Í suðurenda Búrfells austan við Þjórsárdal er gil stórt eða gróf sem oftast er kölluð Stórkonugróf. Það er sagt að í fornöld hafi þar búið skessa, en engar greinilegar sagnir eru um hana og ekki er þess getið að hún hafi gjört illt af sér.
Systir hennar bjó fyrir austan Þjórsá, ekki er getið hvar helst, en þó nálægt á móts við Búrfell, því sagt er að menn hafi stundum heyrt þær systur kallast á.Sú er til að mynda ein sögn þar um að Gissur bóndi frá Lækjarbotnum á Landi fór í skóg upp að Þjórsá nálægt Búrfelli. Hann heyrði að kallað var fyrir austan ána: "Ljáðu mér ketil, systir, að sjóða í mann."
Þá er sagt í Búrfelli: "Hvur er hann?"
Því var svarað fyrir austan: "Gissur á Botnum, Gissur á Lækjarbotnum."
Þá er sagt að hún mætti sækja ketilinn.
Gissur tekur tvo sína bestu hesta, rekur annan, en ríður hinum og heldur suður á Land og fer svo hart sem hestarnir geta farið. Þegar hann var búinn að ríða nokkra stund féll hestur hans niður undir honum af þreytu og mæði, og tekur hann þá hinn hestinn og í því sér hann hvar skessa kemur á eftir honum og stiklar stórum. Hann keyrir þá hestinn og ríður í fleng þar til hann kom að Skarði á Landi.
Þótti það furða hvað fljótur hann hafði verið svo langa leið, en þó hafði skessan dregið hann svo uppi að þegar hann kom á Skarðshlað var hún við túnjaðar þar. Gissur hljóp þá í kirkju og hringdi, en þegar skessan heyrði klukknahljóðið snéri hún aftur, en sumir segja hún hafi sokkið í jörð. Svo lýkur þessari sögn og fleiri eru naumast til um þessar flagðkonur.
Nú er það ætlan vitra manna að aldrei hafi tröllkona búið í Þjórsárdal eða Búrfelli, önnur en Þuríður sem Steinólfur í Þjórsárdal átti og Þjórsdælir vildu grýta í hel fyrir "fjölkynngi og tröllskap", og hafi þær sagnir myndast út af henni sem til kunna hafa verið um skessuna í Stórkonugróf.
Sem betur fer ættum við að vera óhult fyrir fyrir þessum skessum, en betra er að hafa varann á.
Hekluskógaverkefnið er mjög metnaðarfullt verkefni og eru ýtarlegar upplýsingar um það
[url=http://hekluskogar.is/Skjol/hekluskog12okt.pdf:2vmu68mk][b:2vmu68mk]hér[/b:2vmu68mk][/url:2vmu68mk] .Í Landnámu er Þjórsárdals getið:
"Þorbjörn laxakarl nam Þjórsárdal allan og Gnúpverjahrepp allan ofan Kálfár og bjó enn fyrsta vetur at Miðhúsum. Hann hafði þrjár vetursetur, áðr hann kom í Haga, þar bjó hann til dauðadags. Hans synir váru þeir Otkell í Þjórsárdal ok Þorkell trandill, faðir Gauks í Stöng, ok Þorgils, faðir Otkötlu, móðurÞorkötlu, móður Þorvalds, föður Döllu, móður Gizurar biskups".
Í þjórsárdal er einnig vinsælt útivistarsvæði sem er vel gróið og gefur jafnvel Þórsmörk lítið eftir.
Hinir landsfrægu [url=http://www.mountainfriends.com/html/karal02_a.html:2vmu68mk][b:2vmu68mk]Kárar[/b:2vmu68mk][/url:2vmu68mk] hafa notað staðinn fyrir hina árvissu útileika.kveðja Dagur
Hér er [url=http://www.vegagerdin.is/vefur2.nsf/Files/Sudurland_1813_3/$file/1813_3.pdf:zevtphk6][b:zevtphk6]kort[/b:zevtphk6][/url:zevtphk6] af Þjórsárdal.
Keyrt er að tjaldsvæðinu rétt áður en komið er að brúnni yfir sandá (merkt með X Sandá einbreið).
Landgræðslusvæðið okkar er sunnan við rafmagnslínurnar norðan Þjórsár.
Kveðja Dagur
Góður punktur hjá Degi að vera með sögur svæðisins á hreinu, því þarna verður væntanlega um ókomna framtíð vettvangur fyrir uppgræðsluátak klúbbsins og hvur veit nema maður eigi eftir að halda upp á áttræðisafmæli þarna í fögrum lundi í Ferðaklúbbsskógi.
Samkvæmt þeirri útgáfu af sögunni sem ég ólst upp við bjó önnur skessan í Búrfelli en hin í Bjólfelli sem er áberandi fjall skammt suðvestan Heklu og bærinn Haukadalur stendur undir. Þær höfðu komið nokkrum klöppum fyrir í Þjórsá til að geta stiklað yfir ánna í heimsóknum sín á milli. Þar heitir Tröllkonuhlaup og er þar foss í ánni (yfirleitt heldur vatnslítill eftir tilkomu Búrfellsvirkjunar og því auðveldara fyrir skessurnar að stikla yfir). Neðar og skammt frá uppgræðslusvæðinu er svo Þjófafoss, en þar ku þjófum hafa verið drekkt. Held þó að sá siður sé aflagður … að mestu.
Kv – Skúli
Við mætum 2 fullorðnir og kannski eitt barn
Kveðja Halli Þór
Sælir félagar
Við mætum:
Gundur
Slóða Kobbi
Stefán Hólm
Guðni Jón
Bjarki Ágúst
Hlynur Óskar
Jæja þá er kort af landgræðslusvæðinu og gististaðnum kominn á myndasíðurnar. Vinsamlegast farið í myndasafnið og skoðið staðsetninguna. Sniðugt væri að prenta hana út.
En við komum til með að gróðursetja trjáplöntur, sá og dreifa áburði. Hér koma nokkur atriði sem vert er að huga að.
Hafa meðferðis Flugnanet eða aðrar varnir gegn mýbiti. Mér var tjáð að Avon-olía (snyrtivörur) væri mjög góð til þess brúks. Sel það ekki dýrara en ég keypti það.
Hafa meðferðis vind- og/eða vatnsheldann fatnað, gætum lent í sandstormi. Það hefur ekki rignt þarna í nokkurn tíma og því jarðvegur laus í sér.
Hafa meðferðis eitthvað af gróðursetningaráhöldum t.d. litlar skóflur og kannski hrífu. Annarrs ætlar skógræktin að reyna að skaffa okkur áhöld eftir getu.Suðurlandsdeild verður líklega á tjaldsvæðinu með okkur en annarsstaðar að græða upp.
Kv. MG
k
A
You must be logged in to reply to this topic.