Skráning á Stefnumótunarfund 4×4 7 júní 08

…

k
A

k
A

Vegna ónægrar þátttöku ákvað stjórn að stefnumótunarfundurinn yrði haldinn í húsakynnum klúbbsins að Eirhöfða 11. Fundurinn hefst kl. 10:30, boðið verður upp á léttan hádegismat og kaffi.

Verið er að vinna í dagskrá fundarins og verður hún kynnt síðar.

Ráðgert er að eftir fund verði slegið upp léttri veislu (bjórkvöldi), þar sem slegið verður á létta strengi og málefnin rædd frá öðru sjónarhorni.

Þar sem huga þarf að ýmsum skipulagsatriðum s.s. innkaupum á veitingum og öðru viðlíka er þess óskað, að þeir sem áhuga hafa á að taka þátt í stefnumótun félagsins sendi póst á f4x4@f4x4.is sem allra fyrst.

k
A

k
A

Hvar verður klúbburinn eftir 10 ár?

Ég sé fyrir mér að það verði tvennt í stöðunni.

1. Fólk horfir yfir farinn veg sl. 10 ár (2008-2018) og talar um þá baráttu sem að menn og deildir ferðaklúbbsins stóðu í saman sem ein heild við að verja ferðafrelsi sitt til að ferðast á breyttum jeppum um hálendið hvort sem var að sumar eða vetrarlagi. Segja frá stóra Vatnajökulstúrnum sínum sem þeir voru að koma úr og minnast á hvernig það hefði verið ef að t.d. leiðinni inn að Jökulheimum hefði verið lokað eða einhliða akstursbann á Vatnajökli hefði náð fram að ganga.

2. Fólk horfi yfir farinn veg sl. 10 ár (2008-2018) og talar um gamla tíma þegar hægt var að ferðast um landið. Minnist á þessi fyrrverandi hagsmunasamtök sem að ferðaklúbburinn 4×4 var og áhugaleysi þorra félagsmanna hans fyrir baráttunni um rétt til að ferðast um landið sitt án leiðsögumanns í skipulagðri ferð.
Á sama tíma er kallað upp að nú sé að hefjast ferð með leiðsögn um Vatnajökulsþjóðgarðinn þeir sem ekki eru búnir að greiða geri það sem snöggvast 70.000kr. fyrir ½ dags leiðsögn.
Þetta er framtíðin ef að ekkert er að gert.

Er ekki bara spurningin að hætta strax að þykjast vera hagsmunaklúbbur og byrja aðlögunina í að aka eingöngu um "fjallveg 1" á breyttum jeppum? Gerir fráhvarfið auðveldara.

Annar kostur er í stöðunni og það er að sýna áhuga t.d. með því að byrja og mæta á þennan stefnumótunarfund, sýna það í verki að okkur sem fólk og hagsmunafélag er ekki sama og að við erum ein stór fylking sem að er fylgin sér. Að við höfum fullt til málanna að leggja, við erum þverskurður af þjóðfélaginu. Við verðum að berjast fyrir réttindum okkar það gerir það enginn annar… eða hvað. Eigum við að treysta á stjórnmálamennina, sveitastjórnarmennina eða okkur sjálf til að vita hvað okkur og landinu okkar er fyrir bestu?
Fólk sem að í öðru orði talar um náttúruvernd, eltir fólk í þyrlum á vegslóðum, dregur það fyrir dómstóla og svo daginn eftir á sama stað á að virkja eða búa til línuveg… fyrir álver. Hvar er náttúrverndin þá?

kv. Stefanía

k
A

Ég treysti því að stjórn hafa tekið saman miklar almennar upplýsingar um starfsemi klúbbsins, deilda hans og fjármál hans fyrir stefnumótunarfundinn.

Grundvöllur allrar stefnumótunarvinnu eru ítarlegar upplýsingar um núverandi stöðu.

k
A