Skólaverkefni

Toyota og Nissan eru hugsanlega vinsælustu merkin hér og einnig eru menn að breyta bílum frá USA, Ford, Ram ásamt fl.
Kostnaður við alvöru breyting með öllu:
Sé farið og allt gert á verkstæði þá má reikna með 2,5-6miljónum í það, geri maður þetta sjálfur má alveg reikna með 1200þ til 3 miljónum og er það þá bara hlutir eins og dekk brettakanntar, gormar demparar felgur auka milligír etc.

Þeir bæta svo við þetta félagar mínir hér á spjallinu og ég vona að þetta hjálpi þér, gangi þér vel.

Yfirleitt breyta menn jeppum til að drífa meira í snjó hér á landi. Þá eru sett stærri og belgmeiri dekk undir sem ryðja meira frá sér og fljóta því frekar ofan á snjónum frekar en að fara í gegnum hann. Það má líkja þessu við bát. Því meira sem dekkin (báturinn) ryður frá sér því meira flot. Mesta flotið næst síðan með að minnka loftþrýstinginn í dekkjunum því þá fletjast dekkin út eins og pönnukaka og flotið stóreykst. Til að koma stærri dekkjum t.d. 38" í þvermál undir þarf að hækka bílana. T.d. með að lyfta boddí frá grind og setja klossa þar á milli. Einnig með að setja klossa undir gorma eða fjaðrir til að hækka bílinn á fjöðrunarkerfi. Oft best að sameina þessar tvær hækkarnir í einum bíl. Svo þarf brettakanta til að skerma stærri hjól af. Við stærri dekk verður bíllinn hærra gíraður og tog vélar nýtist ekki eins og áður. Þá verður fyrsti gírinn jafnvel eins hár og annar gír var áður en stóru dekkin voru sett undir sem er slæmt því jeppar þurfa að vera lágt gíraðir til að hafa kraft (tog) í þungu færi. Þá eru sett svokölluð lægri hlutföll í hásingar bílsins sem eru meira niðurgíruð en þau hlutföll sem voru fyrir í hásingunni og bíllinn verður eins eða svipað hátt gíraður og fyrir breytingu. Það er hægt að skrattast út um allt þegar þessar breytingar eru komnar en það er hægt að bæta endalaust við búnað en þetta er grunnurinn.