This topic contains 14 replies, has 1 voice, and was last updated by 
-
Topic
-
AnonymousÉg var nú bara að vinna í morgun þegar síminn hringdi og vora það þeir þorrablótsmenn í Setrinu. Var þeim mikið niðri fyrir því eitthvað væri að vatnsmálum á setuni og hvort skálanefndin gæti ekki reddað því. Eftir fund í skálanefndinni var ákveðið að vísa málinu í nefnd og er nefndar úrskurðar að vænta með vorinu. Heyrði ég því fleygt að Hlynur hafi sofið á skriðgírnum í nótt, annars báru þeir sig mannalega í Setrinu og þóttust ætla að sækja Wurt menn níður að Sóleyjarhöfða. En að Wurt genginu er það að frétta að þeir voru að skríða yfir Þjórsá. Eru þeir í þvílíkri blíðu „sem betur fer“. Óku þeir fram á Runner á 3 hjólum vestan Þjórsár, og sýnir það ó neitanlega yfirburði þessara tegundar að komast þetta langt á 3 hjólum. 4 hjólið er víst á leið úr bænum. Loðmundarmenn eru víst undir Loðmundi að venju og eru á 3 kílometra hraða. En grunar mig að FASTUR sé pikk fastur. Beggi og félagar í Flugfélaginu eru í Gæsavatnsskála og sögðust hafa verið 2 tíma þangað úr Nýjadal, voru þeir ekker nema drýindin þar sem enginn var til afspurnar. Reyndar er Lúffi alltaf 2 tíma á leiðinni hvert sem hann fer. En þeir eru í blíðu og er gott skyggni upp á jökul. Sveinn of félaga voru 3-4 kílómetra á eftir Píaaaaa-Wurt-Pæjero genginu.
PS Látið svo í ykkur heyra eru allir stein dauðir eða hvað.
Jón Snæland.
-
Replies
-
Það er ekki að þessum 4runnerum að spyrja, alltaf bestir á fjöllum. Hvort allir öxlar eða öll hjól eru með skiptir ekki máli, þeir eru alltaf bestir og mestir.
Það er annars af Ísrunner að frétta að Hilux hásing er komin inn í skúr hjá Þresti og búið að rífa hana í spað. Hún mun síðan fara undir Runnerinn á næstunni.
Kv. Kjartan
Nýjustu fréttir af þorrablótsförum eru að allir eru komnir í Setrið nema "Fastur" og félagar. Þeir eru fastir undir Loðmundi. Líkur eru á að þeir missi af þorrablóti aðra helgina í röð.
Gilli skemmtinefndarmaður eyðilagði dekk í gær og reynir að hugga sig með því að yfirmaður hans bæti tjónið (bjartsýnn). Hann fékk dekk sent inneftir í dag.
Sindri braut öxul í dag þegar þeir fóru út að leika.Kokkurinn hefur verið að skera niður þorramat og undirbúa síðan kl. 2 í dag og það stefnir í þrusublót í kvöld.
Kv.
Kjartan
Var að keyra í þeim félögum og eru þeir nýkomnir í Setrið. Þannig að að þer útlit fyrir því að allir geta étið skemmdan mat í kvöld.
Kv.
Guðbjarni
Var að heyra í Palla Hall, allir búnir að raða í sig eistum og kindaheilum, skjóta upp flugeldum og alles. Góð stemmning og milli 50 og 60 manns í góðu yfirlæti í Setrinu.
Þung færð og mikið púður. Ló ló færi.
Kv. BÞV
Sælir félagar.
Var að heyra frá Eiríki formanni vesturlandsdeildar. Nú eru um 150 manns á þorrablóti deildarinnar í Húsafelli, mmmmikið grín og mmmmmikið gaman! Gleðskapurinn fer fram í flugskýlinu og hafa heimamenn á orði að þessi blót vesturlandsdeildar séu með fjölmennustu samkomum í sýslunni eftir að aðsókn í réttir dróst saman.
Formaðurinn var að verða pínu þvoglumæltur nú rétt áðan og talaði mjög undir rós um "strip show" sem ónefndur félagi hefði boðið uppá…
Vonandi fáum við nánari fréttir af þessu síðar.
Kv. BÞV
Sælir félagar.
Eins og Björn Þorri skrifaði þá var rífandi stemming í Húsafelli. Frábær matur, heimatilbúin skemmtiatriði og síðan stiginn dans við undirleik hljómsveitar.
Þetta með að vera þvoglumæltur er nú ekki rétt hjá í Birni Þorra, ég varð hins vegar að skella óvænt á hann því það var verið að draga í happdrættinu, en þar fékk undirritaður einmitt aðalvinninginn.
Hins vegar er rétt hjá honum að það var þarna ungur maður sem hefur hlotið afar slæmt uppeldi í Sóðagenginu, sem fór nánast úr hverri spjör. Það þarf að fara að endurksoða það hvernig þeir fengu þetta nafn á sig…
Myndir af blótinu sjást vonandi í myndaalbúminu þegar það rætist úr með geymslurými.
kv.
Eiríkur
Sælir.
Hvar var fulltrúi sýslumanns þegar dregið var í þessu "happdrætti"… Það er grunsamlegt að þau skuli falla formanninum í skaut… Er þetta nú ekki "sóðalegt".
Þetta með strípalinginn kemur Sóðagenginu ekkert við, því þar stunda menn annarskonar sóðaskap en að afklæðast fyrir framan sómakært fólk. Þar láta menn duga að sleppa uppvaski, skúringum og allskyns slíkum óþarfa sem öllum hundleiðist hvort sem er. (Hefur reyndar bara gerst einu sinni fyrir herfileg mistök og því þótti rétt að "brennimerkja" hlutaðeigendur til æfiloka til að fyrir byggja að slíkt gæti nokkru sinni gerst aftur).
Ferðakveðja,
BÞV
Já svona er þetta, en til að lenda nú ekki í neinum sóðaskap þá var vinningnum samstundis ánafnað í tækjasafn Vesturlandsdeildarinnar, svona passar maður sig.
Við verðum að taka góðar og gildar þessar útskýringar á nafngiftinni, finnst þó grunsamlegt hve menn ganga langt í útskýringunum…
Kveðja,
Eiríkur
Sæll Eiki.
Ja for helvede… Hvað var í vinning? Djöfull eru menn pólitískt þenkjandi… ertu í framboði til Alþingis í vor???
Jú, það var nauðsynlegt að útskýra aðeins þessa sérstöku nafngift sem þessi frábæri ferðahópur valdi sér, enda ekki fordæmi fyrir slíkri sjálfsgagnrýni á lýðveldistímanum…
Hvurnig er það annars með rjúpnadoktorinn á hægfara fisksalabílnum, hefur hann nokkuð gefið þér VIAGRA nýlega? Það var auðséð að þú varst undir slíkum áhrifum þarna um daginn þegar þú varst að lesa úr lyfjabókinni. "Pinnstífur og réðir ekki við þig". Í lyfjabókinni segir: "Lyfið veldur langvarandi stinningu og verða veikgeðja sjúklingar oft reigðir um of. Hættir þeim til að fá ranghugmyndir um raunverulega getu tóla sinna. Auðvelt er að verða sér til skammar ef lyfið er tekið í of stórum skömmtum."
Hlynur #2208 er iðulega á lyfinu…
BÞV
Góða Kvöldið
Núna hefur hann Björn Þorri sett ofan í sig eitthvað eitur enda hefur hann verið í afeitrun af verst gerð sem endaði með því að hann gekk af trúnni og hefur nú fundið sér sértrúrsöfnuð af verri gerð og hefur maður heyrt að þessi söfnuður hafi fengið bref frá biskup íslands og landlækni þar sem þeir eru beðnir um að hætta að vekja upp falskar vonir hjá sjálfum sér enda séu þeir sjúkir og lítið þýði fyrir þá að finna sér nýan bíl til að tilbiðja því Datsún sé mátturinn og dýrðin.
Annars sver ég kornungur maðurinn algjörlega af mér þetta "VIAGRA" lyf enda er ég á lyfinu "Patrol" og nýlega hefur mér verið ávísað lyfinu "lóló" til að taka með því og saman koma þessi tvö lyf algjörlega í veg fyrir að maður verði sér til skammar og geta tóla hefur margfaldast…
Kveðja Hlynur R2208 (á lyfjum)
Góður Hlynur…
Já er það tilfellið með kallinn, er hann genginn í sérstrúarsöfnuð… ég vissi að það væri eitthvað í gangi.
Getum við ekki gert eitthvað til að rétta hann af, spurning um að bjóða honum í almennilegan jeppatúr.
Hann er alveg hættur að fara á fjöll, og mér skilst að miðað við græjurnar sem hann er að kaupa þá verði hans helstu jeppatúrar upp í Breiðholt í framtíðinni…
kv.
Eiríkur
Þetta er tekið af Vísi.is.
Hinn dæmigerði íslenski stjórnandi er karlmaður á aldrinum 36-50 ára. Hann hefur brotist til frama á eigin verðleikum. Hann gengur í jakkafötum og ekur Pajero eða Land Cruiser 100.
Hann stefnir að því að hætta störfum fyrir sextugt enda vinnur hann að meðaltali 60 klukkustundir á viku og flestar helgar er hann í vinnunni. Eftir starfslok ætlar hann að leggjast í ferðalög. Sem lykilatriði í árangri telur hann hæfni til góðra samskipta og getu til ákvarðanatöku. Hann hefur miklar mætur á Davíð Oddssyni forsætisráðherra og hjá honum er fyrirtækið Össur hátt skrifað. Þetta eru niðurstöður rannsóknar sem fjallað er um í Sjónarhóli, fréttablaði KPMG og heimur.is fjallar um á vefsíðu sinni.
Sérstaklega þetta "eftir starfslok…."
Sælir Datsunbræður!
Í hvaða lyfjaskrín stálust þið núna?
Þið vitið að landlæknir er víst að skrá sig sem notanda á síðunni, í þeim tilgangi að ná til "skottulækna" eins og ykkar. Það að stunda skottulækningar er lögbrot á Íslandi, en í skottulækningum felst að ófaglærðir "lofa sjúklingi bót á meini sem er ólæknandi". Þetta á við um ykkur, enda vita allir að Datsundæmin eru vonlaus… : )
Ferðakveðja,
BÞV
You must be logged in to reply to this topic.