This topic contains 104 replies, has 1 voice, and was last updated by 
-
Topic
-
AnonymousÞað er áhugavert að skoða það hvernig skoðunarkönnun um fjarskiptamál hafa þróast.
Sérstaklega í ljósi þess að 40% ætla að veðja á CDMA 450 símakerfi Símans.
Það sem er áhugavert í þessu er það samkvæmt áræðanlegum heimildum hefur Síminn EKKI tekið endanlega ákvörðun um það að byggja upp CDMA kerfið. Svo kannski hefði þessi draumsýn aldrei átt að vera inni í þessari könnun, en kannski var þetta ekki vitað þegar könnunin fór í loftið, hver veit.
Ég velti líka fyrir mér þessum 9% í HF flokknum, það er greinilegt að 270 félagsmenn ætla sér að verða radíoamatörar þegar nmt, leggst á hliðina endanlega.
En svo er fróðlegt að sjá hversu mikil trú er á Símanum í langdrægum fjarskiptum, sérstaklega í ljósi þess að Síminn ræður ekki við að gsm væða lálendið og þjóðvegina, nema með aðstoð fjarskiptasjóðs, sem vel að merkja er fjármagnaður með peningum úr sölu sama fyrirtækis ja-svei.
-
Replies
-
Heyrðu minntu mig á að ræða aðeins um alhæfingargildi á næsta stjórnarfundi.
Annars mjög áhugavert að kanna þetta svona, um að gera að svara könnuninni svo alhæfingargildið hans Jóns batni 😉
Ég er ekki búinn að svara þessari skoðunarkönnun og ætla ekki að gera það því það vantar þann möguleika sem ég myndi kjósa. Nefnilega VHF kerfi klúbbsinns. Ég hef ekki haft NMT síma í 7 ár og sakna hanns ekki, náði aldrei sambandi þegar á þurfti að halda með honum. VHF kerfið hefur aftur á móti gefið mér samband og það sem meira er tandurhreint og gott samband, ekki eitthvert skruðninga, suð og ýlfur, nema þegar einhverjir hálfvitar með amatörstöðvar eru að reyna að tjá sig á hálfum rásum og hvað þetta heitir allt saman.
styrkjum okkar eigið kerfi og rekum það með sóma, ekki treysta á að fyrirtæki sem engöngu hugsa um að græða péning sjái okkur fyrir nothæfum öryggisfjarskiptakerfum.
Ég get ekki treist símanum þar sem hann er einka aðili
í fjarskiftim og geri ekkert sem skilar ekki hagnaði sem þíðir,
það þeir geta hætt með hvaða kerfi sem er þegar þeim sínist.
Sem er ekki góðs viti að vera að fjárfesta í tækjum sem mun
kanski ekki endast lengi, svo sjáum hvað gerist þegar NMT er farið
og hvað verður talið koma að bestum notum fyrir okkur sem
verður ?kv… MHN
Minntu mig á það á næst stjórnarfundi Tryggi að fara betur í gegnum heimildir mínar
Siggias74 ef ég skil þig rétt… þú ert með vhf .. og vilt fá möguleika á að kaupa þér aðra vhf….
Er ekki verið að tala um nýja möguleika UMFRAM vhf…
annars hvað veit ég … enda bara með konuheila
kv. stef….
Enda er spurt: "Þegar NMT leggst af ætla ég að fá mér:" Kannski hefði átt að hafa VHF líka og jafnvel annan möguleika fyrir þá sem eru óvissir (örugglega stór hópur). Auðvelt að vera alvitur eftir á… maður lærir af reynslunni og gerir betur næst.
Það er ljóst að það verður innan árs og umræðan er búin að vera mikil. Ég veit ekki alveg hvort ég sé tilbúinn til að kaupa VHF-ið sem öryggis- og samskiptatæki af sama toga og NMT er í dag. T.d. hefði ég getað komið boðum til byggða um seinkanir á hópnum til byggða vegna slæms veðurs? Hefði fólk getað fengið að nota VHF stöðina mína til að láta aðstandendur vita að það varð seint? Hefði ég getað fengið "uppkall" úr bænum frá fréttaþyrstum félaga sem iðaði í skinninu að setja eitthvað krassandi inn á netið? Þetta er það sem NMT-inn hjá mér allavega gerir oftast, myndi VHF í núverandi mynd geta leyst þetta af hólmi?
Það er alveg sama hvað maður öskrar hátt ef það er enginn nálægt til að hlusta heyrir enginn 😉 ólílkt því sem gerist [url=http://farm1.static.flickr.com/176/468447961_94fac0b0d1_o.jpg:2fmkji21]á netinu[/url:2fmkji21].
hehehe 😉 góður. Þetta verður æsispennandi stjórnarfundur næst.
spurning hvort eigi að hafan hann opinn fyrir félagsmenn, mætti selja inn
Það er spurning um að skella þessu á stóra sviðið í Borgarleikhúsinu bara og hafa þetta sem jólagjörning stjórnarinnar? Það er nú þegar búið að gera fundarstörfin ódauðleg í stuttmynd og því ekki að gera úr þessu leikrit ? nú eða söngleik, held að það gæti orðið vinsælt!
Það er vandaverk að búa til könnun sem er ekki leiðandi. Þessi könnun er ekki undantekning frá því, frekar en t.d. Gallup könnunin um Kjalveg. Þarna hefði þurft að gera ráð fyrir fyrir en einum mögulika og að hafa með það sem menn eru nú þegar með. Ég er til tæmis nú með NMT, GSM, VHF og HF/SSB, mér finnst líklegt að ég eigi eftir að eignast CDMA2000/450 síma en ólíklegt að ég muni setja pening í Iridium, Globalstar eða Tetra.
Þessi könnun virðist hafa verið samin í þeim tilgangi að upphefja Tetra, enda hafa stjórn og fjarskiptanefnd gert samninga við aðstandendur þess fyrirbæris, forstjóri Neyðarlínunnar telur sig vera í aðstöðu til þess að gefa þeim fyrirmæli. Það virðist valda vonbrigðum að fáir félagsmenn hafi séð Tetra ljósið.-Einar TF3EK
Mikið rosalega getið þið flækt annars einfalt mál.
Ég skil þessa könnun þannig að það sé verið að spyrja um… ef ég ætti að velja mér annað fjarskiptatæki þegar nmt leggst af hvað myndi ég vilja sem fyrsta kost. Það er ekki verið að spyrja um hvað ég eigi fyrir (spurning um orðalag)…Þannig að ef að ég ætti gufunesstöð og myndi vilja hana sem fyrsta kost fyrir fjarskiptatæki þá merki ég við það….
Ég get ekki séð í könnunninni að tetra sé skrifað með meira áberandi hætti en irridium…
En ef að það er ekki hægt að koma með einfalda skoðanakönnun án þess að henni fylgir greinargerð þá legg ég það til að þessi liður verði fjarlægður af síðunni því að það þjónar engum tilgangi að hafa hana… ekki einu sinni sem skemmtanagildi. Öðrum kosti að það verði boðið upp á námskeið í að búa til réttritaðar og réttorðaðar spurningar án alls vafa…kv. stef….
Félagsmaður í Dramaklúbb 4×4
Ég hef ekki tekið þátt í þessari skoðanakönnun enn. Verð bara að viðurkenna að ég tek undir með Einari Kj. að þetta er of leiðandi könnun. Það er ekki minnst á VHF – líklega gengið út frá því að menn séu allir með það þegar – og ekkert svona "annað", sem möguleiki, sem vel getur verið til, ekki veit ég, nú og svo þetta með þetta BDSM-kynlíf á 450 megariðum, (afsakið, það heitir víst CDMA2000) sem er ekki einu sinni víst hvort er yfirleitt valkostur. Mér sýnist að gerfihnattasímar, hvað sem þeir nú heita, séu yfirleitt svo fjári dýr valkostur að það séu varla nema auðjöfrar sem hafa efni á að borga fyrir slíkt. Fyrir nú utan að það lítið ég veit um tæknihliðina, þá eru samskiptatunglin það lágt á lofti héðan frá Íslandi, að "skuggamyndun" er óviðunandi, enda skilst mér að markhópurinn fyrir þessa síma sé fyrst og fremst skip á úthöfum. Kannski hef ég misskilið eitthvað í þessu sambandi, enda er maður hvorki radioamatör né verkfræðingur, og svo er nú með okkur flest. En mér er mjög til efs að Tetra getið uppfyllt þær væntingar, sem við flest höfum til svona samskiptakerfis. Lágmarkskrafa er að við fáum a.m.k. ekki lakari möguleika en NMT kerfið (bráðum sáluga) er eða réttara sagt var að veita.
nefinu og ekki leggja af klúbbinn (eins og hér einhversstaðar kom fram á spjallinu) eða skoðanakannanir þó að einhverjir hafi skoðanir á skoðanakönnunum á síðunni
Iridium yrði málið hjá mér. Heyrði hjá einum ágætum félaga að hann keypti sér síma frá USA og borgar þar fast árgjald sem er held ég $600 með 500 mínútum inniföldum. Þetta er ódýrasti kosturinn sem ég hef heyrt af hingað til.
Ef að við setjum það upp í íslenskum krónum að þá er þetta ca. 37 þús. kall á ári eða um 3000 kall á mánuði sem er nokkuð lægra mánaðargjald en hefur verið boðið hérna heima OG með 500 mínútna notkun innifaldri.
Þegar öryggistæki eins og Iridium er haft í huga finnst mér afar ólíklegt að ég muni nokkurn tíman nota það meira en 500 mínútur á ári.
Það má rétt vera að það vanti einhvrja svarmöguleika og þ.m.t. "Annað/óákveðin(n)". Með því að bjóða upp á færri möguleika þá minnkar svarhlutfallið, það er alveg þekkt úr þessum bransa. Sú spurningin sem liggur að baki er svo auðvitað hvað er það sem menn telja vera "arftaka" NMT en ekki hvað menn eiga nú þegar.
Leiðandi könnun þarf að vera leiðandi annað hvort að vera með "biaseraða" spurningu, t.d.: "Ef þú þarft að selja ömmu þína til að ganga í ESB, myndiru ganga í ESB?". Það er skekkt spurning. Hinn möguleikinn til að skekkja könnun er að hafa svarmöguleikana villandi, gildishlaðna eða ójafna á einhvern annan hátt. Ef svörin við þessari könnun hefðu til dæmis verið: "Tetra og HF" ; "Tetra og CDMA" ; "Tetra og Iridium" og "Bara Tetra" þá hefði þetta verið leiðandi könnun. Það var sérstaklega passað að hafa Tetra talstöð en ekki t.d. Tetra sími til að skekkja þetta ekki. Það að hafa VHF ekki sem valmöguleika er sú að flestir félagsmenn 70% samkv. fyrri könnun eru með slíkan búnað nú þegar.
Ég bjó þessa könnun til, algerlega að eigin frumkvæði byggt á umræðunum sem voru í gangi á vefnum og setti hana inn án þess að hafa samband við aðra í stjórninni, Neyðarlínuna eða söluaðila Tetra. Ég fór reyndar í Hátækni í gær en það var til að aðstoða móður mína við að velja sér heimabíó og ég fékk [b:2p2zah3p]ENGAN afslátt[/b:2p2zah3p] þar! Ef ég hefði ætlað að búa til leiðandi könnun TETRA í vil þá væri raunin ekki sú í dag að 42% velja CDMA og "bara" 30% Tetra, þá væri Tetra með um það bil 80% trúðu mér.
Ég tek þessum ásökunum þínum um óheiðarleika minn afar persónulega og alvarlega. Eftir hvaða fyrirmælum framkvæmdastjóra Neyðarlínunnar átti ég að vera að fara? Sá samningur sem þú vísar til er ekki að skila klúbbnum neinum fjárhagslegum ávinningi eða öðru og hvorki klúbburinn né einstaklingarnir í stjórn né fjarskiptanefnd græða á því að vísa mönnum eitt eða annað. Þetta tryggði að félagsmönnum stæði opinn þessi möguleiki, það er hvorki skylda né kvöð að nýta sér hann. Á sama tíma og þessi samningur um aðgang var frágenginn þá er verið að verja fjármunum til uppbyggingar VHF kerfisins, þ.m.t. Hlöðufells endurvarpinn og verkefni um netlæga hlustun á endurvarpana. Bara í síðustu viku ræddi ég við Símann hf um að fá þá við fyrsta tækifæri til að kynna áform sín m uppbyggingu á fjarskiptakerfi sem gæti þjónað okkar og mun halda því áfram í næstu viku, eins og ég hef oft sagt hér á vefnum þá stendur til að kynna þá möguleika sem munu standa til boða þegar þeir aðilar sem að þeim standa eru reiðubúnir til þess. Hefði ég varið talsvert mörgum og skemmtilegum kvöldum í byrjun árs til að öðlast radíóamatöraréttindi ef ég væri ekki reyna að nálgast þetta með opnum huga? Ummæli um Tetra hafa ekki verið ritskoðuð hér á vefnum, málin hafa verið rædd frá öllum hliðum og dregnir fram kostir, gallar, valmöguleikar, takmarkanir og margt fleira. Oftast mjög málefnalega og tel ég það vera afar mikilvægt til að fólk geti tekið upplýsta ákvörðun. Það að einblína á einn hlut hver sem hann er hugnast mér ekki, ég vil hafa aðgengilega alla valmöguleika og hafa fengið nægjanlegar upplýsingar um alla valmöguleikana til að geta tekið ákvörðun fyrir minn. Ég ætla hins vegar ekki að taka ákvörðun fyrir neinn annan.
Kveðja
Tryggvi (sem á líka kallmerki…)
Ef ég man rétt af kynningu á félagsfundi fyrir rúmu ári þá eru það gervihnettir Globalstar kerfisins nær miðbaug en Iridium þannig að skuggasvæði Globalstar eru meiri en Iridium hér hjá okkur. Mynd fyrir [url=http://www.globalcomsatphone.com/support7.html:2rqxc4jy]Iridium[/url:2rqxc4jy] og svipuð mynd fyrir [url=http://www.globalcomsatphone.com/support6.html:2rqxc4jy]Globalstar[/url:2rqxc4jy].
Nú verð ég að taka undir með eik… þetta er leiðandi skoðanakönnun.
Leiddi mig til að halda að einhver aumur félagsmaður hefði sett inn skoðanakönnun um val á fjarskiptabúnaði… og var hún svo hökkuð í sig. Kemur svo ekki í ljós að hún er runnin undan rifjum Mr.T (RM). það er greinilegt að rifbeinin eru víða…
Það fær mig samt ekki til að breyta skoðun minni á því að ég var "órugluð" þegar ég svaraði könnuninni… þ.e.a.s. spurningin leiddi mig ekkert inn á einn frekar en annan kost.Kv. Stebba Reykás….
–
p.s. Tryggvi hvernig dettur þér í hug að fara með mömmu að versla heimabíó í Hátækni. það er borðleggjandi þetta er klárlega hagsmunaárekstur..
Það var ekki ætlun mín að saka Tryggva eða aðra stjórnarmenn um óheiðarleika, sé hægt að lesa slíkt úr því sem ég sagði biðst ég afsökunar á því. Hitt stendur eftir að forstjóri neyðarlínunnar hefur ítrekað reynt að beita forsvarsmenn klúbbsins óeðlilegum þrýstingi. Það má deila um það hvort afnot af Tetra stöðvum teljist fjárhagslegur ávinningur (ég tel raunar svo ekki vera, vegna þess hversu litils virði þetta kerfi í raun er).
Ef ætlunin var að komast að því hvað félagsmenn teldu vænlegasta arftaka NMT, hefði átt að spyrja að því, en ekki hvað menn ætluðu að fá sér, margir okkar eru nefinlega þegar komnir með þau tæki sem við ætlum að nota eftir að NMT hættir.-Einar
"samkvæmt áræðanlegum heimildum hefur Síminn EKKI tekið endanlega ákvörðun um það að byggja upp CDMA kerfið"
Búið er að skrifa samning um CDMA og þar er síminn búinn að skuldbinda sig að byggja upp CDMA
og má sjá þann samning [url=http://pfs.is/upload/files/450MHz%20Tíðniheimild%2025.5.2007.pdf][b:1pzs2dia]hér[/b:1pzs2dia][/url] Þess má geta líka að þær tilraunir sem hafa staðið yfir á CDMA lofa góðu og hafa gengið vandræða laust. Hvort síminn standi við þennan samning er svo annað mál en af hverju ættu þeir ekki að gera það?
Hvað getur þú gert með Tetra: Getur þú notað hann sem síma og treist á þá lausn upp á hálendi, svar: NEI! þá er tetra lausnin ekki það sem okkur vanntar það ætti öllum að vera ljóst ekki satt! Ég bara skil ekki af hverju í fjandanum menn eru yfir höfuð að spá í þessa lausn. Irendium er þá margfallt betri lausn sem dæmi og CDMA er vissulega það lang besta sem við getum fengið og það eina raunhæfa fyrir hinn almenna félagsmann.
Ég mun berjast eins og ljón fyrir því að menn hætti að svo mikið sem hugsa um þetta tetra dæmi því þetta er ekki fyrir okkur á nokkurn hátt og mér er mikið í mun að menn fái lausn sem virkar og er raunhæf út frá bæði kostnaði og notagildi og þar er bara ekkert annað sem í það minnsta í dag kemur til greina nema CDMA.
Benni ég hefði frekar vilja sjá þig beina kröftum þinum (eins og ljón) í staðreyndir… eins og háu eldsneytisverði… og rífa fólk upp af rassgatinu með þér.. fyrir hundruð þúsundir manna heldur en í hugarástand fyrir einhverja fjarskiptavindmyllu fyrir nokkur hundruð manna.
kv. stef…
You must be logged in to reply to this topic.