This topic contains 2 replies, has 1 voice, and was last updated by 
-
Topic
-
Komið þið sæl
Er það það ekki rétt hjá mér að vegur sem merktur er ófær er ekki lokaður ?
Ég ætlaði að skreppa upp að Einhyrnig í gær, farið inn úr Fljótshlíðinni á Emstru leið.
Við Þórólfsá, fyrsta sprænan á leiðinni eru skilti sitt hvoru megin við veginn með upphrópun og áletruninni Impossible, á milli er strengd keðja með skilti sem á stendur Ófært.
Þarna er færð fín í það minnsta inn að Einhyrning og sjálfsagt lengra,enda þurtt og frost.Nú langaði mig að forvitnast hvort einhver vissi hvort maður sé í órétti að keyra þarna eða er bara verið að fæla frá bílaleigubíla túrista ?
Með bestu kveðju
Olgeir Örlygsson
-
Replies
-
Heill og sæll Olgeir,
mér virðist hver sem er geti sett upp hvaða skilti sem er hvar sem er. Fór einmitt Fljótið um daginn og kom að þessu skilti aftan frá og vissi ekki í hvorn fótinn ég átti að stíga eða míga.
Mér hefur reynst heilladrýgst að fara eftir mínu hyggjuviti og fara leiðina telji ég það forsvaranlegt, -án tilliti til hvort viðkomandi leið hefur verið merkt lokuð eða ófær. Það eina sem eftir stendur væri þá slagur við tryggingafélagið vildi svo ólíklega til að skaði verði á fólki eða tæki, og vera menn til að borga sekt teljumst við vera lögbrjótar fyrir að vita betur um ástand vega en löggjafinn.
Eigi þetta að fæla bílaleigutúristana frá, þyrfti þetta skilti að vera uppi allt árið um kring. Og ég held reyndar að merkja ætti hæpnari hálendisvegina með "Super Jeep only" til þess að reyna að sortera þá út sem ekki eiga erindi inn á þær leiðir sem ekki eru vel færar venjulegum bílum, hvort sem er til flóa eða fjalla.Ingi
Þetta er réttur skilningur hjá þér. Þegar Vegagerðin setur upp skilti sem stendur á Ófært og Impassable (ekki impossible heldur impassable eða ófær) þýðir það einfaldlega að vegurinn er ekki þjónustaður eða ruddur og getur allt eins verið ófær. Þannig skilti eru við alla hálendisvegi allan veturinn, en þér er heimilt að fara veginn á eigin ábyrgð (hvað sem það þýðir). Þetta er allt annað en þegar stendur Lokað og kringlótta merkið allur akstur bannaður er uppi. Það kemur upp á vorin þegar leysingar byrja og þá er beinlínis bannað að fara um vegina.
Kv – Skúli
You must be logged in to reply to this topic.