This topic contains 14 replies, has 1 voice, and was last updated by 
-
Topic
-
Ég verslaði í vikunni fyrir páska 4 stk 33″ Toyo dekk sem Þórarinn Gunnar Sverrisson / Tóti Musso / Musso varahlutir / BTC ehf. auglýsti hér á þessum vef til sölu. Ég fékk dekkin hjá honum felgulaus og lét setja á felgur fyrir mig. Þegar ég kem heim með dekkin sé ég að á innanverðu einu dekki er hnefastór kúla og önnur töluvert minni á því utanverðu. Ég ræddi þetta strax við Þórarinn og sýndi honum dekkið og voru viðbrögðin þau að ég hefði sennilegast eyðilagt dekkið sjálfur eða sá sem setti það á felguna fyrir mig hefur sprengt það upp á með látum sem hafa orsakað þetta. Þórarinn taldi útilokað að hann hefði selt mér skemmt dekk enda væri hann með svo mikla reynslu í að meðhöndla dekk að ég ætti ekki að vera að reyna að ræða þetta við hann… Einnig telur hann mig segja ósatt þegar ég segist ekki hafa sett dekkið undir bílinn hjá mér og skemmt það sjálfur…!
Ekkert kom fyrir dekkið í minni umsjá sem skýrir þetta og það voru 15 pund í dekkinu þegar ég fæ það af dekkjaverkstæðinu sem sagði einnig að þetta hafi verið ósköp venjuleg umfelgun og ekkert komið upp á. Þeir tóku hins vegar ekki eftir kúlunum. Þegar ég tek loftið úr því þá hverfa kúlurnar tvær þannig að ég gat ekki séð að eitthvað væri að dekkinu þegar ég tek við því frá Þórarni. Að mínu mati er líklegt að bíllinn sem dekkin voru undir hafi lent í einhverju höggi enda var þetta tjónabíll (Musso sport – auglýstur hér sem partabíll) eða hann staðið á loftlausu dekkinu í einhvern tíma.
Ég spyr því. Hefur einhver lent í því að dekkjaverkstæði eyðileggi dekk með þessum hætti og hvernig ætti að það gerast? Þekkir einhver þennan Musso Sport og hvernig tjónið gerðist?
Mér finnst þetta líka vekja upp spurningar um hvort partasölur eigi að fá að auglýsa hér á síðunni. Það er alveg ljóst að maðurinn var ekki að gera þetta í eigin nafni heldur fyrirtækis síns og það er stór hluti af því að ég vek athygli á þessu hér.
-
Replies
-
Leiðinlegt að heyra
Ég hef aldrei lent í því að fá skemmt dekk eftir umfelgun frá dekkjaverkstæði… og þegar ég hugsa um það þekki ég eiginlega ekki neinn sem hefur lent í því… en maður þekkir sögur af því að dekk hafa verið að skemmast ef þau hafa verið svakalega þröng á felgunni og menn hafi pumpað of mikið til að koma dekkinu á (þá erum við líka að tala um yfir 30 psi). Ef kúlan hverfur alveg þegar dekkið er loftlaust hvernig ætlar seljandinn að fullyrða þá að hún hafi ekki verið þarna þegar hann seldi dekkin!.
Annars er rosalega erfitt alltaf að kommenta eitthvað á svona mál og vera svona alveg utanaðkomandi málinu…Kveðja og gangi þér vel… þetta er orðið frekar dýrt spaug í dag þessi dekkjamál
Óskar Andri
Góðan daginn,
ég vann smá tíma á dekkjaverkstæði og veit ekki um neitt tilfelli þess að að dekk hafi skemst sökum þess að það hafi verið pumpað of mikið í það.
Einnig að það stendur á hverju dekki hámarks loftþristingur og er hann alltaf vel yfir 30 pund, ég man nú ekki tölurnar en ég myndi halda að sé frá 40 – 90 pund.
Svo ég myndi ætla þess vegna að sökin sé önnur.
Kveðja Hjörtur og JAKINN.is
Dekk vírslitna ekki við umfelgun, helst skemmast gömul dekk við umfelgun og þá er það kanturinn sem fer uppað felgu sem rifnar.
Þetta er klárlega vírslit og það kemur bara í útkeyrðum dekkjum eða við högg svosem keyrt loftlaust á stein eða fullpumpað á miklum hraða.
Ekki góð AUGLÝSING fyrir Þórarinn Gunnar Sverrisson / Tóti Musso / Musso varahlutir / BTC ehf
s.864 0984Hefði verið betra fyrir hann að borga :O)
Ég hef átt töluverð viðskipti við Musso varahluti og hafa þau viðskipti alltaf verið mjög góð. Ég lenti í því einu sinni að varahlutur sem ég fékk var ekki í lagi og var meira en sjálfsagt að fá honum skipt.
Ætla að leiðrétta hann Hjört Sævar. Það stendur ekkert um það á dekkjum hver hámarksþrýstingur má vera í þeim. Það stendur aftur á móti við hvaða þrýsting næst hámarksburður.
–
DÆMI:
MAX 50 psi = hámarksburður dekksins næst við 50 pund.Kveðja
Þengill
Ef of mikið er blásið í dekkinn geta menn át það á hættu að slíta strigan og skemma vír beltinn sem eru 2 til 3 í bananum+ annað sem getur komið fram síðar þegar reinir mikið á þaug .
kv,,,, MHN
Það er mjög líklegt að þau skemmist líka ef bíllinn lendir í veltu………………………………………………æ)
Það er erfitt að segja hvað hefur gerst. Þó hefur grunur minn færst töluvert yfir á það að dekkjaverkstæðið hafi skemmt dekkið. Ég komst nefnilega að því að felgurnar eru mjög þröngar og erfitt að koma dekkjum á þær (álfelgur frá compomotive). Dekkið er skemmt á felgukantinum innanverðum en á miðri hliðinni utanverðu þannig að líklega eru þetta nokkrar ástæður að baki.
Það að felgurnar séu erfiðar passar hins vegar ekki við það sem dekkjaverkstæðið segir mér enda eru þeir eins og áður nefndir sjálfskipaðir dekkjasérfræðingar og segjast ekki geta gert mistök. Þeir hafa lesið þennan þráð og er velkomið að svara fyrir þetta.
Ég ætlaði Þórarni alls ekki að hafa selt mér viljandi skemmt dekk. Það verður hins vegar ekki af honum tekið að framkoma hans var hrokafull og dónaleg vægast sagt. Honum er einnig velkomið að svara fyrir það!
Það sá því enginn neitt, heyrði ekki neitt og veit ekki neitt… en ég sit uppi með ónýtan gang af dekkjum og má alveg vera örlítið fúll yfir því…!
Þakka annars svörin.
A 225/50R16 92V-sized tire as used in our example would have its maximum load and maximum tire inflation pressure typically presented on the sidewall as follows:
MAX. LOAD 630 kg (1389 lbs)
MAX. PRESSURE 300 kPa (44 psi)This branding identifies that tires in the 225/50R16 92V size used in this example must be capable of, and be rated to carry 630 kg (1,389 pounds). Additionally it identifies that the maximum tire inflation pressure for this tire is 300 kPa (44 psi).
MAX PRESSURE er hámarksloftþrýstingur á köldu dekki, en svo gefur það auga leið að hámarksburður næst við hámarksþrýsting.
svona rétt hljóp yfir þetta og rak augun í 15 pund….Mér finnst það óeðlilega lár loftþrístingur fyrir 33" dekk eða hvað finnst ykkur og þá spáir maður í af hverju höfðu þeir bara 15" í því og að þeirra sögn "ekki" búnir að taka eftir "kúlum" Er kannski bara eðlilegt að á þessum árstíma að það sé bara sett 15 pund í 33"…………………..bara að spá…
Þingt bíls á bilinu 1,900 til 2,100 kg
Stærð dekkja—31–33– 35— 38— 44–
Malbik.———–30—25—25—25— 20–
Malarvegur.—–20—18—18—13—–9–
Harðfenni.——–8—-7—-7—–6——5–
Mjúkum snjór.—6—-5—-4—–3——3–
———–
Síðan er til undantegning frá þessu sem er þegar 38# er 13,5 eða hvort hún sé 15,5 á breitt þettta á við þegar dekk eru með fleiri breittir í sömu stærð. ( Hér eru teginn þær helstu stærðir sem menn eru að nota )kv,,, MHN
Ég held að það sé ljóst að maður myndi ekki keyra á 15 pundum innanbæjar. Vanalega eru sett um 25 pund í 33" dekk sem ég hef látið eiga við. Keyri sjálfur á ca. 26-28 pundum að sumri.
Ég er á 35 og keyri á 28-30 innanbæjar, kannski að maður fari niður í 15 í snjó eða mjög grófum slóða, er í kringum 20 á leiðinlegum malarvegi.
Annar hvor er ekki að segja satt og rétt frá. Miðað við að dekkjaverkstæðið skilar frá sér dekkinu með 15 pundum í gæti ég best trúað þeim til að hafa skemmt dekkið óvart og reynt að fela það með lágum þrýsting. En án sannana er þetta erfitt.
You must be logged in to reply to this topic.