Skellt í handbremsu.

Diskahandhemill á drifskaftið er til í "alla betri bíla" t.d. Land Rover og þar með Tomcat svo dæmi sé tekið. Er ég sannfærður um að þessi búnaður sem er sauðeinfaldur passar með lítilsháttar aðlögun undir marga jeppa og stærri bíla þar sem eitthvað pláss er fyrir hann á annað borð. Caliperinn er reyndar ekki vökvaknúinn, heldur er hann mekanískur sem einfaldar alla vinnu og viðhald við þetta. Hvað verðið varðar myndi ég skjóta á nálægt Kr. 50.000,-

Þér er velkomið að hafa samband við mig ef þú heldur að þetta sé það sem þú leitar að.

Kveðja

Steini
info(hjá)tomcat.is

knarrarholt@uppsveitir.is

kv. Atli E.

Vá, frábært…
þetta kom í 3-riti, ekki veitir af

Búnaðurinn bæði í Patrol og Land Rover er skotheldur og viðhaldslaus,og því ekki leiðinlegur nema fyrir Toy eigendur sem elsaka að laga bílana sína:) ég minnist þess ekki að hafa séð þennann búnað bila nema einu sinni í RR og þá lak olía úr millikassanum í skálina vegna stíflaðrar öndunar.
svona skálar eru mikklu öflugri búnaður heldur en diskur, þe taka nánast allann hringinn og halda bara
kv Gísli

Handbremsa í Sprinter er ekki neitt stórvandamál orginal. Þetta er svipaður búnaður og er í Toyota LC 80. Það þarf að herða útí þær, og þá virkar dótið ágætlega. Handbremsa í Patrol er samt mikið betri, en ég tel ekki þörf á því að mixa svoleiðis búnað í Sprinter, enda er viðhaldið á þeim óverulegt og frekar ódýrt í þetta.

Góðar stundir

Hinsvegar er vandamálið með skálar sem aðalbremsubúnað hiti já HITI það er ekki vandamál í handbremsubúnaði því að venjulega er handbremsa ekki notuð til að stöðva bíl nema í neið heldur til að halda bíl kyrrum þegar hann er kyrr,
þú þarft MJÖG stórann disk og stóra klossa ásamt dælu til að ná sama haldkrafti með disk á móti borðum og þar sem á bara að nota handbremsuhlutann af diskadælunum þá áttu ekki sjéns svona er þetta bara:)
Annars er 90% af öllum bílum með handbremsu sem skálabremsu jafnvel þótt að hann sé með aðalhemla sem diska allann hringinn hmmm af hverju ætli það sé?
Gísli hinn fáfróði

Sammála Gísla.
Hef átt Mözdu með diska-handbremsu. Mæli ekki með þeim búnaði, Þetta entist stutt og varahlutir voru mjög dýrir.
Annars er það einn kosturinn við að hafa handbremsuna á drifskaftinu, að þar þarf minna átak til að halda bílnum (sem nemur drifhlutföllunum).

-Einar

Það koma skálahandbremsur original í Land Rover. Bretarnir skipta þeim út fyrir diska af tveimur ástæðum aðallega. Í fyrsta lagi eru diskarnir síður útsettir fyrir vandamálum sem fylgja þessari seigu límkenndu drullu eða leir sem er í skógarslóðunum þeirra og að því er virðist öllum torfærum. Hann hefur þann eiginleika að smjúga um allt og stífla og líma fast. En í annan stað og ekki síður vegna þess að diska-búnaðurinn er miklu léttari. Þá eru ótaldar ástæður eins og búnaðurinn er einfaldari og svo er alltaf svo gaman að prufa eitthvað nýtt og spennandi. Sjálfur er ég sannfærður um að skálabremsan sé öflugri, en ég er einnig viss um að diskabremsan er meira en nægjanleg.

Steini

Góðir hálsar!
Gleymið því ekki að drifskaftsbremsan er innan við mismunadrifið. Af því leiðir að ef annað hjólið hefur ekki viðspyrnu snýst hitt. Þannig er mjög vafasamt að lyfta bíl með svoleiðis bremsu og ætlast til að hitt hjólið sé fast. Þetta veit ég af biturri reynslu eftir að ég missti gamla rússann hans pabba hérumbil ofan á mig, en hann var einmitt með slíkum búnaði. Um leið og hjólið lyftist skreið hann af stað og á það sem fyrir var.
Sem sagt; þetta er stórhættulegur búnaður og sennilega ekki að ástæðulausu að framleiðendur hafa almennt miklu flóknari og dýrari búnað úti við hjól.

Við hjá Tomcat á Islandi erum umboðsaðilar fyrir fyrirtækið sem framleiðir og selur þennan búnað. Þeir eru með margt annað bráðsnjallt og flott. Við höfum ekki ennþá flutt inn umræddan stöðuhemilbúnað en höfum ætlað okkur að gera það fyrr en síðar. Af þeim sökum erum við ekki með verðið á hreinu enda erfitt um vik þess utan á þessum síðustu og verstu.. Gengið í frjálsu falli og allt það. en eins og ég skaut á hér að ofan þá má reikna með að þessi búnaður leggi sig á nærri 50.000,- með öllum gjöldum ef vel tekst til með frakt, en hann kostar £ 220 í UK og gæti þess vegna kostað meira háð þyngd og rúmmáli á sendingunni. Þessi búnaður er framleiddur sérstaklega í allar gerðir Land Rover jeppa og einnig einhverja Súkkur þannig að það gæti þurft að aðlaga hann þ.e.a.s. festingar og þ.h. Ef þetta er eitthvað sem þú heldur að geti leyst málið fyrir þig hafðu þá samband.

Steini