Skáli á Arnarvatnsheiði stórskemmdur af fúlmennum!

Einhverntímann eftir áramót (líklega) hafa einhverjir heiðursmenn farið í veiðihúsið við Úlfsvatn á Arnarvatnsheiði, brotist inn með því að slá úr þolinmóð úr gluggalöm og skilið síðan allt eftir opið. Útihurðin var skilin eftir opin, slanga úr gaskút notuð til að festa hana upp, og skemmst er frá því að segja að húsið, 2 ára gamalt, er því sem næst ónýtt. Þegar næstu menn komu þar að var húsið hálffullt af snjó og panill í veggjum og lofti allur að losna og vatnsbólginn mjög. Engu var þó stolið þar svo vitað sé.

Í gamla gangamannahúsinu við Úlfsvatn var brotin rúða. Það er þó möguleiki að þar sé foki um að kenna.
Ef einhver veit um mannaferðir eða hefur einhverjar upplýsingar eru þær vel þegnar.
Ömurlegt þegar menn bera ekki meiri virðingu fyrir verðmætum en þetta!
Kv,
Lalli.