This topic contains 11 replies, has 1 voice, and was last updated by 
-
Topic
-
Enn af rafstöðvarmálum í Setrinu.
–Nú langar mig til að spyrja skálanefnd (og salinn).
Er það rétt sem að maður er að heyra að það sé búið að GEFA gömlu rafstöðina deild fyrir norðan gegn því að þeir sæki hana?
–
Og ef að rétt reynist þá spyr ég hvaða hag sjá þeir í því að eyða bæði tíma, pening og fyrirhöfn í að fjarlægja handónýta rafstöð fyrir móðurdeildina? Nema þeir telji að hægt sé að gera við hana.
–
Og enn spyr ég er búið að fá fagmann til að taka rafstöðina í sundur og skoða hana, því mér skilst að þessi tegund af rafstöð sé ódrepandi? En það getur allt bilað.
–
Getur verið að nýja rafstöðin sé að fara með hátt í 200 L af olíu á einni helgi? Ef svo er þá held ég að það sé til mikils að vinna að reyna að laga gömlu rafstöðina og hafa hana aðal og þá gæti hin verið til vara.
–
kv. stef … sem vonar að þetta sé rangur misskilningur.
-
Replies
-
er ekki í skála nefnd en veit fyrir víst að eiðslan á nýu vélinni er ekki svona mikkil er í kringum 85.l á sólarhring og ég vil endurtakka í kringum
kveðja Ægir
Þannig var að stjórn klúbbsins fékk tilkynningu um það að ljósavélin í Setrinu væri ónýt.
En skálanefndi klúbbsins vissi að Rottugengið ætti ónotaða ljósavél, sem þeir höfðu haft áhuga á lengi. En rotturnar höfðu ekki vilja láta hana frá sér, enda voru menn með hugmyndir um raforkusölu til LV þegar hún yrði gangsett í Illugaveri. Þegar skálanefnd 4×4 fór þess á leit við rotturnar af fá hjá þeim vélina í haust. Voru rottur búnar að gera sér gerein fyrir því að sennilega væri vélin nokkrum númerum of stór fyrir Illugaver og auk þess væri nóg að vera með eina bensín ljósavél og eina litla dísel vél. Auk þess væru vélarnar hvort eð er ónotaða og báðar díselvélarnar í bænum. Varð það til þess að Jón Ebbi gaf skálanefndinni grænt ljós á rottuvélina og þeir mættu taka vélina gegn því að láta af hendi raka 250.000 kall. Skálanefndin sá að þarna mætti snarredda ljósavélarmálunum í Setrinu. Þó svo að það hafi svo dregist að fara með vélina uppeftir. En það er nú ekki við öllu séð.
Skagfirðingar sá sér leik á borði og föluðust eftir afganginum af Listernum. Og vildu þeir reyna að lappa upp á hróið. Og var það frekar auðsótt mál, enda lá fyrir að Listerinn væri brotajárn, samkvæmt þeim upplýsingum sem lágu fyrir á þeim tíma, reyndar fór heilsu vélarinnar batnandi eftir sem á leið og voru fréttir af vélinni með þeim hætti að hún varð í betra og betra standi eftir sem á leið. Og núna þarf einungis að skipta um olíu á henni og setja í gang ???.
En hvað um það þá var bara gott mál að litli Listerinn færi bara í Skiptabakka, enda skáli í eigu klúbbsins ef einhver skildi ekki vita það. Svona einsog skáli Minjaverndar og austurlandsdeildar sem móðurfélagið lagði 2 miljónir í á sínum tíma. Þetta eru nefnilega skálar klúbbsins.
Hvað varðar vélarmálinn í Setrinu í dag þá liggja svo litlir peningar í vélunum þarna að, það mætti hreinlega kaupa nýja ljósavél einsog Listerinn og hafa rottuvélina þarna áfram sem varavél. Enda er húsið ónothæft ef eitthvað kemur fyrir ljósavélina. Svo þarf auðvita að klára umræðuna um aðra möguleika sem ég ætla ekki að fara út í enda renn ég örugglega á hausinn í þeirri flækju.
Mér gæti ekki staðið meira á sama um þennan 250 þús. kall sem að rotturnar fengu fyrir vélina sína. Enda veitir þeim ekki af því mér sýnist allt stefna í það að þeir þurfi að versla sér öflugar snjómokstursgræjur ef að þeir ætla að geta tekið á móti gestum án þess að þeir séu rassblautir á að renna sér inn í rottuholuna.
Og í staðinn fengum við vél sem að fyrir eigendur (fyrir rotturnar) tímdu ekki að setja í gang. En hvað um það við eigum það sem að ég myndi kjósa að kalla varavél.
–
Það sem að ég er bara að velta fyrir mér er þvílíku áhugaleysi sem að er í gangi gagnvart því að skoða gömlu vélina. En í ljósi nýjustu frétta væri ekki bara toppurinn að geta afhent Skiptabakkaskála rafstöð sem að er í lagi og reyna að gera við kvikindið. Annað finnst mér nú vera bjarnargreiði við þá.
–
Og ægir hjá mér er 85+85 um 170 lítrar sem að mun vera nokkuð í nágrenninu við 200 L á einni helgi.
-kv. stef … ekki sú skarpasta
Eyðslan sem Ægir gefur upp er í samræmi við það sem ég hafði sagt fyrir um, áður en þessum fjanda var dröslað uppeftir. Ef gert er ráð fyrir því að skálinn sé í notkun 100 sólarhringa á ári, þá er árseyðslan um 8000 lítrar. Miðað við núverandi verðlag þá kostar þessi olía um 800.000 kr, ef ekki er gert ráð fyrir kostnaði og fyrirhöfn við að flytja hana á staðinn.
Til samanburðar má hafa það í huga að olían sem þarf til að full kynda einbýlis hús á Íslandi, af samærlegri stærð og Setrið, 365 daga ári, er um 3-4000 lítrar á ári. Hvort þessari olíu er brennt með sóló vél eða rafknúnum brennara, breytir ekki öllu.
Mér finnst það lýsa ótrúlegri ósvífni, af hálfu stjórnar og skálanefndar, að fara svona með fjármuni félagsins.-Einar
Ekki veit ég hvar menn fá þessar eyðslutölur, 85 lítra á sólarhring?? Er þetta í manualnum sem fylgdi vélini þegar hún var ný og menn höfðu ekki hugmynd um hvernig menn gætu reiknað út eyðslu, ekki nema þeir hafi gert það eins og bílaframleiðendur í dag.
Er búinn að vera þarna þar sem ég hef sjálfur´séð þetta gerast að olían á tanknum klárist bara og vélin deyi eða sé við það að deyja. Fyrra skiptið var þorrablótið, þá var komið hús einhvern tíma eftir hádegi á laugardegi um 3 held ég, fyllt á tankinn og vélin dó um nóttina.
Seinna skiptið var þarna um páskana, komið í hús einhvern tíma eftir hádegi á laugardegi einhvern tíma milli 3-5 minnir mig, fyllt á tankinn og vélin dó fyrir hádegi á sunnudegi næsta dag. Eða þá drap ég á henni þar sem hún varla hékk í gangi og hélt ekki þeirri vinnuspennu sem þurfti.
Eftir því sem ég best veit þá er tankurinn 100 lítrar og fer því eittvað meira en 100 lítrar á sólarhing……
Kv, Kristján
ég ætla ekki að vera í neini odda hríð en mín reisla er personuleg og með opnu hugarfari. Fór tvær helgar í röð fira skiftið með þau skila boð að komast að retri eiðslu og og eftir fyri sólarhringin þá létum við vélina ganga án nokrar áhyggja seini solahringinn .
seni helgina fór ég með skálanefnd og þá var vélin látin ganga eftir minni formúlu ef formúla skal kallast .
en atriði er að filla tankin áður en klukkan er set í gang
Stfanía fyrir gefðu
Sumir talla um heila helgi sem laugardag og sunudag svo mér fanst betra að heimfæra þetta upp á sólahringbestu kveðjur Ægir
Gleyma menn þeirri staðreynd að gamli listerinn var keyrður á rúmlega 100% keyrslu og að jafnvel stendur til að stækka setrið og því þurfti alltaf að fá stærri vél þarna uppeftir hvort eð er.
Axel, það er alveg sama hvað við gerum, það er alltaf til fólk sem verður að vera á móti öllu og með leiðindi.
Kveðja
Spotti
Mér finnst vanta í þessa umræðu hvernig hægt er að minnka oliueyðsluna með því að spara rafmagnsnotkuna.
Í húsinu eru að mig minnir 3 rafmagnssofnar 2 kw hver, þessa ofna er óþarfi að að nota nema rétt á meðan miðstöðin er að hitna með þessu er hægt að spara 6 kw. til að ekki gleymist að slökkva á þessum ofnum væri best að hafa þá á sér lögn með tímarofa.
Á klósetganginum eru 2 ofnar ef hægt væri er best að setja þar upp vatnsofna og tengja við miðstöðina (miðstöðin nýtir oliuna mun betur en díselvél)
Útiljósið í staurnum er stór glópera ca 1kw með því að skipta henni og öllum öðrum perum í sparperur mætti spara líka.
Ef þetta er lagt saman mætti kanski minnka álagið á vélinni um 10kw og það væru margir oliulítrar á ári.
Þetta eru bara pælingar sem mér finnst að mætti skoða en alls ekki ádeila á neinn.Sigurður Guðmundsson.
Reyndar held ég að kastarinn sé nú bara einhver 250 watta Natríum pera… en ok rétt með ofnana og það allt, þetta er hægt að skoða.
Áður en blessuð sleggjan var keypt af rottunum þá voru þónokkrir að reyna að leiðbeina skálanefnd varðandi ljósavél og kyndingarmöguleika.
Það eina sem skálanefnd svaraði var að fólk ætti ekki að skipta sér af málefnum nefndarinnar.
Nú er niðurstaðan komin, alltof stór vél sem eyðir helling og rafmagn notað til kyndingar,
Samanlagt gerir þetta lélegustu orkunýtingu sem hægt er að hugsa sér, allar aðra lausnir voru betri.
Þetta er orðinn hlutur og verður ekki breytt nema að hugsa allt dæmið upp á nýtt.
Ég ætlaði ekki að vera að nudda í þessu, en gat ekki orða bundist.
kveðja Dagur
You must be logged in to reply to this topic.