Skálamál

Umræður um að læsa skálum eru ekki ný til komnar. Undirritaður hefur séð um ein skála Útivistar á hálendinu í sjálfboðastarfi í nokkur ár og þekki þvi vel til umgengni manna í þessum skálum og hversu vel og ílla menn greiða fyrir gistingu. Fyrir um 4 árum lagði ég það til að skálum Útivistar yrði læst að vetri en mönnum leist ekki vel á það þá og ákveðið var að reyna til þrautar með áróðri að fá fólk til að ganga vel um skálana og borga skálagjöld. Þetta skilaði engum árangri og endaði með því að ákveðið var að læsa skálunum. Menn geta kallað það uppgjöf en ég lít svo á að það sé engin önnur leið, slussarnir verða að læra að bera virðingu fyrir þessum eignum og þeirri vinnu sem umsjónarmenn skála eru að leggja á sig í sjálfboðavinnu. Ég sætti mig ekki við að flytja olíu og vistir fyrir fólk sem ekki ber neina virðingu fyrir eignum og vinnu annarra. Því miður kemur þetta niður á þeim sem hafa hagað sér vel í þessum efnum en heiðarlegum ferðamönnum ætti ekki að vera skotaskuld úr því að ná sér í lykil að þeim skálum sem fyrirhugað er að gista í.

Þetta veldur því að menn verða að skipuleggja ferðalögin betur sem er auðvitað í sumum tilfellum skerðing á þessu frelsi sem við höfum haft en á hin bógin verður nýtni skálanna betri og menn komast ekki upp meða að pannta skála hist og her og nota þá svo etv. ekki.

Kveðja, Gunnar

Fastur kemur beint að kjarna málsins. Það gengur ekki að menn panti gistingu hér og þar og allstaðar sem þeir hugsanlega geta komið við á. Þetta gengur ekki upp gagnvart þeim sem reka skálana og þetta gengur ekki upp gagnvart öðrum ferðamönnum sem þá þurfa að sitja heima vegna þess að einhver frekjudallur pantaði alla skálana.

Þegar þarf að sækja lykil til umsjónarmanna skála verður borgað bæði fyrir gistingu og skilagjald fyrir lykil þannig að menn hætta þessu rugli með að panta skála hist og her öllum í óhag nema þeim sjálfum þá stundina. Og skálagjald verður að inna af hendi áður en lagt er af stað í ferð því reynslan sýnir að eftirágreiðslur berast mjög ílla til rekstraraðila. Þetta er ekkert erfit menn þurfa bara að hugsa aðeins áður en lagt er af stað. Punkturinn um tjaldið er líka góður, frelsið verður ekki meira en með góðu jöklatjaldi.

Auðvitað er alltaf einhver fyrirvari á því að maður nái á áfangastað og því veður að meta það í hvert sinn hvort endurgreiða eigi greidda gistingu ef viðkomandi hefur ekki komist á áfangastað af einhverjum orsökum.

Mér finnst Skúli leggja upp með góðan þráð hér að ofan og umræaða um þessi mál af hinu góða. Klúbburinn gerði líklega best í því að beita sér fyrir betri umgengni í skálum líkt og hann hefur beitt sér fyrir að stöðva utanvegaakstur með ágætum árangri (þó utanvegaakstur á leið inní Jökulheima sl. vetur sé til skammar og sé etv. vitni um að hamra verður á þessu aftur og aftur).

kv, gh

Eitt held ég að eigi eftir að vera vandamál við þetta fyrirkomulag og þá sérstaklega í Laugunum. Hvað gerist þegar átta manna hópur sem pantaði og fékk lykil hefur komið sér fyrir og tíu kallar mæta sem ekki höfðu pantað og riðjast inn ??? Varla fara menn að læsa á eftir sér þegar þeir fara út að pissa svo aðrir komist ekki inn. Um morgunin stingur þessi hópur af án þess að þrífa eða gera nokkra grein fyrir ferðum sínum eða borga. Hver á að standa í því að rukka þetta lið eða á maður bara að læsa á eftir sér þegar maður fer út að pissa. Þetta á trúlega eftir að vera vandamál í Laugunum, sem er vinnsæll "skreppustaður".

Hlynur

Hlynur, þú punktar niður númerin á bílunum og lætur Ferðafélagið hafa listann ásamt fjölda. Að vísu er hæpið að það takist að rukka menn í svona tilfellum, en þá liggja þó fyrir einhverjar upplýsingar um hverjir þetta eru.

Þetta er reyndar þekkt vandamál í dag. Einhvern tíman pöntuðum við sex pláss á Grímsfjalli og fengum lykil. Þegar við mættum á svæðið var skálinn fullur og allir farnir að sofa, en aðeins lítil hópur þar átti pantað.

Kv – Skúli