Skálagjöld á fjöllum

setja upp posa hef ekki séð peninga í mörg ár að hækka félagsgjöld er sama og fækka félögum því félagsgjöld eru nú þegar of há sem sést best á innheimtunni

Auðvitað gerir hver og einn sér fulla grein fyrir því að með því að greiða ekki skálagjöld er sá hinn sami að stimpla sig ómerking; einnig gagnvart sjálfum sér, ef hann telur sig komast upp með það að greiða ekki því enginn sjái. Þar skilur milli manns og ??????? Er það þess virði? Hér verður að koma til hugarfarsbreyting, sem ekki næst fram nema með síbylju, því miður. Það þarf stöðugt að vekja máls á því að SVONA LAGAÐ GERI MAÐUR EKKI, þótt ekki nema sjálfsvirðingar sinnar vegna. Þó verður áróðurinn að vera á jákvæðum nótum svo unnið sé með en ekki á móti sálartetrinu. Hins vegar sýnist mér að aldrei verði sú leið fundin sem tryggi til fullnustu að menn standi skil á sínu, ef óartin ræður ferð.
Að auki vil ég segja þetta, og tek þá undir sumt af því sem aðrir hafa sagt:
1. Ekki hugnast mér að læsa skálum. Við verðum að geta ekið út í óvissuna og hagað seglum eftir vindi hverju sinni og láta veður og skap ráða næturstað.
2. Ég er þó hlynntur því að sá hluti hvers skála sem hefur verið læstur fram að þessu sé svo áfram. Þar skal skipt um skrár og endurnýja með númeruðum skrám; nýir lyklar verða því ekki gerðir nema með leyfi.
3. Aðgangur að olíu og gasi í Setrinu sé háður lyklavöldum (þ.e. gámurinn einnig læstur). Þeir sem nota framskálann greiði þá e.t.v. lægra gistigjald.
4. Ekki er sjálfgefið að hafa gas tiltækt í ólæstum hlutum annarra skála.
5. Á höfuðborgarsvæði hafi Nikki, eða staðgengill hans lyklavöldin. Samskonar kerfi sé í landshlutadeildum. Þangað og ekki annað séu lyklar sóttir. Skálagjöld séu þá gerð upp, eða þegar lyklum er skilað. Þeir sem hafa lykla að skála hverju sinni eru jafnframt ábyrgir fyrir þeim hluta skálans sem lykil þarf að. Þetta þýðir að þeim ber að læsa á eftir sér þeim hluta skálans, mannlausum.
6. Þeir sem einungis nota ólæsta hluta skála á vegum F4x4 taka Gíró-seðil sem þar verði tiltækur og greiði í næsta banka eða um tölvu í heimabanka. Þennan hátt skal fremur kjósa en að setja fémætt í ?Baukinn? sem kann að freista óstaðfastra sálna (hvernig er það annars, hefur baukurinn verið í friði til þessa?).
7. ?Njósnavél?. Æ nei, helst ekki. Væri þá ekki jafnframt ástæða til að setja eina upp í Setunni og telja klósettrúllur í mannskapinn?! ? En í alvöru talað, ef myndavél, þá einungis í forstofu við dyrnar inn í framskála (og samt er ég efins um gagnsemina).
8. 1000 kr gistigjald; hvað er það miðað við pylsu, kók og mærubland í poka á Select áður en lagt er íann? (spyrjið Húsavíkurdeildina hvað mæra þýðir!) – Og í því ljósi, sjá menn virkilega ekki RUGLIÐ, þeir sem ekki hirða um að greiða gistigjald???
9. Og svo er vitanlega hægt að hafa þann háttinn á að fella skálagjöld niður og hækka félagsgjöldin svo þau dugi til alls rekstrarkostnaðar félagsins, og samt sé borð fyrir báru.
10. Að lokum: farsælast er þó að gjöldum sé í hóf stillt og hver borgi það sem honum ber.

Samheldnina í fyrirrúmi innan F4x4

Kveðja
SH

Sælir félagar…
Er ekki bara orðið spurning um að fara alveg ótroðnar slóðir með innheimtuna…

Ég sting uppá að skipt verði um skrár í Setrinu og lyklar verði síðan leigðir á ársgrundvelli.

Þetta mundi leiða af sér að þeir sem telja sig þurfa á lyklum að halda þurfa væntanlega á Setrinu að halda líka og eru því akkúrat þeir sem eiga að greiða fyrir aðstöðuna.

Með skálakveðju
Kalli

Búinn að lesa allt það sem er hér á undan og satt að segja þekkir maður þessar vangaveltur allar eiginlega alltof vel. Þekki til þessarar umræðu bæði af vettvangi 4×4 og Ferðafélags Skagfirðinga, sem ég er búinn að vera félagi í síðan það var stofnað. Hér nyrðra hefur gíróseðlaaðferðin verið notuð bæði af FS og Skagafjarðardeild 4×4. Sömuleiðis eru hengd upp spjöld á áberandi stöðum þar sem gistigjöld eru tilgreind og hvert má skila þeim. Enginn þessara 5 skála, sem eru á vegum Skagfirðinga er læstur, utan að Þúfnavallaskáli FS er læstur yfir sumarið. Í engum þeirra hefur til þessa verið gæsla. Innheimta gistigjalda hefur verið afar fátækleg. Í Ingólfsskála, svo dæmi sé tekið, greiða varla aðrir gistigjöld en starfsmenn Orkustofnunar, og veit maður þó að hann er talsvert notaður og þar fer MIKIÐ af gasi, sem hefur eins og allir þekkja hækkað ofboðslega síðustu ár. Fólk hefur velt þessu máli fyrir sér fram og aftur, því það að hafa gæslufólk kostar líka peninga og óvíst hvernig nettóútkoman úr dæminu yrði í skálum, sem eru kannski ekki á allra mestu ferðasvæðum. En það hlýtur að verða brýnt úrlausnarefni fyrir félagsmenn þessara félaga fyrr eða síðar, hvort og hve lengi er hægt að láta árgjöld félagsfólks standa undir rekstri slíkra skýla, ef allt aðrir einstaklingar eru svo að nýta sér þá sem viðdvalar- og næturstaði á ferðum sínum. Svoleiðis hugsjónamennska getur verið réttlætanleg gagnvart allslausu flóttafólki, en varla þeim sem geta kostað því til að aka á þeim dýru farartækjum sem þarf til vetrarferða, hvort sem við erum að tala um sleðafólk eða 4×4. Við höfum líka séð evrópsk ferðakort af Íslandi, þar sem beinlínis eru merktir ferðaskálar og neyðarskýli með þeirri umsögn, að þarna megi gista án þess að greiða fyrir. Ég veit til þess að skálarnir á Eyvindarstaðaheiði (við Galtará og Ströngukvísl) sem eru í eigu upprekstrarfélaga en voru kostaðir af Landsvirkjun á sínum tíma, eru lokaðir og gæsla í þeim yfir sumartímann, enda eru þeir beinlínis leigðir út í því skyni. Ennþá lengra eru þeir komnir með skálann við Áfangafell við Kjalveg, vestan Blöndulóns, en þar er svipaður rekstur og í Hrauneyjum. Kannski verður þetta niðurstaðan með flesta þá skála, sem ferðafólki þykir einhver akkur í að gista í. Þá getum við sennilega þakkað "Jóakimunum" fyrir það að gistikostnaður á slíkum ferðum verður kominn í Hilton klassa.

Sælir félagar.

Mér finnst þetta vera frekar einfalt mál. Það á að skipta um skrár í báðum skálunum (Árbúðum og Setrinu) og síðan eiga þeir sem fá lykla að leggja fram t.d. 5.000 kr. skilagjald sem þeir fá síðan endurgreitt mínus ógreidd gjöld þegar lyklum er skilað aftur. Menn eiga að skila lyklum að lokinni ferð. Þetta útheimtir ennþá að það verður að treysta mönnum til að ljúga ekki til um fjölda gistinátta/gistiþega.
Það eru gömul sannindi og ný að þeir sem svíkja og svindla skapa reglurnar . Því miður. Við hin sem stöndum í skilum verðum að bíta í það súra. Auk þessa finnst mér alveg sjálfsagt að hækka gjaldið ´a.m.k. 1.000 kr. það er nánast "fáránlega" lítið að hafa það 500 kr.

Við vorum á 8 bílum um síðustu helgi í Skiptabakkaskála, mjög fínn skáli, og höfðum þann hátt á að einn okkar sá um að safna skálagjöldum í lok ferðar og sá síðan um að skila þeim í réttar hendur. Mjög einfalt.
Ferðakveðja

Hjörtur
E-1321

Sælir.

Ég ætla ekki að þykjast hafa töfralausn á innheimtumálunum. En mér dettur nú í huga að stundum gleymi menn hreinlega að borga gjöldin þegar í bæinn er komið, án þess að ætla sér að svíkjast um. En hitt er ábyggilega algengara að menn hreinlega svíkist um viljandi.

En í sambandi við að hafa rafræna aðgangsstýringu, þá þekki ég nokkuð til þar. Svoleiðis búnaður er ekki heppilegur til notkunar í skálum. Fyrir það fyrsta er ekki líklegt að hita og rakasveiflur færu vel í hann, og svo er þetta tölvustýrt. það er svosem ekki útilokað að þetta gæti gengið, en því væri ekki að treysta.

Mér lýst betur á þá hugmynd að setja myndavél sem horfir á innganginn og tekur mynd af þeim sem ganga um. Það eru tæki sem auðveldlega mætti setja upp við þessar aðstæður og krefjast ekki annars en 12v. geymis og sellu.
Aðal gallinn við svona dót er að myndavélin er mjög dýr.

Kv.
Emil

Ég er sammála PBG, hver ætti svosem að sitja yfir spólunni og bera kennsl á menn, telja þá og bera saman við seðlana í kassanum?
Fyrir utan það að þótt kameran sé með klukku þá eru seðlarnir það ekki og því ekki hægt að sjá hvort það er þessi hópur eða næsti hópur sem borgaði ekki, eða hvort einhverjir einstaklingar ekki borguðu.
Eftirlitsmyndavélar eru mjög ofmetin tæki.
Hinsvegar er spurning um þessa rafeindalykla, hvort að búnaðurinn gæti virkað þegar rafmagnið er ekki til staðar. Segjum til dæmis að það enginn komi og setji rafstöðina í gang í 2 vikur, svo kemur einhver og ætlar að skrá sig inn en aðgangskerfið er dautt?

Enn um raflyklana..teknique það þyrfti sennilega að vera sér rafkerfi fyrir kerfið þeas geymir og sólarsella til að koma ekki að læstum kofanum einhverntíman…
Annars vantar kannski bara öfluga áróðursherferð til að koma þessum málum í lag. Ég skal alveg viðurkenna að ég hef oft á árum áður verið kærulaus í sambandi við skálagjöld, enda oft á tíðum í hinum ýmsu gangnamannkofum sem maður hefur verið að gista í engar upplýsingar um skálagjöld. Sumstaðar er bara ekki gert ráð fyrir slíku. Það er svoldið annað mál í dag þegar þessir skálar eru orðnir útbúnir með allskonar þægindum, rafmagni , kyndingu vatni og fleiru. Þá er að sjálfsögðu kominn rekstrarkostnaður sem er allt annar en í hráum gangnamannakofa fortíðarinnar. Svo er þetta líka þetta gamla (svíkja undan skatti) hugarfar okkar Íslendinga og menn halda að þeir séu að hagnast á þessu. Ætli gróðinn af því að stela skálgjaldinu, heilum 500 eða 1000 kalli verði ekki sá að einn góðan veðurdag þegar men mæta á svæðið til að gist frítt, verði bara búið að læsa öllu draslinu, mæti mönnum bara skilti með upplýsingum um hvar þeir hefðu getað bókað gistingu og fengið lykil. Góður gróði það…. Þarf ekki bara að hamra þetta inn í skeljarnar… Birta td rekstrarreikning fyrir skálana… útskýra hvað er í gangi og gera það bara oft..Hver veit
Kveðja
Pétur Gíslason

Vegna vangaveltna ykkar viljum við í skálanefndini koma eftirfarandi á framfæri.

1- Skipt var um lykla í vinnuferð í ágúst 2002
2- Allir þeir sem voru með lykla áður sem sagt þessir 2-300 sem við gátum ekki fengið upplýsingar um frá fyrri skálanefnd geta ekki notað þá lengur.
3- Allir lyklar sem frá okkur fara í dag eru niður skráðir.
4- Jón Snæland einn getur látið smíða lykkla.
5- Okkur hefur boðist myndavél okkur að kostnaðarlausu en ekki hefur verið tekkin nein ákörðun um það.
6-Skálagjöldin eru 800 kr fyrir félagsmenn og 1300 fyrir utanfélagsmenn.
7-Það stendur til að skipta út skrá Árbúða einnig.
8-Pétur Gíslasson það vantar í skálanegnd, kondu og bjóddu dig fram og talaðu þá við Magna í skálanefnd.
9-Innheimta skálagjalda hefur gengið betur og er nú búið að innheimtast 700,000 síðan í fyrra vor.

Vonar skálanefndin að þetta útskíri eitt og annað

Skálanefnd.

Já gauitoy..það væri fróðlegt að vita hvers konar skilyrði menn þyrftu að uppfylla til að fá lykil. Hvað sérðu fyrir þér. Og ef þú segir að það sé alveg sama hvað gert er menn finni alltaf leið framhjá því, finna menn þá ekki bara leið framhjá þessu líka? Mér finnst þetta samt hljóma eins og með tjakkinn… ef menn eru sanfærðir um að eitthvað sé ekki hægt, þá er það ekki hægt…og öfugt.
Ofsi… það er ekki hægt annað en að taka svona opinberri áskorun. Ef þú heldur að ég geti gert eitthvað gagn í skálanefndinni þá er ég alveg til í það. Þú kannski meilar á mig hvar ég get nálgast ykkur, eða kannski bara hringir í mig. Það er… petur@hvammsvik.is eða 893 1791
Kveðja
Pétur Gíslason