This topic contains 7 replies, has 1 voice, and was last updated by 
-
Topic
-
Sælir félagar.
Ég var í Grímsvötnum um helgina og gisti í skálanum þar. Gisting þar kostar þar 1800kr. per mann nóttin. Mér finnst þetta ansi mikið!!!!!!! Þegar hjón/pör þurfa orðið að borga 7200kr fyrir eina helgi. Mér skilst að það sé orðið álíka dýrt að gista á Hveravöllum. Hvað finnst mönnum um þetta, er þetta í góðu lagi eða er þetta of dýrt? Persónulega held ég, að þegar þetta er orðið svona dýrt, leiti menn leiða til að sleppa því að borga skálagjöld. Tók t.d eftir því að hópurinn sem var í skálanum þegar við komum skrifaði ekki í gestabók, enda tók hann sénsinn á því að við kæmum ekki, þeir áttu ekki skálann pantaðan. Ég geri mér fulla grein fyrir því að þetta er fjáröflunarleið hjá Jöklarannsóknarfélaginu og aðstaðan hjá þeim þarna er í alla staði til fyrirmyndar
Hvað seigið þið, er ég nískupúki eða er þetta of dýrt? Að lokum vil ég svo taka fram að ég BORGAÐI SKÁLAGJÖLDIN fyrir mig og mína.
Kveðja Guðni
-
Replies
-
Persónulega finnst mér þetta gjafverð og þeir sem fara að "leita leiða til að sleppa" við þessi skálagjöld ættu kannski að athuga hvað það kostaði þá að komast á staðinn. Held að það sé ansi vel sloppið ef eldsneytiskostnaður stystu leið rvk Grímsfjall og til baka er undir 10.000. Nesti fyrir tvo 5-6000 og svo eitthvað til að skola kverkarnar að ég tali nú ekki um 100 þúsund kallana sem kostar að halda druslunni gangandi. Sko 7000 kall fyrir ykkur hjónin í lúxus fjallaskála inn á miðjum Vatnajökli með gufubaði raflýsingu fyrirmyndar eldunaraðstöðu og frábæru útsýni er bara tombóluprís. Hefur þú einhverja hugmynd um hvað það kostar að reka svona skála. Samt er öll vinna þarna sjálfboðavinna. Veit reyndar ekki hvað þetta kostar allt, bara veit það er dýrt.
Reynum nú að hlúa vel að þessum skálum sem við getum fengið til afnota á hálendinu því það er als ekkert sjálfsagt að þeir séu þarna. Þetta er ekki svona bissnes sem kauphöllin hefði áhuga á að blanda sér í, ekki alveg sama framlegð og í bankakerfinu. Ekki þessa nísku.
Kveðja
Pétur B Gíslason
Anonymous- Umræður: 0
- Svör: 16404
Jöklarannsóknafélagið er með hærra gjald á Grímsvötnum en í öðrum skálum. Jökulheimar og Esjufjöll er 1200 krónur nóttin fyrir utanfélagsmenn og aðrir skálar 900. Ferðafélagið rukkar utanfélagsmenn 1600-1700 í flestum skálum. Miðað við að skálinn er staðsettur á miðjum Vatnajökli sem gerir viðhald og rekstur dýrari held ég að þetta sé ekki dýrt. Það er talsvert dæmi að fara þarna uppeftir með gaskúta, tæma kamarinn o.s.frv.
Kv – Skúli
Sælir
Auðvitað er 6 – 7 þúsund fullt af peningum fyrir gistingu í skála en það má ekki gleyma því að það er dýrt að reka þetta.
Nú hefur Litla deildin farið í ferðir þar sem að gist var á þremur mismunandi stöðum. Þeir voru:
Hólaskógur – 1600 kr á mann
Breiðabólsstaður – 1500 kr á mann
Hellishólar – 1500 kr á mannÁ öllum þessum stöðum er topp aðstaða með öllum sem maður getur þurft í svona ferðum. En þetta eru verðin sem að hægt er að fá niðri á láglendi og því finnst mér mjög skiljanlegt að það þurfi að rukka talsvert hærra á stöðum eins og Grímsfjalli og annarsstaðar á hálendinu.
Maður verður bara að sætta sig við það að þetta er ekki ódýrt áhugamál og það að helgarferð fyrir 2 kosti ca 30.000 með öllu er svo sem ekki svo voðalegt – það væri dýrara að fara með konuna í helgarferð til London :-).
Kveðja
Benedikt
Já, enn og aftur fer umræðan um skálagjöldin af stað. Held reyndar að það sé nánast útilokað að koma því fólki, sem reynir að koma sér hjá að greiða hin hógværu gistigjöld, sem krafin eru í skálunum, í skilning um staðreyndir málsin. Ég sé hinsvegar fyrir mér, eftir að hafa lesið fyrri skrif um þetta efni, að allt stefnir þetta í að félagsfólk þeirra gefist upp á að vinna við skálana í sjálfboðavinnu, þegar fjöldinn allur af þeim sem þá notar er ófáanlegur til að greiða fyrir afnotin. Þar með gerist annað tveggja, skálarnir fara í niðurníðslu og verða ónothæfir til gistingar eða þeim verður lokað. Ekki hef ég trú á að einhverjir fáist til að kaupa þá og reka suma hverja þótt einkavæðingin sé í tísku. En svona er þetta bara. Ég er ekki til í að greiða fyrir gistingu annarra með peningum eða vinnu, þessir aðilar eru það ekki heldur, en vilja samt nota gistinguna.Allir lifa eftir boðorðinu: Ég á alltaf réttinn, einhver annar á að greiða.
Ef maður er félagi í JÖRFI borgar maður 1400kr fyrir gistinguna á Grímsfjalli, en 1800kr ef maður er utanfélagsmaður. Það borgar sig fyrir mig að vera í JÖRFA, enda búinn að fara þrjár ferðir á Vatnajökul í vetur.
Hlynur
Þetta er nú alveg rétt hjá ykkur félagar, auðvitað kostar helling að halda úti þessum skála á Grímsfjalli, enda er hann snilld og aðstaðan þarna frábær og þegar ég fór að lesa þráðin hérna og spá í þetta uppgvötaði ég það. Tek undir mað Ólsaranum að það er óþolandi að borga skálagjöld fyrir e-h aula sem ekki tíma því. Við komum í skálann kl.4 um nóttina, og þá voru þarna búnir að hreiðra um sig menn sem ekki áttu pantað, tóku sénsinn að eingin myndi koma í þessu veðri og fóru eldsnemma án þess að tala við kóng eða prest. Þessir menn borguðu örugglega ekki gistinguna þessa nótt!!! En Hlynur, þú seigist hafa gengið í Jöklarannsóknarfélagið, gerðiru það bara til að lækka hjá þér skálagjöldin eða býðst þér líka að taka þátt í starfseminni þeirra? Þeir voru að störfum þarna á sunnudeiginum og mér fannst forvitnilegt hvað þeir voru að gera, en kunni ekki við að vera að trufla þá enda var veðrið kolvitlaust. Geturu frætt mig e-h meir um þetta Jöklarannsóknarfélag?
Kveðja Guðni
Ég gekk í JÖRFI fyrir nokkrum árum, áður en verðskrá fyrir skálagjald var breytt. Ekki get ég sagt að ég hafi tekið þátt í starfi JÖRFI nema þá að mæta á fundi, borga árgjaldið og lesa Jökul, sem kemur út einu sinni á ári. Þessum krónum sem maður eyðir í árgjald er ágætlega varið (minnir að árgjald JÖRFI sé ca 3000-4000kr) og skálarnir hjá félaginu og þá sérstaklega Grímsfjall eru góðir viðkomustaðir fyrir okkur jeppakalla og konur.
Annars mæli ég með að þú skoðir heimasíðuna hjá félaginu. http://WWW.jorfi.is
Hlynur
You must be logged in to reply to this topic.