This topic contains 5 replies, has 1 voice, and was last updated by 
-
Topic
-
AnonymousAf gefnu tilefni langar mig að benda ferðafólki og þeim sem bóka í skála Jöklarannsóknarfélagsins að samskipti og bókanir og önnur samskipti sem máli skipta séu staðfestar með tölvupósti eða annan skriflegan hátt.
Við félagarnir höfðum undirbúið ferð á Grímsfjall í 4 mánuði og verið í sambandi við umboðsmann Jöklarannsóknarfélagsins í því sambandi. Við bókuðum báða skálana á Grímsfjalli föstudags og laugardagsnótt 21-21 mars og til vara fyrir 25 manns í Jökulheimum á föstudagnótt.
Við sáum síðan á spjallinu og heyrðum af því að búið væri að bóka annan hóp á Grímsfjall a.m.k. á föstudagsnótt. Þegar umboðsmaður Jöklarannsóknarfélagsins var spurður þá sagði hann bókanir okkar vera á allt annan veg en við höfðum talað um við hann í 4 mánuði. Ég tek það fram að það var alltaf sami maðurinn í sambandi við hann allan þennan tíma og var ég vitni að mörgum símtölum hans við umboðsmanninn.
Skemmst er frá að segja að ekki viðraði í turinn og hvorki við né hinn hópurinn komst á staðinn þannig að ekki reyndi á það að þrengja 35 manns í skálana.
Minn tilgangur með þessum skrifum er fyrst og fremst sá að vekja athygli manna á því að við skipulagningu ferða þá verða þeir að geta treyst því að Jöklarannsóknafélagið tvíbóki ekki í skálana og að pöntun sé staðfest annað hvort á faxi eða með tölvupósti.Einar Gylfason R-2322
-
Replies
-
Hvernig var það, fóru þið af stað í þennan túr og hvernig var færið þarna ef þið fóruð.
Var einhver á ferð í vikunni sem er að líða um þessar slóðir.
Anonymous- Umræður: 0
- Svör: 16404
Sæll Beggi,
færið í Jökulheima var erfitt, það heyrðum við á hinum hópnum sem komst aldrei inn úr og var á ferðinni alla nóttina og eitthvað fram á morgunn.
Við fórum hins vegar á aðrar slóðir eða upp á Búðarháls og yfir hann fengum fína dagsferð út úr því. Bolli er með myndir af því á síðunni sinni http://www.pbase.com/bolliKveðja
Einar Gylfason R 2322
Anonymous- Umræður: 0
- Svör: 16404
Sælir
Ég var í hinum hópnum sem átti bókað í Grímsvötnum þessa helgi, en er ekki sami hópur og var að reyna að brjótast inn í Jökulheima á föstudeginum (veit ekki með þeirra bókanir). Þær upplýsingar sem við fengum var að Einar Gylfa & co. ættu Jökulheima bókaða föstudagskvöld og Grímsvötn laugardagskvöld þannig að við bókuðum Grímsvötn föstudagskvöldið og ætluðum þaðan inn í Sigurðarskála á laugardeginum. Villi hefur greinilega eitthvað misskilið ykkar plön þar sem þið voruð með tvær bókanir föstudagskvöld.Okkur leist hins vegar þannig á aðstæður að réttara væri að fara norður fyrir jökulinn, en við vorum með lykil að Gæsavötnum og í sambandi við umsjónamenn skálans þar. Nánari ferðasaga er á Káravefnum og myndir væntanlegar þangað næstu daga. Auk þess eru myndir á þessari slóð:
http://klaki.net/gutti/03mar21/index.htmlKv – Skúli
Anonymous- Umræður: 0
- Svör: 16404
Við vonum að það hafi verið misskilningur milli okkar og Villa og því er ég að brýna fyrir mönnum að fá staðfestingu á bókunum til að skálar yfirfyllist ekki.
Mér skilst að það hafi verið hópur á Grímsfjalli fram á laugardag, sem var veðurtepptur þar eftir veðrið sem gékk yfir landið á fimmtudaginn.
Kára hópurinn sem við Skúli vorum í, fór upp á jökulinn frá Dyngjuhálsi. Þaðan virtist greið leið áfram, t.d. á Grímsfjall, en við héldum áfram Gæsavatnaleið og gistum um í Dreka eftir að hafa skoðað Dyngjujökul.
You must be logged in to reply to this topic.