This topic contains 3 replies, has 1 voice, and was last updated by 
-
Topic
-
Flottar myndir í sjónvarpinu. En það er líklega vissara að fara varlega að þessu ef mönnum dytti í hug að fara og skoða. Væri áhugavert að fá hnitin af ytri mörkum beggja katlana til að setja inn á kort hjá sér svo maður álpist ekki inn á þetta svæði. Veit einhver um kort sem sýna katlana eða geta búið til Route sem nokkurskonar border um báða katlana. Ef einhver getur búið það til eða á til þá hefði ég áhuga á að fá það sent.
Kveðja
Agust Thor.
-
Replies
-
Skaftárkatlar eru á 50000 kortum og eins held ég að nýjustu kortin í Garmin tækjum séu með þá inni. Ekki beint frínilegt að keyra oní þá núna.
Góðar stundir
Já þetta eru ekkert smá flottar myndir sem voru í fréttum hjá RUV.
Við erum að fara þarna uppeftir um helgina og ég held maður láti það bara alveg vera að koma nær þessu en sem nemur nokkrum kílómetrum. Enda snjóar væntanlega á þessu svæði næstu daga og því gætu ystu sprungurnar hæglega horfið undir þunna snjóföl. Ómar sagði að stærri ketillinn væri um 1800 m í þvermál en ég myndi þó aldrei þora svo nærri honum.
Benni
Ég var á vorfundi Jörfí í kvöld þar sem bætt var inn aukatriði um katlana með skömmum fyrirvara. Magnús Tumi lýsti því m.a. að hafa verið að fara til að mæla katlana 2003 ef ég man rétt og þeir urðu varir við óvenju stórar sprungur sem hrundi óvenjumikið úr þegar þeir voru að nálgast katlana (voru á sleðum).
Enda var það raunin að það var akkúrat að hefjast hlaup þegar þeir voru að nálgast þá – hverjar eru likurnar á því 😉 En þeir sluppu með skrekkinn, en þeim þótti þetta náttúrulega óhemjuspennandi eins og sönnum vísindamönnum 😉
En þeir Jörfí menn fara nokkuð reglulega ofaní katlana til að GPS-mæla hæðina á þeim en það er þá væntanlega yfirleitt á sleðum.
Þeir ætla meðal annars að fara núna fljótlega í vestari ketilinn (ekki sá sem hljóp úr núna) og ætla að bora ofan í hann miðjann niður á botn til að framkvæma mælingar þar.
Eitthvað rámar mig líka í að hafa heyrt Fjalla segja sögu af því fyrir nokkrum árum að þegar þeir voru að byrja að ferðast hér á bílum á jöklunum (bara með Loran) þá hafi þeir í þoku skyndilega komið að háum ísvegg og höfðu þá óvart keyrt inn í annan hvorn ketilinn akkúrat á þeirri hlið þar sem það er hægt án þess að fara fram af neinu(SV-hliðinni ef ég man rétt).
Þannig að þetta er allt hægt, en sennilega ekki sniðugt svona rétt eftir hlaup 😉
Arnór
You must be logged in to reply to this topic.