„Sjálfstætt fjöðrunarsvið“

Skúli hefur nefnt það nokkrum sinnum að hann hafi tekið eftir því að það þurfi oftar að hjálpa þeim sem eru á klafabílum en þeim sem eru með rör að framan. Ég hef hins vegar tekið eftir því að það þarf oftar að hjálpa bílum sem eru sjálfskiptir. Nú ferðumst vð Skúli oft saman þannig að þetta eru reyndar að mestu sömu bílarnir.

Þangað til fyrir 2 árum átti ég jeppa með IFS. Ég hef ekki fundið að þeim sé hættara við að festast, en ég finn mun eftir gírhlutföllum og því hvernig læsingar er til staðar. Ég hef ekki komist upp lag með að losa sjálfskipta bíla úr festum án utan aðkomandi aðstoðar og hefur sýnst af því fylgjast með ferðafélögunum, að það þurfi mikla reynslu og æfingu til þess að verða fær í að aka sjálfskiptum bílum í þungu færi án þess að spóla undan hjólunum af og til.

Mér finnst sú staðhæfing Björns Þorra að sjálfstæð fjöðrun sé þróaðri en sú þar sem bæði hjólin er fest á sama stykkið (rör) fráleit. Báðar aðferðir hafa verið notaðar í marga áratugi. T.d var Austun Gipsy jeppinn með sjálfstæða fjöðrun að framan og aftan fyrir 40 árum. Og heilar hásingar hafa verið notaðar í mörgum vel heppnuðum lúxus jeppum, t.d. Ranger Rover, Land Crusier 80 og Jeep Grand Cherokee. Þegar MMC breytti pajero jeppanum og setti sjálfstæða fjöðrun að aftan, versnuðu aksturs eginleikar bílsíns samkvæmt prófunum [url=http://www.consumerreports.org/static/0107mit0.html:2pkh42r4]Bandarísku neytendasamtakanna.[/url:2pkh42r4]

-Einar

Sælir enn og aftur
Það er rétt að það er nú sennilega u.þ.b. búið að segja hér flest sem segja þarf. En að vísu úr því menn draga svo mjög í efa þær kostnaðartölur sem ég set fram varðandi breytingar á Defender þá verð ég greinilega að rökstyðja það betur. Það væri reyndar fróðlegt að sjá hjá Ebba hvaða tölur hann fékk nákvæmlega hjá Snorra og ekki síður mikilvægt, hvað er innifalið í því. Það var nefnilega sá sami Snorri sem ég fékk mínar upplýsingar. Það var að vísu lauslegt skot í gegnum síma, 2-300.000 eftir því hvort eitthvað hafi verið hreyft við stífum við 35? breytinguna, sem var reyndar ekki í mínu tilfelli. Málið er að þetta er að mestu leiti tiltölulega einföld smíðavinna, gormasæti á grind færð niður (eða raunar snúið við þannig að þau koma neðst á grindina í staðin fyrir efst) og stífur síkkaðar. Svo hef ég séð að einum arm í stýrisgangnum er skipt út.

Inn í þessu eru ekki hlutföll eins og nauðsynlegt er við breytingar á flestum bílum, en sennilega er það inn í tölunum hjá þér Ebbi þar sem þinn er með lækkuð hlutföll. Astæðan fyrir að mér mér finnst sjálfsagt mál að sleppa þeim í útreikningunum er að Defenderinn þarf þau ekki nauðsynlega og mjög margir sleppa þeim. Defender er nefnilega hannaður sem jeppi með lág hlutföll í millikassa, 3,32 meðan t.d. Runnerinn er með 2,28. Orginal drifhlutfall er svo 3,54 sem hljómar nokkuð hátt, en samt er endanlegt hlutfall í lægsta gír lítið eitt hærra en Runner með 5,29 eða 43,4. Má alveg vera lægra en dugar vel, ekki síst þar sem vélin torkar vel. Þess vegna láta margir það eiga sig að skipta um hlutföll og spara sér þannig stóran kostnað sem eigendur margra jeppa verða að leggja í ef þeir ætla á 38? dekk, auk þess að halda styrknum því lægri hlutföll eru eðli málsins samkvæmt hættari við að brotna og endast skemur. Af þeim sem ég þekki á Defender á 38? eru aðeins tveir með lækkuð hlutföll, Jón Ebbi og svo einn sem er breyttur fyrir 44?. Og þeir sem eru að nota óbreytt hlutföll allir á því að það sé í góðu lagi.

Annar stór kostnaðarliður þar sem Defender eigendur geta farið billega útúr er kantar. Þetta lyftir upphæðinni á breytingareikningnum verulega upp á mörgum glæsijeppanum, enda væri annað hrein skemmd á fallegum bíl. Defender er með klassískt röff útlit og eins og kemur fram á ?játningunum? á Kárasíðunni sem ég vísaði áður á, fallegastur hæfilega skítugur og með orginal dældir, þá er þetta ekki eins mikið mál. Persónulega finnst mér hvítu kantarnir á mínum alveg fullnægjandi, órdýrir og praktískir. En á ?fínni? bíl tæki ég ekki annað í mál en að fara þarna alla leið.

Eg fæ því ekki betur séð en Defender geti verið tilbúinn á fjöll fyrir 300.000 + dekk og felgur 250.000 eða 550.000 + kantar sem getur örugglega hlaupið á mjög stóru bili eftir því hvað menn vilja vera flottir (eða hvað þeim finnst flott). Eg hins vegar reikna ekki með að kaupa suðuvinnuna og föndrið við breytinguna þannig að það verður enn ódýrara, en það er auðvitað ekki sanngjarn samanburður og kemur þessu reiknidæmi ekki við. Að vísu gæti verið að ég myndi ekki taka sénsinn á öðru en láta fagmenn vinna breytinguna á bíl með ?þróaðri fjöðrun?, en það er kannski annað mál.

Svo er auðvitað endalaust hægt að setja pening í skemmtilegar viðbætur, s.s opið púst og ýmiskonar fifferí til að fá fleiri hesta, spil og hlutföll (sem eins og ég skýrði að oftan verður að teljast sem auka viðbætur á Defender). Eg velti því hins vegar fyrir mér hvort sé ekki skemmtilegra að fara frekar í skriðgír en skipta um hlutföll. En þá erum við komin langt út fyrir þennan venjulega breytigapakka. En gott að geta t.d. notað peninginn sem annars hefðu farið í hlutföllin upp í skriðgír.

I rest my case!

Kv ? Skúli

P.s. Eg er ekki viss um að ég geti verið sammála félaga mínum Einari og BÞV (skoðanabræðrunum!!) varðandi sjálfskiptingar. Að vísu hef ég ekki kynnst notkun þeirra á fjöllum af eigin raun, en verið kóari hjá ágætum félaga okkar á sjálfskiptum bíl. Það að sjá hvernig hann getur beitt sjálfskiptingunni í hjakki í þungu færi fékk mig ofan af öllum fordómum gagnvart sjálfskiptingum. En að vísu er virkni þeirra misjöfn, hvernig þær taka á og hvernig ?dauðaslagið? er. Þar hentar kannski ekki sama í venjulegum borgarakstri og á fjöllum.

Sæll Björn
Það var kannski viðbúið að þú vissir betur í þessu með hlutföll og Land Rover, jafnvel þó leiddar séu fram nákvæmar tölur um niðurgírun. Staðreyndin er að fjöldi Land Rover eiganda á 38" (ég var ekki að tala um 44") láta það vera að skipta um hlutföll og láta vel af því, þrátt fyrir að töluvert úrval sé fáanlegt. Hvernig var þetta aftur með spurninguna um að dæma út frá eigin reynslu?

Eg hef ekki keyrt óbreyttan Defender, en ég hugsa að það sé rétt að óbreyttir séu þeir frekar lágt gíraðir. Tæplega þó rétt að segja ókeyrandi enda er lykilinn að þessu (eins og kom fram hér að ofan) að niðurgírun í lága drifinu er mun lægri en á flestum öðrum jeppum og hefur því ekki áhrif á malbiksaksturinn. Er ekki niðurgírunin í lága drifinu í Pajero eitthvað nærri 1,9? Með slíkum millikassa væri endanleg niðurgírun á Defender 24,8 í stað 43,4 (að öðru óbreyttu) og þá þyrfti hlutföll ekki spurning. Eg ætla ekki að endurtaka tölurnar, enda eru þær hérna fyrir ofan og segja allt sem segja þarf.

Kv – Skúli

Þetta er allt saman rétt hjá eik varðandi Pajero/Montero. Ég er að keyra á 33" dekkjum og núverandi barðar orðnir oggulítið slitnir. Þá sýnir hraðamælirinn svona 5 – 6% minna en GPS ef maður lætur cruise – controlið passa hraðann á einhverjum beinum leggjum sem ná 4 – 5 km á lengdina. Nóg um það. Þessi hlutföll á 33" eru hinsvegar að manni finnst ansi heppileg fyrir 33" dekk hvað varðar vinnslu og þess háttar á þessum tíkum. Þótt ég sé búinn að aka á þessum bílum í nokkur ár er ég ennþá þeirrar skoðunar, að þetta séu ekki heppilegir bílar til breytinga. En þetta eru ágætar tíkur ef maður ekur mest á vegunum, eins og ég þarf að gera. Nú, BÞV skilur greinilega ekki nema það sem hann vill skilja, sbr. svör hans við ágætum pistlum SkulaH, og það verður bara að vera hans verkur. En mig er farið að langa til að hitta hann SkulaH og kíkja á Roverinn hjá honum. Verst að maður er alltaf í þvílíku tímahraki þegar maður er í bænum, þótt maður sé þar á ferðinni flestar vikur ársins.

….ef þetta er rétt hjá Eik að Pajero nái "aðeins" 1/39,7 niðurgírun (Patrol 1/37,8) þá er Daman skv BÞV ókeyrandi í snjó án auka millikassa!

kv
AB

Bara smá leiðrétting, bandarísku neytendasamtökunum tókst ekki að velta Pajero(montero), eldri en 2001, á sléttu malbiki. Samkvæmt því sem ólsarinn gefur upp, þá er hans bíll af 1999 árgerð og því ekki með [url]þróaðri fjöðrun[/url] að aftan.

-Einar

Sæll Skúli þú spurðir um hvað væri inn í þeim breytingarpakka sem Snorri gaf comment á hjá mér.

mínar hugleiðingar voru hvað kostar að breyta nýjum bíl á svipaðan hátt og þeim sem ég ek á.

Þar sem ég var nú ekki að biðja um eitthvað tilboð heldur sirka tölur, sem hann reyndar byggði á bíl sem hann breytti nýlega, þá kann ég ekki við að birta þær nákvæmlega, en get þó sagt að talan er nær 2 en 1 millu.

Land-Roverinn minn er á 38" dekkjum með hlutföllum og loftlæsingum. Loftdælu, auka rafkerfi með öllu sem því fylgjir. Svo eru auðvitað ljós og fleira og fleira sem ég man ekki í svipinn.

Hvað mikið af þessu var nákvæmlega inn í kostnaðinum veit ég ekki en breytingarnar innandyra voru allaveg ekki með.

En annað sem ég verð að vera þér algjörleg ósammála um, það eru hlutföllin. Ég er nú afskaplega lítill fræðimaður hvað varðar vélbúnað en hef ágæta tilfinningu fyrir akstri þessara bíla held ég. Á undan Rovernum átti ég Susuki með lítilli vél á 33" og að því mér var sagt með orginal lágum drifum og engin þörf á hlutföllum, enda ekki til.
Það verð ég þó að segja að eins og sukkinn var nú skemmtilegur á margan hátt þá var þetta stóri gallinn.
Í þeim ferðum sem ég hef þegar farið á Rover þá er það alveg á tæru að hlutföllin eru það sem mestu skiptir.

Það er sú breyting sem á að koma um leið og 38" dekkin og hygg ég að svo sé um alla bíla hvað sem hver segir.
Allavega er alveg öruggt að ég ek aldrei aftur um á breyttum bíl án hlutfalla.

Bestu kveðjur

Jón Ebbi.

Strákar, ætlum við að ná þessum þráð upp í 100 pósta!

Ólsari, þú ert ævinlega velkominn. Þú færð hiklaust prufuakstur á Breska heimsveldinu, væri jafnvel vel til fundið að sötra einn Guinness með okkur eik, en við erum í hópi sem hittist yfir þeim eðaldrykk hvern föstudag kl. 17:23.

Og BÞV, alltaf hægt að hlaupa á sig í hita leiksins, ekki hægt annað en fyrirgefa þeim sem játar yfirsjón sína. Verra þykir mér að Land Rover eigandinn Ebbi skuli ekki taka mark á tölunum og í guðana bænum Ebbi, EKKI BERA SAMAN SÚKKU OG LAND ROVER. Ekki það að ég hafi neitt á móti Súkkum, margt vitlausara en þær, en bara allt önnur kategoría. Hins vegar get ég alveg ímyndað mér að Defenderinn þinn virki býsna skemmtilega í snjónum með 4,88 hlutföllunum (er ekki rétt munað hjá mér að þinn sé með 4,88?). Þá ertu kominn með lægsta lokahlutfall 59,8 eða rétt tæpa 60. Það gerist örugglega ekki öllu lægra án skriðgírs. M.ö.o. orginal er Defenderinn með svipað lokahlutfall í lága drifinu og margir aðrir bílar með breyttum hlutföllum og svo býður hann að auki upp á þann möguleika að setja lægri hlutföll og þá er maður kominn með umtalsverða niðurgírun sem aðrir ná ekki nema með skriðgír. Ja ef allir jeppaframleiðendur myndu hugsa svona, þá væri nú fallegra í þessum heimi!!!

En þessi hlutföll sem þú ert með Ebbi gera það líka að verkum hæsta hlutfall (5 gír háa drifið) er 5,3 meðan t.d. Pajero með lægstu fáanleg hlutföll er 3,7 miðað við tölurnar á vefsíðunni sem eik vísaði á og þetta er meira að segja talsvert lægra en 4 gírinn á slíkum bíl. Enda sagðir þú mér inn í Þórsmörk í vor að í langkeyrslu er snúningshraðinn kominn yfir 3000 rpm.til að halda sæmilegum hraða. Þess vegna er ég á því að fara ekki útí þetta mikla lækkun á hlutföllum, færi þá frekar í 4,10 sem gæfi lægsta hlutfall um 50 og hæsta mögulega 4,5. Ef ég fer í annað borð í það að skipta, eins og ég segi erum við orginal með svipað lokahlutfall í lága drifinu og margir sem eru búnir að skipta um. Það þarf nefnilega að skoða hlutföllin alla leiðina, ekki bara í drifkúlunni.

Annars lék ég mér aðeins að því að bera saman tölurnar sem voru á síðunni sem eik vísaði á og bera saman við Defender og fannst það býsna fróðlegt. Svona lítur semsagt Pajero 2,8td beinskiptur út:
Fyrsti gír: 3,952
Lága drifið: 1,9
Drifhlutfall: 4,9
Endanleg niðurgírun: 36,79
Til að ná sömu niðurgírun og á Defender orginal þarf að fá hlutfall sem er nærri 5,78

Trooper (beinskiptur) lítur svona út:
Fyrsti gír: 3,95
Lága drifið: 2,05
Drifhlutfall: 4,3
Endanleg niðurgírun: 34,8
Kemur ekki á óvart að menn hafi verið að steikja kúplinguna með því að fara á 38? án þess að skipta um hlutföll.
Til að ná sömu niðurgírun og á Defender orginal þarf Trooper að fá hlutfall sem er nærri 5,36

Svo er spurning hvernig Defenderinn er að virka í almennum akstri miðað við aðra bíla og þá er rétt að skoða hvernig hann kemur út í háa drifinu. BÞV, það er örugglega rétt að miðað við hraðbrautadrossíujeppana fer hann ekki ýkja hratt á orginal dekkjum, en þó þarf að taka tillit til þess að þessi mikla niðurgírun í lága drifinu kemur fyrst og fremst til vegna þess að lága drifið er svo mikið niðurgírað. Hins vegar er háa drifið líka með niðurgírun, 1,41. Fimmti gír í háa drifinu er með lokahlutfallið 3,84 (3,54×0,77×1,41), en Pajeroinn óbreyttur með 3,73 (4,9×0,761×1). Munurinn semsagt 0,11. Þetta sýnist mér þýða að til þess að keyra á 90 km hraða á 29? dekkjum þarf Pajero að snúast 2400 rpm en Defender 2500 (ef menn vilja testa þessa útreikninga var hérna einhvern tíman snilldar Exel skjal að finna á vefnum, veit ekki hvort það er hér enn).

Kannski ekki nema alverstu nördar sem nenna að fara í gegnum þennan talnaleik, en af því ég veit að þeir fyrirfinnast þarna úti og jafnvel sumir þeirra sem hafa gaman af þessu, lét ég þetta flakka hérna inn. Einnig til að undirstrika að þráhyggja mín byggist á tölulegum rökum og svo auðvitað þeirri einföldu staðreynd að ég hef rétt fyrir mér >o) Allavega er alveg ljóst að það er vel hægt að setja Defenderinn á 38" án þess að opna drifkúluna. Og n.b. vegna talnanna sem Ebbi fékk uppgefið er ekki inn í mínum tölum kastarar, Aukarafkerfi, læsingar, VHF stöð, loftdæla, spiltengi, snorkel o.s.frv, enda vorum við að tala um breytingu fyrir 38" dekk sem slíka og það lá alltaf skýrt fyrir.

Megi snjórin vera með ykkur!

Kv – Skúli

eru þið ekki að grínast 100 póstar