„Sjálfstætt fjöðrunarsvið“

Jæja, nú fékk systursonur Dagga á Mælifellsá heldur betur á gúmorinn frá Ólsaranum. Sem betur fer beitti Ólsarinn bara lyklaborðinu, en það gæti nú breyst ef Þorri nálgast hann of mikið. Stundum gott að vera lengst úti á Seltjarnarnesi í öruggu skjóli og skjóta föstum skotum norður í Skagafjörð. :-).

Sjálfur fær maður smá yfirreið, kallaður rörakall, eins og maður sé einhver pípari eða eitthvað, með fullri virðingu fyrir þeim ágætu mönnum.

Í sakleysi sínu ætlaði maður að benda mönnum á að umræðan er svolítið öðruvísi annarsstaðar og fær líka þessa yfirreið. Málið er bara með blessuðu Ameríkana að þegar þeir fara á fjöll á klafadótinu sínu, og koma heim ýmist innskeifir, eða útskeifir eða eitthvað þaðan af verra, þá bara henda þeir draslinu og setja eitthvað undir sem virkar. Aðrir, t.d. sumir hér, fara heim og smíða klafadraslið upp á nýtt, aðallega til þess að aksturseiginleikar á Miklubrautinni tapist ekki.

Ég er nú samt ekki alveg sammála Ólsaranum um að þetta sé allt peningaspursmál, þetta kostar allt sitt. Fyrir mig er þetta spurning um að vera á jeppa en ekki bíl sem er smíðaður með það fyrir augum að drífa upp á gangstétt.

Bestu kveðjur af gamla og góða Skaganum.
Eiki

LC120 er þyngri en Hilux, Wrangler og Land Rover og þar af leiðandi þarf meira vélar afl og sterkari (DÝRARI) drif til að koma honum upp brekku. Það tel ég vera algeran óþarfa og skil ekki hvað menn eru að gera á 8-10 milljón kr jeppum sem svo er ekki hægt að steypa í krapa pytt eða inn í skafl af ótta við skemmdir á rándýru, straumlínulöguðu boddíunum.

Ég held svei mér þá að gömlu hrísgrjónin (Hilux) séu mun betri í fjallaferðir, bæði eru þeir léttari en LC120 og mun ódýrara að finna sér nýtt boddý ef það er klettur inni í skaflinum sem maður er að dýfa sér í.

Svo eru það nú Land Rover bílarnir, öxlarnir kosta ekki nema 7.000 kall en öxlar í Land Cruiser kosta 70.000. Það munar um eitt núll.

Ég er ekki á móti Land Cruiser en þessir nýju eru alveg út í hött, of þungir, of dýrir og of dýrt að breyta þeim. Hvernig verður það ef allir jeppar verða svona, ég held að það myndu engir nema ríku kallarnir með verðbréfin sín sem myndu fara á fjöll og allir "fátæku" jeppakarlarnir myndu bara sætta sig við einhverja fólksbíla.

Haukur

Sælir, get nú ekki verið sammála Hauk um þetta. Það eru engir ríku kallar eða fátæku kallar. Það er misjafnt hvað menn geta og vilja hleypa sér langt með að kaupa jeppa. Það er enginn að segja að menn þurfi að kaupa nýja bíla til að vera á fjöllum. Það er alveg undir þér komið.

Hvorki ég né annarr sem ég þekki eru hræddir við að nota bílanna sína í hvað sem er. Þeir eru keyptir með því hugarfari að nota þá í allt. Ekki að spara þá fyrir einhvern sem á ekki jeppa.
Svo þarf maður ekkert að finna annað boddý. Maður bara kaskótryggir dolluna og punktur. Svo reynir maður að halda sig frá klettunum.
Einhvern veginn er enginn betri en annarr af þessum bílum þó misgóðir séu. Einnig undir þér komið hvað þú ert fær um og hve vel búinn.
Þessi póstur byrjaði á sjálfstæðu fjöðrunarsvið og finnst mér þetta vera komið út í eitthvað annað. Ekki illa meint. Gaman þegar umræður skapast.
En þetta endar voðalega oft á fátæku köllunum og svo ríku verðbréfa guttonum.
Sjáumst á fjöllum,
Ferðakveðja Jónas

Sko, það vill svo til, að sá ágæti maður Valdi rakari, sem er meira segja reyndari en sjálfur Björn Þorri – rengi hver sem vill þessa fullyrðingu – hann hætti á þessum fínu græjum og fékk sér Hi-Lux, meira að segja held ég 1995 árgerð – þann síðasta á röri að framan. Þarf lengri ræðu?

Ég bíð spenntur eftir að sjá hvernig IFSið á eftir að standa sig hjá Palla á 44" dekkjum, svo er líka gaman að geta sagt við hann "minn er kraftmeiri" og ekki verið að ljúga. Ég hef ekki trú á IFS fyrir 44" bíla en fyrir hálfbreytta slyddu og sportjeppa virðist þetta ganga með réttu viðhaldi.

Mér líst vel á þær hugmyndir að jeppar verði flokkaðir eftir verði og mætti setja upp nokkra flokka.

1 flokkur. 4 millur+ meiga fara um allt hálendið og alla jökla landsins enda dýrastir og bestir.

2 flokkur. 2 til 4 millur. Meiga elta í förum þessa dýru og flottu en bannað að fara framúr.

3 flokkur. 0 til 2 millur. Meiga bara fara um hálendið að sumri til en verða að passa sig að vikja vel fyrir dýrari jeppum.

4 flokkur. Nokkuð sérstakur flokkur sem helst telur framsóknarmenn, vinstri græna, skagfirðinga og fólk sem ekur um á bílum með IFS. Þessi flokkur má ekki undir nokkrum kringumstæðum yfirgefa hringvegin og það er mikið atriði að IFS bílar hafi verkstæði með viðurkendan hjólastillingarbúnað í 25km radíus.

Annars skrapp ég upp í Brimborg og var að kinna mér verðið á Ford Excursion og það var litlar 6,4 millur fyrir utan breytingu svo pakkinn væri trúlega 10 millur með öllu. Ég gat ekki ákveðið hvaða lit ég vildi svo ég pantaði 3stk í mismunandi litum, en gleymdi víst veskinu heima svo ég verð koma seinna til að borga.

Svo er bara að vinna í lottó og koma á einræði í landinu.

Bullkveðja Hlynur

Góður Hlynur!

Annars er ég sammála BÞV að við megum ekki láta umræðuna taka eitthvað sving yfir í að skipta jeppamönnum upp í flokka eftir veskisþykkt. Þá væri miklu sniðugra að kljúfa þann hóp eftir því hvort þeir séu virkjanasinnar eða virkjanaandstæðingar eins og BÞV sakaði okkur í umhverfisnefndinni um að reyna í öðrum þræði. Ekki út frá svona ómerkilegum hlutum eins og pjéningum.

Og nú þegar ég er búinn að taka undir með Birni og Björn búinn að taka undir síðasta pistil minn er rétt að finna eitthvað sem við getum verið ósammála um. Það var reyndar af svo mörgu að taka í fyrsta pistlinum að sumu bullinu varð bara að láta ósvarað í fyrstu atrennu.

Þá kemur upp í hugann þetta með Ameríkufordómana hjá Birni. BÞV sakar okkur svokallaða rörakarla um að útgangspunkturinn sé ?amerískt er gott?. Þetta er aðeins misskilningur, en hins vegar göngum við ekki út frá því fyrirfram að amerískt sé ómögulegt eins og hann gerir og þannig held ég að umræddur vefritari Grant hafi nokkuð til síns mál, jafnvel þó amerískur sé. Ég held að það sé líka mikil rangtúlkun að jeppamennskan í ameríku sé ómöguleg og illa þróuð, jafnvel þó þeir notist við blaðfjaðrir. Blaðfjaðrir henta ekki vel í okkar jeppamennsku, en í þeirra rock crawling gilda allt önnur lögmál og mér hefur sýnst þeir vera ná ótrúlegri slaglengd með þessum flatjárnabúnaði sínum. Auk þess er stór hluti af því sem við notum til að breyta hraðbrautadrossíunum í jeppa upprunið í henni Ameríku. M.ö.o. þessir grjónapottar verða fyrst alvöru jeppar þegar hæfilega mikið af amerísku dóti er komið í þá, enda sést það á þróuninni í jeppaframleiðslu Japana að þó þeir geti framleitt þokkalega endingargóða hluti og geri margt vel hafa þeir engan skilning á jeppamennsku. Enda hvernig ættu þeir að skilja hana.

Og þetta með þessa klassísku spurningu þína um reynslu sem er orðinn fastur liður. Nei ég hef ekki átt klafabíl en það þýðir samt ekki að ég viti ekki hvernig þeir virka. Ég á marga góða ferðafélaga á klafabílum, ég hef farið margan túrinn sem kóari í klafabíl, ég hef séð framdekk fara þversum á klafabíl eftir samskonar flug og gamli Runner var búinn að taka nokkrum mínútum áður án þess kenna sér neins meins, ég hef séð skaflana sem myndast framan við klafabílana í þungu færi og ég ætla áfram að vera án þeirrar reynslu að eiga og reka klafabíl.

Björn, það er alveg nóg að sjá ykkur klafakallana basla!

Kv – Skúli

Bara þetta með klafabíl. Ég var búinn að marglýsa því yfir að ég er á klafabíl, að vísu bara 33" dekk undir honum, en maður keyrir nú stundum í snjó og kannski stundum í meiri snjó en 2300 kg bíll á 33" ætti að vera að þvælast í. Samt sem áður þykist ég þess fullviss, að þetta system hentar mér allavega ekki jafnvel og rörið gerði. Annars fannst mér nú Lada Niva garmarnir sem ég átti einhverntíma á blankheitatímabili í mínu lífi að mörgu leyti standa sig betur en Pajero í snjó. Af þeim bílum sem ég hef átt frá því um 1970 man ég eftir Scout II, Uaz 452, Bronco og Hi-Lux og Hi-Luxinn bar af þeim öllum. Sætin í honum voru hinsvegar að ganga frá konunni minni og ég vil helst hafa hana eins óskemmda og hægt er eftir að hafa búið með mér í fjörutíu ár! Því var greyið seldur. En þetta með bilanatíðni í Pajero átta ég mig ekki á. Ég er búinn að aka á þessum grjónabrennurum síðan í janúar 1996, nánar tiltekið þremur stykkjum, og þeir hafa andskotann ekkert bilað. Hafa þó allir verið beinskiptir. Eina sem hefur farið í þeim eru glóðarkerti og fáeinar perur, en það er víst eðlilegt slit. Svo hefur maður bara skipt um olíur og síur eins og gengur, annað ekki. Hvað varðar bilanir, þá er nú líklega staðreynd að enginn bíll bilar meira en AMG Hummer, ameríski draumurinn sjálfur, uppáhaldsbíll Arnolds Schwarzeneggers!

Kvað er eiginlega að mönnum ? Það er allt rifið undan fákunum flexitorar fjaðrir og allt helvítis draslið. Rör og púðar sett í staðin. En mönnum dettur ekki í hug að skifta um stóla svo frúin geti haft það notalegt

Þú færð hann að vísu ekki með röri að framan, en ef frúin hlær í betri bíl er nú ýmislegt sem hægt er að sætta sig við!

Já Ólsari, framsætin í Defender eru fín og það sem er óvanalegt í bílum í dag er að maður situr uppréttur í honum en liggur ekki. Aftursætin eru hinsvegar engir hægindastólar, en hægt að fá mun betri sæti þar sem auðvelt er að koma fyrir.

En það er rétt að hurðarnar mættu vera þéttari eins og kemur fram í "játningum Land Rover eiganda" sem eru að finna á [url=http://www.mountainfriends.com:1d7g7kyv]Kárasíðunni[/url:1d7g7kyv]. Svo er það reiknidæmið hversu dýrari hann sé þegar upp er staðið og þá kemur inn í þetta með breytingakostnaðinn sem við erum búnir að vera að tala um. 35" dekkin fara undir án þess að gera neitt nema klippa og tiltölulega einföld aðgerð að gera hann kláran fyrir 38".

Kv – Skúli