„Sjálfstætt fjöðrunarsvið“

[url=http://www.4wheeloffroad.com/howto/19218/
]Í Ameríku henda þeir IFS og setja flatjárn undir![/url]

Nokkuð góður þessi sem er að skrifa um þróunina hjá Jeep. Er þetta ekki lýsandi fyrir þróunina í jeppaframleiðslunni. Á "blómatíma jeppanna" þegar jeppar voru jeppar (gamli willis, Land Cruiser FJ40, Land Rover) voru það styrkur og seigla í ófærum sem skiptu máli, en einhverjir lúxus fídusar einfaldlega fráleit hugmynd. Svo kom Broncoinn sem var kannski ekki eins hrár og gömlu jepparnir og var fyrstur til að setja undir gorma, en hélt að öðru leiti því sem skipti máli í jeppa. Svo verða jeppar tískufyrirbæri, framleiðendur finna nýjan markhóp sem vill jeppa útlitisins vegna eða fyrir eitthvað snobb en hefur ekkert með þessa jeppaeiginleika að gera. Þess vegna verða til jeppar sem eru hannaðir fyrst og fremst sem lúxusbílar (forstjórajepparnir svokölluðu) og svo þessir litlu eins og Rav4 og þessi Jeep Liberty. Þetta eru frekar sportbílar en jeppar, strandbílar kannski rétta nafnið. Pajeroinn er titilaður í auglýsingum konungur jeppanna, hann má vel vera það í hópi hinna fyrrnefndu, en bíll með klafa ekki bara að framan heldur líka að aftan getur ekki verið konunugur hinna sönnu jeppa! Ekki frekar en Yaris!

Þessi þróun væri í sjálfu sér saklaus og góðra gjalda verð ef hún leiddi ekki til þess að úrval "raunverulegra" jeppa verður alltaf minna og minna. Land Cruiser sem eitt sinn hét FJ40 og var sannur jálkur kemur núna aðeins með IFS og í þokkabót á 17" felgum. Og samkvæmt fréttum rennur hann út, 520 bílar seldir á þessu ári og mest seldi bílinn hér á landi. Enda fallegur og vel búinn lúxusbíll, ekki ætla ég að þræta fyrir það. Og þetta sem þessi ágæti Grant er að fjalla um þarna í greininni, að hinir sönnu Jeep jeppar séu að víkja fyrir einhverjum hálfjeppa eða strandbíl er náttúrulega bara guðlast.

Kv – Skúli H.

Já það er rétt, ég gleymdi þarna 70 bílnum. Góð spurning af hverju við sjáum ekki meira af honum hér. Hann fékkst bara í skamman tíma að ég held og fæst ekki lengur. Núna er vissulega þörf fyrir þennan bíl á markaðinn hér þegar alvöru jeppar (hásingajeppar) eru orðnir svona fáir.

Einhver kann að segja að þessar kenningar standist ekki því t.d. sé fullt af Barbí bílum á 38" að virka vel og sömuleiðis 120 bílinn. En verðmiðinn á breytingapakkanum segir raunar allt um það hvað þessir bílar eru langt frá því að vera jeppar í upphafi og hafa samt eftir þann pakka þann annmarka að vera hásingalausir að framan. Til samanburðar þá er Defenderinn hjá mér á 35" þó ekkert hafi verið gert nema klippa úr og breyting í 38" myndi kosta ca. 2-300.000 og mun minna með heimamíði.

Langbesti er kannski ofsagt, en þeir voru mjög vinsælir og ekki að ástæðulausu. Það hins vegar þurfti töluverðar breytingar til að gera hann góðan, færa hásingu eins og þú nefnir og setja gorma með öllu því sem því fylgir. En núna er hann kominn með klafa að framan, þetta er bara ekki einleikið hvernig þetta tröllríður öllu og skemmir allt.

Hilux er ekki lengur fáanlegur með hásingu að framan. Ef það þarf að byrja á að smíða nýja fjöðrun undir allan bílinn, og setja hásingu að framan, þá skiptir ekki miklu máli hvað bíllinn hét áður en framkvæmdir hófust.

-Einar

Nissan patrol hefur verið á gormum og hásingum síðan 1989, Jeep Wrangler (arftaki Willys) hefur verið á gormum og hásingum síðan 1996. [url=http://www.daimlerchrysler.ca/CA/04/EN/JEEP/1,,CA-04-EN-JEEP-TJ-MODELS,.html:2bbkftfz]Jeep TJ Rubicon[/url:2bbkftfz] kemur frá verksmiðju með yfirstærð af hásingum, gormum og loftlæsingum bæði framan og aftan. Auk þess er hann með skriðgír (1/4) og lækkuðum drifum. Með því að lyfta boddí, skera úr brettum og setja kanta, er kominn fullbreyttur jeppi sem vegur um 1500 kg og er með 190 hestafla vél.

-Einar

Annars má ekki skilja orð mín svo að ég hafi neitt á móti Toyota, síður en svo. Auðvitað Toyota maður í hjarta mér og gamli Runnerinn minn var eðalvagn og ágætur jeppi, Hiluxinn í gegnum árin reynst vel og jafnvel má vel vera að nýji Barbíinn geti virkað fínt eftir að búið er að bæta hann fyrir svosem andvirði meðal Corollu. Minn punktur er hins vegar að framleiðendur eru alltaf að aðlaga jeppana meira og meira að þörfum þeirra sem vilja ekki jeppa heldur eitthvað sem lítur út eins og jeppi. Aksturseiginleikar á hraðbrautum settir í forgang en off road látið víkja. Þessi þróun gerir það að verkum að jeppaeiginleikar þessara bíla óbreyttra verða stöðugt verri og að sama skapi dýrara að breyta þeim í jeppa. Nýji LandCruiserinn er einmitt gott dæmi um það, kominn á 17 tommu sportbílafelgur. I ofanálag er þetta auðvitað allt of dýrt og fínt til að nota í alvöru slark þó svo ég viti að menn geri það engu að síður. Það er ekkert skrítið að fólk eigi erfitt með að sjá heila brú í þessu sporti; taka dýra lúxusbíla, breyta þeim fyrir andvirði meðal fólksbíls og nota þá eins maður sé með gamlan traktor í höndunum. Eða það sem er enn skrýtnara, nota þá ekki sem slíka heldur sem samgöngutæki úr og í vinnu eins og sjálfsagt eru dæmi um.

Og eins og þessi ágæti Grant segir í greininni sem Eiki vísar á hér að ofan: "What the hell are you doing buying an off road vehicle if NVH (noise, vibration, harshness) is your primary concern?

Já það er gott að vita að maður eigi skoðanabróðir einhvers staðar, ekki síst með tilliti til þess að fyrir mörgum hljómar þetta sjálfsagt sem afdalakenningar aftan úr grárri forneskju. Að ræða málin í góðum skála við tækifæri hljómar ekki illa. Og ég er alveg nákvæmlega sammála þér með þetta tölvudót og sjálfvirknina, not my cup of tea og á ekki heima í fjallabílum. Að vísu var aksturstölva í gamla Runner og hún meira að segja staðsett undir mælaborðinu, beint yfir einu af mörgum ryðgötunum þannig að drullan gekk yfir hana. Það dugði að taka pólinn af geyminum til að endurstilla hana, en hún var náttúrulega gömul og frumstæð og því mun öruggari en þetta nútíma dót. Mér segir svo hugur að þegar þessir jeppar sem eru að koma á götuna í dag verða komnir á þann aldur sem Runnerinn var verði þetta allt saman hætt að virka og tóm vandræði. Ef breyttir jeppar verða á annað borð leyfðir að 18 árum liðnum.
Kv – Skúli

Björn Þorri, þótt þú sért miklu stærri en ég og þar að auki systursonur Dagga á Mælifellsá held ég myndi lána þér einn á kjaftinn ef þú kallaðir mig framsóknarmann innan þess radiusar sem handleggirnir á mér ná. Það vita allir sem mig þekkja að þann sértrúarhóp fylli ég ekki og mun ekki gera meðan eitthvað er eftir af gráa efninu milli eyrnanna á mér.
En hvað um það. Ég öfunda engan af Pajero, er nefnilega Pajero-eigandi sjálfur og búinn að eiga eina þrjá í röð. Hef hinsvegar ekki breytt þeim til þessa, finnst ég þurfi að hafa grófari bíl í það. Já, og BÞV, það kann vel að vera að reynsluleysi hrjái mig í fjallaferðum.Ekki ætla ég að bera á móti því. Ég er ekki búinn að vera á þessum flækingi nema eitthvað rúm 35 ár og odometerinn í mér sjálfum er bara rétt kominn yfir 2.000.000 km undir stýri á bílum af flestum stærðum. – En þú horfir líka framhjá einni "breytu" í dæminu og það er kostnaðurinn. Við höfum ekki allir sömu fjárráðin og sumir okkar hafa hreinlega ekki ráð á að kaupa Pajero/Montero GLS á 6 milljónir og láta síðan breyta honum fyrir 2 milljónir til viðbótar. Kannski eiga þeir, sem eru þannig staddir fjárhagslega, ekkert að vera að fíflast í fjallaferðum. Þá getið sem aurana hafið setið einir að hálendinu. Líklega er það bara það sem debattið snýst um. Burt með helvítis alþýðuna, eða hvað? Svo til viðbótar. Toyota er ekki með 120 Cruiserinn á markaði í USA, heldur selur það body eingöngu sem Lexus, hvað sem líður ignorance of the God damned Yankees að öðru leyti.