„Sjálfstætt fjöðrunarsvið“

Hvernig færðu það út að Rover fjöðrunin sé eftirlíking á Lödu fjöðruninni?

Ég ætlaði nú ekki að röfla meira hérna, það hefur engan tilgang því menn eru svo fastir í sínu og virðast ekki þora að reyna nýjungar – og svo er ansi erfitt að rökræða þessi mál við menn sem vita ekkert um hvað þeir eru að tala því þeir hafa aldrei ferðast á bílum með sjálfstæða gormafjöðrun á öllum hjólum.

En tvennu ætla ég að svara:

Rangur: Ég þarf ekki að bera mig saman við Patrol til að finnast Pajeró mjúkur – hins vegar tók ég hann sem dæmi að því að það er eitthvað sem ég þekki vel og ég, ólíkt mörgum öðrum hér, nota ekki rök og fullyrðingar án þess að þekkja hlutina af eigin raun.

Skúli – Ég hef ferðast um marga jökla og þá mjög óslétta án nokkurra vandræða á mínum gamal Pajeró – sem var að vísu bara með klafa að framan og aldrei kom til þess að ég kæmist ekki áfram vegna þess að hann misfjaðraði ekki nógu vel – en djöfull var mikill munur að keyra hann á 100 eftir jöklum og líða um eins og á fljúgandi teppi.

Gæsavatnaleið fór ég líka á þessum sama bíl án nokkurra vandræða meira að segja þó ég hafi verið með Ford fjós dinglandi á eftir mér – oft í spotta – Helstu óþægindin í þeirri ferð voru af helvítis hásingunni að aftan sem var alltaf að rekast í grjót – það verður þvílíkur munur á þessum nýja að þurfa ekki að hafa áhyggjur af stórum steinum sem beygja eða brjóta þessi rör í umvörpum – Hlynur og nafni minn á Akureyri þekkja svoleiðis vandamál vel.

En svo er bara eitt fyrir ykkur að gera strákar – fá að ferðst í bíl með svona fjöðrun og reyna svo að segja með fullri sannfæringu að þetta sé ekki frábær fjöðrun…

með fjaðrandi kveðju…
Benni

er nú reyndar óneitanlega á röri að framan einnig, það sést á hallanum á framdekkinu (nema klafadótið sé brotið…:)

Annars er fjöðrun bara fyrir kellingar og hananú…

kv
Rúnar.

Sæll Hlynur,

Ekki kom nú blautur blettur í buxurnar við að sjá Gísla detta í sprunguna – en ég viðurkenni þó að þar er á ferðinni alvöru misfjöðrun, en það bjargaði honum ekki þarna og þurfti að spila hann upp alveg eins og hefði þurft að gera ef ég eða þú hefðum pompað þarna. Ég á mynd af þessu heima og skal reyna að setja hana inn í kvöld.

Benni

Það er undarlegt, en BÞV og hmm virðast telja að það sé eitthver eðlismunur á sjálfstæðu fjöðruninni sem notuð hefur verið að framan í mörgum jeppum síðustu 25 árin, þar á meðal rúnkaranum og því sem er á nýjasta rúnkaranum. Þessar bílar eru með það sem kallast í útlandinu "double wishbone" eða "double A arm". Það skiptir engu máli upp á eiginleika hvort notaðir eru vinduöxlar eða gormar, hvort er notað fer mest eftir því hvernið það kemur út uppá pláss. Ég dreg það ekki í efa að nýji rúnkarinn sé með slaglengri fjöðrun en ýmsir aðrir bílar með klafa fjöðrun, ég efast þó um að hún sé slaglengri en í upphaflega Hummernum sem er líka með svona fjöðrun, bæði að framan og aftan.

-Einar

það skiptir miklu máli að bíll hafi búkollufjöðrunareiginleika, hann fer miklu lengra uppá rampinn, en fer hann meira í snjó, hef ekki séð það gerast ennþá nefnilega og það er það sem umræðan snýst um.
aldrei hef ég séð klafabíl hendast út og suður við akstur í snjó, einmitt þvert á móti liggur hann mun betur en rörabílar, hinnsvegar á hann það til að lifta hjóli við miklar misfellur og þá reynir aðeins á læsingu og drifbúnað, þessvegna er gott að hafa sterkt dót eins og í pajero

Í snjóakstri þarf oft að fara um gil, skorninga og alskyns ójöfnur. Við sklíkar aðstæður getur skipt sköpum að bíllinn misfjaðri vel. Þetta má útskýra með dæmi.

Hugsum okkur bíl sem vegur 2000 kg og að þyngdardreyfing sé jöfn milli fram og afturhjóla. Ennfremur að dekkin séu af stærð sem gegur borið 500 km við 2 psi þrýsting. Þessi dekk geta þá borið 1000 kg við 4 psi þrýsting.

Ef ekið er á ská yfir eitthverja ójöfnu og bíllinn misfjaðrar illa, þá getur allur þungi bílsins lagst á tvö hjól. Þá er ekki hægt að fara niður fyrir 4 psi ef loftið í hjólinu á að geta borið þunga bílsins. Við þessar aðstæður gæti bíll sem misfjaðrar vel farið niður í 2 psi meðan hinn missir flotið ef farið er niður fyrir 4 psi. Þetta er meiri munur á floti en milli 38 og 32 tommu dekkja svo dæmi sé tekið. Ég held að flestir jeppamenn viðurkenni að bílar komist meira í snjó á 38" dekkjum heldur en 32"

Éf bíllinn er ekki fulllæstur þá bætast við áhrif þess að átakið á hjól á sama ás takmarkast við spyrnu þess hjól sem hefur minna grip. Ef þunginn liggur misjafnt á hjólunum minnkar átak beggja sem nemur þunganum sem hvílir á því hjóli sem léttara er.

-Einar

Bara til að þráðurinn detti ekki út af lista
En ein spurning fyrir alla heittrúuðu röra kallanna
af hverju hefur engum ykkar dottið í hug að setja
hleðaslu jafnara í bílanna ég er að tala um sama
búðnað og var í gömlu range rover bílunum sem er alveg
bráð snjall búðnaður þar sem að öll þyngd sem er sett
inní bílinn fyrir ferðir leggst bara á miðja hásingu
í staðinn fyrir að minnka slaglengdinna í fjöðrunnini
þegar bíllin er lestaður spyr sá sem ekki veit

Sko loftpúðar gefa nátúrulega alltaf sömu fjöðrun lestaður ólestaður en þessi spurning var nú mest ætluð þeim sem eru með bílanna á gormum því þar þegar að þú ert búinn að lesta bílinn ertu kannski búinn me 10 cm af af fjöðrunar getu en tjallinn var búinn að finna lausn á þessu hvimmleiða vandamáli árið 1973 þegar að range roverinn kom með þessum útbúðnaði sem er í raunninni sára einfaldur búðnaður en bara til að það komi fram að þá hef ég ekki neitt sérstakt á móti hásingum

Eflaust er hægt að sýna fram á gæði fjöðrunar með margskonar rökum og trúverðugum útreikningum.

Talsvert hefur verið rætt um hvað "sjálfstæða" fjöðrunin hljóti að vera mikið betri aksturslega svona yfirleitt.

Þannig er að ég ferðast þó nokkuð með jeppafólki á mismunandi tegundum bíla og með mismunandi fjöðrunarútbúnaði.

Tveir þeirra hafa fórnað sjálfstæðinu að framan fyrir rörið, margrædda.

Hvernig sem á því stendur, þvert ofan í fræðin, þá finnst þeim munurinn afskaplega mikill fjöðrunarlega séð á holóttum vegum og vegleysum, rörinu í hag.

Kann ekki skýringuna, en annar bíllinn er Terracan og hinn Four Runner.

Sjálfur er ég bara sáttur við fjöðrunina á mínum röravagni af Land-Rover gerð.

Bestu kveðjur.

Jón Ebbi.